بنت الملك

العريس الأول

سوالف اهلنه
العريس الأول

#طائر بلا تغريد #

اليوم راح نبدي وياكم سواليف من سواليف اهلنه

يكولون جان اكو ملك وجانت عنده بنيه اسمهه عجيبه
جانت عجيبه كلش حلوه وذكيه بيوم كاعد الملك بالحديقه مالت القصر
و كاعد ويا الوزير
اجتي عجيبه هيه وخادمتهه كرجيه وصلت يم الملك

السلام عليكم يامولاي الملك

وعليكم السلام ياقداحتي

شلونك جناب الوزير

نحمد الله ونشكره مولاتي الأميره

الملك اليوم وين رايحه عجيبه

اريد اروح اتفرج عل ورود الربيع التوهه مفتحه

اي عزيزتي حلو الربيع روحي

راحت عجيبه وبعد ما ابتعدت كال الوزير للملك

مولاي الملك شوكت راح تزوج الأميره عجيبه
تره كبرت وصار لازم تتزوج

اي صح بس وين الكه اله زوج مناسب

موجود مولاي الملك بس انته وافق واني اجيبه

ها منين هذا الي يليق بلاميره عجيبه

هذا الأمير زيد ابن ملك _........

وشمدريك بيه تقدم العجيبه
مولاي اني عندي اصدقاء هناك وكلولي الملك يريد يزوج الامير

تمام خلي يتقدم ونشوف

فعلا تقدم الأمير وشافه الملك وكلش انعجب بيه

بعده راح يخبر الأميره عجيبه

السلام عليكم

وعليكم السلام شلونك مولاي الملك

اني ابد مامرتاح
ليش مولاي

اني ضايج عليج

اني ليش شبيه اني عايشه احسن عيشه

صح بس اني مادايملج واذا متت شراح يصير بيج

العمر الطويل الك

لا اني اليوم باجر راح اموت وضل كلبي مشلوع بيج

زين مولاي شلون راح ترتاح من ناحيتي

تتزوجين

شلون اتزوج ؟

نعم تتزوجين

ومن الي راح اتزوجه ؟

امير اتقدملج ما راح نلكه احسن منه ،

مولاي انته تحجي صدك !

اي احجي صدك وباجر راح يجي تشوفينه.

مولاي ارجوك لا تضغط عليه شلون اتزوج شخص ماعرفه ؟

اي اكعدي ويا وتعرفي عليه .