العريس السادس
سوالف اهلنه
#طائر بلا تغريد #
بعد ما سمعت الأميره القصه هزة ايدهه وكامت
كلش ماعجبهه الحجي
اج السياف وجر العريس وخذه ويا
المهم بقه الملك بحيرة من امره سال الأميرة عجيبه عل المعاريس وين يرحون
كالتلهه يردون لهلهم
بس هو ماصدك
المهم وراهه اتقدم عريس جديد للأميره عجيبه
طبعا دخل للغرفه وعرف الشروط وقبل بيهه
وبدء يسولف قصتة
مولاتي الاميرة جان اكو واحد اسمه جبار كلش فضولي بحيث يمشي بالشارع ويسال الناس
انت شسمك
انت شنو شغلك
انت ليش نايم
انت
ونت
ونت
يمشي ويسأل
فد يوم كاعد بالكهوه وجان يسمع ثنين يسولفوون
واحد يكلي للثاني
ولك سمعت بسالفت ابن مليح
جاوبه الثاني لا ولك ماسمعت
ولك يكلك تسودن يمشي بالشارع ويصيح
ما گلب مستريح غير گلب ابن مليح
جذب ليش
والله ما ادري بس يگولون ورا سالفه جبيره
شنهي السالفه ماعرفتهه
ولك مايقبل يسولفهه ايگول الي اسولفلهه سالفتي لازم اكتلهه
اخونه جبار يسمع حجيهم اشتغل الفضول عنده كلهم
وين الكه ابن مليح
تلكاه بسوك الخزافين
ركض جبار السوك الخزافين من وصل سال عل ابن مليح دلوه
راح جبار لكه ابن مليح كاعد بنص الشارع ويصيح
ماگلب مستريح غير گلب ابن مليح
تقرب جبار يمه وكله انته شنهي سالفتك
باوعله ابن مليح وگله تريد تعرف سالفتي
اي والله
بس لازم تدفع الثمن
مستعد الكلشي
خوش جا روح جيبلي سالفت البناء الي كل شهر يبني بيته ويفلشه
وين الكاه هذا البنه
تلكاه بغابت الصنوبر
بس هذي الغابه بيهه سعلوه تاكل البشر
والله مشكلتك تريد تعرف سالفتي
جيبلي سالفت البنه
زين راح اروح
طلع جبار ضل محتار انوبه سالفت البناء لازم يعرفهه
مشه لمن وصل الغابت الصنوبر جان اكو نهر بين غابت الصنوبر وبين بيت البنه
أنت تقرأ
بنت الملك
ChickLitسوالف اهلنه #طائر بلا تغريد # السلام عليكم شلونكم انشاء الله زينين طبعا قبل كم يوم جنت كاعده اسولف الأبني سالفه اتذكرة من جنت صغيره شلون جانت والدتي الله يحفضهه شلون تسولفلنه سالفه طبعا قبل جنه ماكو لا نت ولا فيس جانت عدنه قناة وحده وقناة الشباب...
