سجينة الوحش

6

الحلقة السادسة:
فات اسبوع ولارا تتراما فلمخزن كانو رجال هارون قايمين بيها يوكلوها ويشربوها قعدت متمرمدة بدنها تحس فيه تاعب مش قادرا تصبر لازم تصيب حل وتهرب ..
لارا:يااا اسمع يااا رعد ...اااففف يا ربي ..
رعد:شنوا تحب ..
لارا:قازوز عطشت ..
رعد:حاضر ..
لارا:وحابتها تواا..
رعد خرج وجابلها الي حبت عليه ..عطاهالها هي شافت فيه وتبسمت اما تبسيمتها مكانتش طمن..
فتحت لقرعة كانت متع زجاج صغيرة ..شربت منها وكسرتها رجال هارون سمعو لصوت ودخلو يجرو..
لارا:واحد ميقربلي والله نذبح روحي ...رافدا الزجاجة مكسرة ومجهتها في رقبتها ..
رعد:نزل يدك متخافش مش راح نعملولك شي ..واحد منهم كان يقربلها زادت كبست على زجاجة حتى سال دم شدو رعد وقالو خليها تخرج معندها وين راح تكمل...
هارون كان متكي على لكرهبة وكان لابس كوستيم كحلة ولحيتو زاد كبرها شوية من موت بوه كان حيركب فلكرهبة  ويسمع في صوت فلمخزن قرب وشافها خارجة وهاربة تجري كان يشوف فيها ويشوف في موت بوه مقدرش يزيد يشوفها فالايام ليفاتو كان ممكن يقدر يقتلها من غشو ..بعدت بخطوات وهي تشوف من وراها وتحس روحها خبطت في بدن وشدلها ايديها وقعدت تفرفت نحالها الزجاجة وشافت فيه..
لارا:ابعدنيييييي يا كلب ابعدنييييي كانت كنملة قدامو مقدرتش بدنها اصلا كان تاعب ...ابعدنييييي انت مش راجل تستقوا على مرا .. هارون كان يشوف فيها والغش باين من عينيه عاود جرجرها ودخلها للمخزن وامر رجالو خرجو وخلاهم وحدهم ...