سجينة الوحش

3

الحلقة الثالثة:
لارا شافت فيه وهو شاف فيها ومدلها ايدو وهي مدت ايدها شدها وكبس عليها وهي حبت تبغد ايدها اما هو زاد كبس عليها وباسلها ايدها وهي ملصت ايدها وشافت فيه بكل غرور وراحت ...
صباح:افف شفتيه قتلك يخوف..ياربي اما زينو مش نورمال..
لارا: قاعدا شادا قي ايدها توجع فيها ..امشي صباح خلينا نخرجو من هوني ضاقت بيا نفس ..شافت فيه ودورت عينيها منو بتكبر وخرجت ..
هارون تبسم وشاف في عبد شريف ...اليوم فيها مش هكا ..اذا ربحت راح يكون عقد بيني وبينك نرجع الاسهم متع بابا واذا زدت ربحتك ..وقفو عبد شريف ..
عبد شريف:مممم هههه واثق من نفسك برشا خلينا نكملو سهرية وندخلو للبيت وبعدها نشوفو شطارتك وغمزو وراح وخلاه ..هارون متنرفزش.عارف شنوايعمل ..
لارا خرجت مع صباح كلعادا وراحو للديسكو شطحو عملو حالا كانو واقفين زوج متع ليجون يشوفو فيهم وصباح ولارا يتمهبلو لارا خرجت قلبها كأنها تخرج في غمة قلبها فلفراغ الي تحس بيه تكذب على روحها وعلى نفسها وتعمل نفسها قوية ومتكبرا ومغرورا صانعة جدار لكل واحد تصد فيهم متعرفش حتى واحد عمرها ما صوحبت ولا حبت كانت تتمقعر عليهم وتضحك عليهم وتكسر قلوبهم ووهي تضحك اما صباح كانت صحبتها عاملتها مثل اختها الي منيحتلها كل الفراغ الي في حياتها ..
قربو ليهم ليجون وقعدو معاهم في طاولة وصباح هي ولارا يضحكو وليجون زوج يجبو عليهم يحسبوهم شاربين اما هوما عمرهم ماذاقو شراب لارا وصباح كل ميدخلو للديسكو يعملو جو وحدهم ضحكو ومعاهم وقعدو يقربو منهم واحد منهم حط ايدو على فخذ صباح وسعت عينيها كيفاش يجرء عطاتو كف ولارا شافت فيها و جون ثاني شاف فيهم وشد ايد لارا يجرجر فيها باش يخرجها وهي تضرب فيه بساكها ..
لارا: ابعدنيي ابعدنيييي يا كلب ياخي متفهمش انت ..كانت الناس كلها تشطح وصوت الغنا يسد الوذنين صوتها مش قادرا تسمعو وهو يجرجر فيها ..خرجو من دسيكو وصباح قعدت ثم مخرجتش لارا شافت تمشي وتشوف من وراها وهو يجرجر فيها ضرباتو بساكها ودار ليها ..اسمع يزي من ضرب امشي خلينا نعقبو ليلة شابة وبعدها روحي راح نفرهدك علخر وغمزها لارا عينيها وساعو وعطاتو كف لم يكن فلحسبان شد وجهو وهو كان يقرب ليها حتى شاف رجليه طالعين فسما زوج قد الجبل رافدينو من كتافو خذاوه عطاوه طريجة وهي تشوف فيهم كانت واقفا باش تشكرهم وجا واحد وقف قدامها قدهم هوما كانت تبان كنملة قدامهم ..شدها من يدها وهي تشوف فيه وخايفا ..
لارا:هاي اسمع ابعدني شنوا تعمل ..متكلمش معاها..اسمعنييي ااففففف يا ربي ابعدنييييي ..محبتش تمشي حملها على كتافو وحطها في فورقون صغيرا سوداء وغملها فمها ومشاو ....