Hiهلووو
الكاتبه لحن الحياة..........
قبل لا نوصل شفنه القبه والمنارة واحنه بالسيارة........وضلينه نصلي على محمد وال محمد لان انعزمنه لزيارة اهل البيت .........وصلنه باب بغداد ورحنه نتمشى وعيونه عالقبه الشريفه احلى يوم بحياتي نا انساه الحد ما اموت ........قصي راح التفتيش الرجال واحنه دخلنه تفتيش النساء مشوار زين واحنه ننتظر دورنه الى ان الحمد لله بعد الخنگه طلعنه لگينه قصي ينتظرنه ......انجمعنه ومشينه وهم تفتيش ثاني خلص التفتيش ..........مشينه وصلنه بين الحرمين الشريفين واني وندى لسبالك بحلم ما مصدگين هسه احنه يم اهل البيت يم جنة الله
قصي:-نروح للامام الحسين ونرجع نزور الامام العباس
ام حسين:-لا يمه اني عندي حاجهةواريد استاذن من الامام الحسين ونروح نزور العباس ونرجع نزور الامام الحسين
:-هاهيه براحتچ يوم يلا امشوا ..........يمه ادخلن من هاي الباب احفظن اسمها حتى تطلعن منها وما اتيهن ونلتقي بهذا المكان
:-ان شاء الله يمه ......يلا بنات امشن
:-اي خاله......اني وندى وحده لازمه ايد الثانيه حتى ما نضيع لان اول مره نزور والزياره كلش قويه .....ونمشي وره خالتي دخلنهةالتفتيش الاخير .......وچان نصير گدام الامام العباس شگد اعشق الامام العباس والامام الحسين اعشقهم عشق مجنونه بحبهم
لزمت باب الامام سلمت على الامام ......يا امامي مشكور ياابو الغيره يا كفيل اختك واخيرا كحلت عيني بشوفت ضريحك يانور عيوني احچي ودموعي تجري .....،،،،،
ندى:-الحمد لله يارب العالمين لان ماحرمتنه زيارة اوليائك
ندى+رغد:-دخلنه نزور بس صايرة كتل والنسوان يدفعن احنه ما اهتمينه للدفع اهم شي نلزم الشباك چيتنه بنص النسوان ندفع ونندفع الى ان لزمنه الشباك بكل قوة ونصرخ نفس الصرخه يامامي حل مشكلتنه ونريدك تتكفل بينا ياكافل زينب احلفك بيها تحل مشاكلنه وانظر الحالنه بجاهكم عند الله ساعدونه احنه بحاجته الله وحاجتكم اروح فدوة لتراب اقدامكم بس فرجوها علينه ونصرخ ونبچي طلعنه ضيمنه كله يم ابوالغيرة والنوماس .........بقينه ساعه يم الامام صلينه واندعينه والنوب سلمنه عالامام وطلعنه وطلبنه من عنده تنعاد هاي الزيارة لان شگد ما انزورهم ما نشبع منهم
مشينه وصلنه التفتيش اللي يدخل للامام الحسين ،،،،،،،،مصيبتنه كلها ما تجي ذرة من مصيبة الامام الحسين واهل بيته عليهم السلام دخلنه للامام وزرنه واندعينه وبچينه وخلصنه زيارة وطلعنه الى ان صارت الساعه ١١ونص
قصي:-من دخلت للامام العباس حلفته بغلاة زينب ينطيني االلي ببالي صليت وقريت زيارة الامام العباس والنوب توجهنه للامام الحسين شفت امي ورغد وندى شلون فرحانات بالزياره ......زرت الامام وقريت زيارة عاشوراء خلصنه زياره.........يلا يمه امشي نتغدا بالمطعم
:-يلا امشي نروح
رغد:-خاله ممكن طلب
:-احچي بنتي خاف تردين تشترين امشي هسه نروح نشتري ونرجع
:-لا خاله مو اشرايه شي اهم
:-شنو بنتي احچي
:-خاله اريد اروح ازور قبر امي من زمان ما زايرته خلي نروح ورا الغدا فدوة اروحلچ
:-يا حبيبتي بس خل احاچي قصي........قصي ورا الغدا نروح للوادي
:-شعندچ بالوادي(امي وابوي بالنجف قبورهم مولسبالكم ما اروح لاهلي)
:-مو البنات يردن يزورن قبر امهن
:-هااا.......اي ماشي نتغدا ونروح ......دخلنه المطعم اكلنه وتوجهنه للوادي ......
رغد:-امشي واتلفت واقره بأسماء القبور ياربي شگد متغيرة المقبرة شگد ناس ميته اوووووف ياربي .....يمه اجيتچ اشتاگيتلچ يبعد روحي ......شلونچ شصاير بحالچ .......واني اباوع لمحت اسمها الامي .....خاله ذاك وينه القبر ........
:-هااا..... يمه قصي ذاك القبر
:-يلا خوش امشوا ......
:- من وصلنه ضليت واگفه بمكاني اتذكرتها شلون ماتت وعافتنه لحظه ما تنسي چان اوگع يمها بقيت احچي وياها وابچي واشهگ وابوس بقبرها ......
ام حسين:-يمه على كيفچ مو راح اتأذيها بهذا البچي خطيه مو زين
:-خاله فدوه خليني ابچي بلكت ارتاح شويه بلكت تاخذني وياها واخلص من هاي الدنيا المابيها رحمه
قصي:-رغد كافي ميصير هالحچي حرام (من گالت تاخذني وياها اني تخبلت اذا تاخذها خل تاخذني قبلها)
رغد:-چنت حاضنه ندى وابچي وچان اشوف المفاجأة تدرون شنو شفت.............
:******************؛********
:-رحت للوادي اني واهلي ولمحت ناس واگفه عند القبور
لللحكايه بقية شنو توقعاتكم للبارت الجاي ..........
الكاتبه لحن الحياة.........
أنت تقرأ
الاختين &زوجة الاب #بقلمي... لحن الحياة
Fantasyقصة جميلة جدا تروي قصة فتاتين من عائلة غنية وبعد وفاة امهما سيتزوج الاب وستلد له زوجته ولد ماذا سيحدث للفتاتين وكيف ستعاملهما زوجة ابيهن تابعونا لتعرفوا بقية الحكاية #الكاتبة لحن الحياة اتمنى ان تنال رضاكم
