سجينة الوحش

💏

الحلقة1:
سارحة وتخمم فلي جاز عليها تحس في بدنها تاعب عينيها مفتوحين يبرقو في ضلام ليل.. دمعتها سالت مش قادرا تزيد تعيش استسلمت للقدر كل ماتحاول تهرب وتقول نجحت فلهرب لاكن بعد زمن قصير تعاود تولي وتفشل فلهرب تشوف حواليها وتشد في كتفها الي يوجع فيها مالضرب والاهانة لتعرضتلها مش قادرا بردت كمشت روحها وقعدت تتفكر كفاش صرالها مش مصدقة......
قبل بشهر ...........
جاية ولابسة لبسة متع تنس جوب قصير وشوميز مل فوق كان بدنها يهبل عينيها لون لبحر وشعرها عاملاتو كوشيفال وكاسكيطة ودخلت للدار او نقولو فيلا كبيييرا تمشي فيها متخلاصش..
لارا:ممممم شنوا هذي ريحة خالتي فطوم ....ريحة تشهي ..كانت واقفة قدام طاولة فيها كل لمواكل المقبللت وسلاطة ...شنوا هذا لكل خالتي فطوم ليمن هذا لكل شنوا لمناسبا ..كانت شادا حبة تفاح وتاكل فيها ..
فطوم الخدامة متاعهم: علاش يا بنتي معلابلكش الي ليوم عاملين حفلة
لارا:شنوا لمناسبة.
فطوم:باباك وامك عاملينها بلا حتى مناسبة..
لارا : ضحكت بجنبّ. ...انا طالعا خالتي فطوم ندوش تعبت ايا امبعد...
طلعت ودخلت دوش وخرجت لابسة كاب دوبان وريحت جال دوج عبقت دنيا حملت تلفون وكلمت صحبتها او نقولو انتيم تعها ..
لارا:كيفك صبوح ههه شنوا حوالك ..
صباح : صباح لخير لارا ممم حتى لتوا باش تتفكرني يخي وينك ...
لارا: مش كنا كيفكيف لبارح شبيك صباح ربي توحشتيني ...
صباح : ههههه اسمعني مبارح فلديسكو الي كنا فيه شفتي هذاك الي قتلك كلاك بعينيه..
لارا: مممم شبيه ..
صباح:مبارح وحنا كنا خارجين تبعنا وانت كنت تاعبا ورقدتي فطونوبيل وانا شفتو كيف خرج ورانا وتبعنا الصراحة انا خوفني حتى طونوبيلتو خوفتني ..
لارا: ممم هههه ميهمنيش امرو وميخوفنيش وانت علابالك انا شكون اواحد ميقدر يلمسني ههههه اخطينا منو ..شنوا رايك ليوم جي لعندي عاملين حفلة بابا وماما وبعد ما جي نهربو ونسهرو لبرا..
صباح: اوكي تو نشوف ايا امبعد مالا ..
في ليلة الحفلة:...
ناس تشطح على موسيقى هاديا  وناس كلاس رافدين كيسان فيهم شراب كلهم وهرة وكلهم رجال اعمال مع نساهم وكلهم يحكو مع بعضهم والتكبر باين على وجوهم ..
هبطت من دروج كيف سندريلا شافت صباح راحت تجري ليها ..يسلمو على بعضهم متلقا راحتها كان معاها هي لماليا عليها حياتها وماليا عليها الفراغ متع والديها الي عمرهم ولا شافو فيها ولا سألو عليها عمرهم معطاوها اهتمام متع الوالدين هي الوحيدة الي معاهم تحسهم بعاد عليها ..
طلعت لارا للبيت نسات ساكها وصباح تستنا فيها فلصالة واوووب شافتو داخل بوهرتو ورجوليتو كان لابس كوستوم فلبلونووي ولحيا مطراسيها عينيه كحل يسحرو من بعيد وكور تاعو منحكيش عليه كور وبدن وزين ..صباح طلعت تجري للارا..
صباح: تلهث ..لارا هاه هاه هاه لارا هو ...هو والله هو ...
لارا: يا بنتي شبيك احكي شكون هو ..فجعتيني..
صباح: شافت فيها ..هذاك الي شفناه مبارح الي حكيتلك عليه صباح هاو هنا ..
لارا: ممم هذا مكان افف فجعتيني شبيك متقولش الي خايفا منو خههههه امشي خلينا ننزلو بعدها نخرجو نسهرو برا...