سوالف اهلنه
العريس الثاني عشر
#طائر بلا تغريد #
تقدم العريس للملك وطبعا الملك دزه عل بنته يحجي وياهه وهو ميدري بنتة شراح تسوي بيه
المهم دخل العريس وسلم حجت ويا الخادمه وكلتله عل شرط الأميرة
بعد ما وافق بالشرط دخلت الأميرة وكعد العريس وبدأ الكلام
مولاتي الأميرة يكولون اكو شخص جان يوم عرس ابنه وطبعا عزم الجيران والأحباب
سو عزيمه جبيرة وكل الجيران حظرو
ومن ضمنهم جان اكو حلاق
قدم التاجر الاكل وبدو الناس تاكل
حضر شخص جار للتاجر اول مدخل شاف الحلاق رأساً كام وكف وكال للتاجر
اخي اني اسف مراح اكدر اظل هنا بعزيمتك
استغرب التاجر من امر الرجل وكله
ليش شنو السبب
كله الرجل لأن. اني قاسم قسم ما اعيش ولا اكعد بمكان وبيه هلحلاق
كله التاجر ليش يا أخي غير نفهم شنو الصاير
جاوبه الرجل شوف هاي رجلي المكسوره من ورا انكسرة
التاجر معقوله زين ليش
الرجل راح اسولفلكم ونتو احكمو
اني اسمي احمد ابن اكبر صايغ بالبلاد جنت عايش بخير ابوي
بيوم جنت رايح يم محل ابوي من شافني ابوي كلي ابقه ابمكاني لحد ما اروح واجي فد ساعه
المهم ضليت بالمحل. شويه دخلت عليه مرة هيه وبتهه
سبحان الي خالقهه جمال وجسم مو طبيعي
اني حيل انعجبت بيهه
المهم المرة اشترت مني شغله وطلعت
اني روحي تعلقت بالبنيه
ويه طلعتهم رجع ابوي
رأسن كتله يابه شويه وراجعلك
وطلعت اركض وراهن
صارو يفترن بالسوك واني افتر وراهن لحد ما وصلن البيتهم
دخلن للبيت واني ضليت الوب شلون احاجيهه
كمت كول يوم اروح البيتهم انتظر جان ابوهه تاجر قماش
انتظر بلكت تطلع واشوفهه ماكو
ضليت بالشهر اني يوميه اروح يم بيتهم اريد اشوفهه ماكو
حيل تعبت وتمرظت وصارت حالتي حاله
جانت اكو مريه تجي تساعد امي بالبيت
جنت حيل احبهه
وهيه هم تحبني وحيل فاهمتني
اجتني فد يوم كالت يمه احمد شعندك شو هلايام مو طبيعي انت
كتلهه لا مابيه شي
لا والله اني اعرفك انت بيك شي
كتله خاله شويه نفسيتي تعبانه
أنت تقرأ
بنت الملك
Chick-Litسوالف اهلنه #طائر بلا تغريد # السلام عليكم شلونكم انشاء الله زينين طبعا قبل كم يوم جنت كاعده اسولف الأبني سالفه اتذكرة من جنت صغيره شلون جانت والدتي الله يحفضهه شلون تسولفلنه سالفه طبعا قبل جنه ماكو لا نت ولا فيس جانت عدنه قناة وحده وقناة الشباب...
