مساء الورد والياسمين
،،،،،،،،،،،،،، الكاتبة لحن الحياة،،،،،،،،،،،،،،،،،،،،،،،
صار الليل ساعة12كلها نامت
:ندى گومي اجمعي شويه من ملابسچ واني هم راح اخذ كم هدم وناخذ الذهبات اللي ماما اشترتهن النه ونشرد ،،،،،بسرعة بدون صوت،،،
:رغد تحچين صدگ وين نولي بهاي الظلمه
:امشي وياي وما عليچ،،،،، اني اعرف وين اروح،،، ، اهم شيء ما نبقى مدبغة جوه ايد سناء واحنه مو اطفال نعرف الصح من الغلط ،، ما ابقى بهذا البيت لعد هسه لو بيت عمي ما مسافرين چان رحنه وگلنه العمي على هذا اللي اسمه ابونه والله چان لعب بيهم جوله،،، بس شسوي يلا رب العالمين موجود
:رغدبس گولي وين رايحين
; اجمعي ملابسچ واني اگلچ وين رايحين،،، وصوتچ نصي لحد يسمعنه،،،
ندى :جمعت ملابسي والذهبات االلي عندي ولبسنه عباءتي ومشينه على اطراف اصابعنه،، ونتلفت خاف احد يشوفنه،،،،،،،، الحمدلله گدرنا نطلع من البيت شردنه،،، وخلصنه من الضيم،،، يارب سلمنه امرنه الك وتوكلنه عليك دلينه على الطريق الصيحيح،
ندى امشي نروح البيت خالتي ام حسين لان بيتها محد يندله وهي اخر وحده ممكن تخطر على بالهم ،،،،رحنه دگينه الباب چنا لابسين بوشيه حتى محد يعرفنه
ام حسين :يارب سترك منو جايني بنص الليل،،، منووو😱😱
:اني خاله افتحي الباب رحمه الوالديچ
:الصوت مألوف اليه،،، فتحت الباب
:رفعنه البوشيه،، خاله احنه
:يا بعد عيني تفضلوا تفضلوا،،، يا اهلا وسهلا زارتنه البركه،،،، اتفضلن حبايبي
:خاله احنه شردنه من البيت
:ليش بنتي اسم الله خوماكو شي
:خاله انتي تعرفين سناء وافعالها
:اي خاله اعرف 😞ما يحتاج تحچين
:والبارحه حرضت ابويه 😔وجنزنه خله دمنه يجري حسبي الله ونعم الوكيل عليهم
واحنه اجينه عليچ ولوو خاله خاف نسببلچ ازعاج ومشاكل،،،،
:لايايمه لا ازعاج ولا مشاكل انتن بناتي واني اللي ربيتچن،على ايدي
واحنه حسبناچ مثل ماما الله يرحمها ،،،،خاله حتى لو بس هاي الليله خلينه يمچ وباچر نشوف مكان نروحله
:وين تروحن وانتن بس بنات والدنيا ما بيها امان لا عيني ماكو روحه الكل مكان اخاف عليچن،،، وانتن مو حاسباتني ام الچن شلون ترضنها اخليچن تروحن،،،،، والله اذاتخطن خطوة برةالبيت حتى تشوفن مكان تروحله لا والله ازعل منچن ولا تعتبرني امچن،خوش فاهمات، ، ،،،،،،،
:ياحبيبتي يا يمه الله يوفقچ ويطول بعمرچ،ومن اليوم انتي ام رغد وام ندى
:يابنياتي ياحبيباتي الله يخليچن اليه ،:حضنتني اني وندى وبچينه
للحكايه بقيه
يتبع،،،،،،،،،،،
لحن الحياة
أنت تقرأ
الاختين &زوجة الاب #بقلمي... لحن الحياة
Fantasyقصة جميلة جدا تروي قصة فتاتين من عائلة غنية وبعد وفاة امهما سيتزوج الاب وستلد له زوجته ولد ماذا سيحدث للفتاتين وكيف ستعاملهما زوجة ابيهن تابعونا لتعرفوا بقية الحكاية #الكاتبة لحن الحياة اتمنى ان تنال رضاكم
