في لحظة 🚫♥️

بارت 3

مساء الورد والياسمين حبايب 😘

//البارت الثالث ///
#في_لحظة 🚫♥️
#بقلمي_الكاتبة_شمس ..

بعد ماتأزم الوضع بين فهد وهمام ..
بابا عاط بيهم ..
بابا...وحق الحق اذا هسه اسمع نفس لأذبحكم اثنينكم فهد وهمام ..

كافي شنو انتو صغار وگاعدين تتعاركون .
الي يشوفكم ميگول ضباط وعليهم العتب ..

التفت المريم .. وانتي مريم اياج اسمع صوتج بشي ميخصج فاااااهمة ..

همام...مريم صعدي
مريم...لحظه لحظه اشو هي على كيفها مخليها لا تقبل بأخويه ماهر ولا بفهد شنو تريد بالضبط عمي متگلولي يا اعلام هذا مخليها بي ..

غاليه...انتي شعلللليج مااريد لا فهد ولا ماهر هي گووووه ليش دايما تتدخلين بحياتي ..
صعدت گبل لغرفتي وطالعه رووووحي وحيل ضايجه ومقهوره من الي يصير ..
ماراضين عني وعن تصرفاتي ..
واني ممسويه شي غلط او يخل بسمعتهم ..
بعد هاي الناس ليش تتدخل وتحاول تطلع الغلط بيه ..

بيومها تسطحت بملابسي ع السرير وحيل ضايجه وطفيت الضوه وتالي غفيت ..
لثاني يوم الظهر يله گعدت ..
حتى مارحت لا دوام ولا كليه ولا كلشي
الظهر ساعه 2 اباوع تلفوني محترك اتصالات وصامت گمت غسلت بسرعه وبدلت لبست فستان طويل سمائي فاتح وفوگه ستره ولفيت الشال بطريقه حلوه
رتبت مكياجي بشكل هادئ ورحت للقناة ..
گلتلهم كنت مريضة ..

اقتنعوا بكلامي .. ورحت گعدت بالمكتب ..
مر شهرين دوامي بالقناة تعودت عليهم ..
وتعودت على جو الاكشن مال فهد كل فتره ..

الى ان بيوم كنت اني وصديقتي سما اجينه سوية للقناة ودخلت اقرأ موجز الاخبار بس كان تسجيل مو مباشر
وبعدني مدخلت ..
واجاني الحارس كال ست اكو ولد بره اسمه ماهر يريدج
استغربت .. هذا اخو مريم شيريد ..
كتله شيريد ؟ كال والله ست ماادري بس كال كللها الاهل
شنو الاهل ؟؟؟ هذا شبي
اوك محمد دخله لمكتبي ..

استأذنت من المخرج ورحت ..
گالت سما شكو ..
گلتلها ماهر هنا ..
هي تعرفه ..
سما .. عزااا هذا شعنده .
غاليه .. اروح واشوف ..

دخلت ..
ماهر..مرحبا
اني.اهلا وسهلا
ماهر...شلونج اخبارج
تمام بخير ..
ماهر...خاف عطلتج
اني...والله عندي اخبار ولازم نسجل ..
ماهر...اي عمي صرتي اعلاميه بعد متتحاجين
اني...تفضل ماهر اخدمك بشي . واني معصبه .
ماهر..كملي وانتظرج ونطلع سوه ..
اني...نطلع سوه شنوووو??
ماهر ...نروح للبيت
اني...يابيت اگلك شتريد ..
ماهر...غاليه تعرفيني اريدج ليش رافضه
اني...تحجي صدگ انت جاي لهنا وبهيج مكان ..
حتى تحجي هالحجي ?
ماهر...شمسوي وين جايبج قابل ..
اني...اختصر
ماهر...ليش رافضه شبيه اني.. والله اني اريدج .
اني..ماهر افهمني يااخي .. هي مو شغله ارفضك لان بيك شي . بس اني ماعندي اي مشاعر اتجاهك . واحسك مثل اخ الي . لااكثر .
ماهر...بس اني اريد اتزوجج ..
اني...عصبت وحيل ضجت كتله من رخصتك عندي شغل...