سجينة الوحش

8

الحلقة التاسعة:
خرج هارون وكشكاشو طالعة نفض يديه وشاف رعد..
هارون:اسمعني مليح رد بالك تزيد تدخل ليها اذا حبيت تعطيها لماكلة لوحهالها وخرج ومنحبكش تهدر معاها اوصي كل واحد هنا ميقربش وميدخلش للمخزن ...هددهم وخرج..حتى صونا تلفون ولقاه اشرف..الو اشرف ها فرحني ..هههههههههههههه نعرف الي نقدر نتكل عليك يطيك صحة وهكا نكون وفيت بوعدي لبابا الاّ منخليه يندم ....
لارا كانت طايحة وغايبة على الوعي كان يدخل رعد يتفقدها يشوفها اذا عايشة او ميتة سخفاتو اما مقدر يعمل حتى شي كان يمشي بأوامر هارون ..
بعد بيومين:.........
عبد شريف:الو اشرف ..اوكي تو نجي ونشوفها نتقابلو فلميناء اوكي ...
كانت تسعة متع ليل خرج عبد الشريف وخذا رجالو معاه يشوف السلعة ...لحق وجاه تلفون من عند اشرف..الو اشرف وينك انا هاني هوني نستنا فيك شبيك مجيتش ..
اشرف:وقعلي حادث صغير اما توا يجيك واحد وراح يعطيك لمفتاح ودخل للمخزن وشوف سلعة ..
دخل عبد الشريف وكل شي كان بتخطيط من عند هارون هو دخل للمخزن وديوانة وشرطة جاو عبد شريف مش عارف شنوا يعمل قعد مدهوش ملي يسير ...
الشرطة:ارفد يديك انت موقوف ...
عبد شريف:على شنوا موقوف شنوا عملت ...ماو هذي سلعة وهذوما ورقها ..ديوانة خذات الورق وكان كلش فلورق بلارقام وبليكود خزر فيه الشرطي وقالوتعرف شنوا هذي السلعة .....؟؟
عبد الشريف:ايه وكل مكتوب فلعقد ...
الشرطة امر رجالو يفتحو الكراطن...وقعدو ينبشو فيهم ولقاوهم مخذرات وكوكايين ..عبد شريف شاف وعينيه وساعو ...وشد في قلبو وطاح فالارض ........الحلقة 10:....
هارون فتح تلفزة وقعد فوق لفوتوي جبد سيقارو وقعد يشوف وينفخ وهو فرحان بالاخبار الي يشوف فيها..
هارون:الو اشرف تو جي نحتجك عندي توا...
بعد ماكلمو كان عندو بعد ربع ساعة ..
اشرف :خير مسيو هارون ..
هارون:خير ان شاء الله.. حابك توجدلي روحك راح نبعدو منا وراك عارف الخدمة الي تستنا فينا في ايطاليا ولازم نرجع ..لازم كل شي يكون واجد ..
اشرف:حاضر مسيو هارون طلباتك ..
هارون:-عطالو ورق شاف فيهم اشرف بتعجب..هذوما ورق نحبك تريقلهملي ولباسبور وكل شي يكون حاضر الجمعة لجاية ..
اشرف:اوكي مسيو هارون ..اما!!شكون هذي ..؟؟.
هارون:اشرف من غير اسئلة زايدا كل شي في وقتو وراح تعرف.. الجمعة لجايا نحب كلش مريقل ومتنساش توصي الخدامين في شركة يتلهاو بيها بغيابي وانت راح تروح معايا انت عارف انك ايدي ليمين ومنحبش  نستغنا عليك ..
اشرف :حاضر مسيو هارون وانا تحت امرك..
خرج اشرف ويشوف في تصويرتها قعد يشوف فيها ومش عارف كيفاش يحس مسح على تصويرتهاا وقعد يسأل في نفسو شكون هذي لغزالة ...اما بعدها فطن وتكلم ..ممكن تكون تخص المعلم فاش انا نفكر ...وراح ..
هارون قاعد يخمم كيفاش راحةيتعامل معاها وعلى اي اساس راح ياخذها معاه مش مستوعب الي يعمل فيها ربط روحو بيهاوهو مش من نوع الي يربط روحو بمرا ومش منوع الي يحب يعذب مرا اما ضروف الي خلاتو يتحول   ويخمم فيها كل هذا تخمام ودايرلها لحساب فوق ميتصور قعد فلكرسي ويحك في لحيتو وبعدها جاتو فكرة ..وشاف بكل خبث كانت فكرة باش يشوف كل يوم دموعها ويعذبها هذا هو تخمامو فيها يحب يعذبها ويقهرها يحس روحو يخلف ثار بوه الي مات بسبة عبد الشريف اما هذا العذاب مش عارف الي راح يكلفو غالي ....الحلقة11:
لارا:فديييييت انااا افتحووولي ررررعد يااااا رعد...كانت تهد فلباب ولحمها موجوع وجها اصفر ...رعد يسمع من ورا لباب وتبسم بجنب ..
رعد:انا رايح نجيبلها الماكلة ورد بالك واحد فيكم يحل لباب ...
لارا قالبة دنيا حابة تخرج من هنا اما بدون جدوى حتى حد ما سمع بيها ..حتى دخل رعد وجاب معاه لماكلة تنطرت ليه ..
لارا:رعد يا رعد اسمعني خرجني من هوني وانا نعطيك الفلوس الي تحب ..شاف فيها وهو رايح لجيهة لباب وهي راحت ليه شداتو ..امان يا رعد الله يخليك خليني نخرج من هوني ...راح يقتلني ..مش هكا!!؟ ...رعد شاف في عينيها الي يبرقو بدموع شفق عليها وبعدها وغلق لباب في وجها ..لارا بدات تهد فلباب ...خرجووووني نحب نروح خرجووووني اااااه ....نزلت علباب وقعدت تبكي وتبكي حتى ضلام ليل وهي ماكلات مشربت قاعدا تخمم وتتفكر وجيعتها بوها الي خلاها وسمح فيها بطريقة مش عادية امها الي ولدتها كيفاش عطاها قلبها وقبلت انهم يعطوها لوحش كما هذا معرفتش قاعدا تسأل في نفسها ...تحس ف.ي بدنها تاعب عينيها مفتوحين يبرقو في ضلام ليل.. دمعتها سالت مش قادرا تزيد تعيش استسلمت للقدر ومش عارفا شنوا مخبيلها...مسحت دمعتها وكمشت رجليها وقعدت تستنا في غدوا شنوا مخبيلها من الوحش الي راح يعذبها وهي معندها حتى ذنب.....