#للقدر قرار
الجزءالاول
ل وردالعامري (حبايب الصفحه جديده اريد همتكم 100تعليق ونكمل احبكم 😘)
من منا لايحمل في داخله قصه حياتنه قصص متسلسله يحيكها القدر ونحن ننفذ ماقرر قدرنا
القصه اليوم وصلتني وبطله القصه
قالت ان قرت قصص الي نشرتهه الي اغلبهه يكون اكو فرد من الاهل يكون هوه السبب وهذا شجعها تنشر قصتهه مثل كثير طلبو النشر لنفس السبب الاحداث حقيقيه الاماكن حقيقيه التغير فقط في اسماءبعض الشخصيات اسلم قلمي لاابطالنه الجدد لنخوض معهم في تفاصيل قصتهم اختكم ورد العامري 😘
هلو وياكم جمانه م 89 مواصفاتي بشرتي حنطاويه لابيضه ولاسمره بس الي يشوفني كولي بيضه عيوني واسعه لونهن رصاصي فاتح شعري طويل مثل كل البنات الي تعلمن ممنوع قص الشعر طولي164 اصلنه تركمان بس ابن عن جد احنا ببغداد وحته لغه منعرف نحجي تركماني بس بابا يعرف لان يروح لكركوك دائما عائلتي متكونه من
بابا: صاحب مكتب مقاولات
ماما :موضفه بالعقاري
ثامر: الاخ الكبير خريج معهد تكنلوجيه ويشتغل ويه بابا متزوج بنيه غريبه عنه وعنده بنات ثنين
عامر: خريج كليه تربيه رياضيات متوضف مدرس خاطب بنت خالتي
عمار: طالب كليه اداره واقتصاد
واني اخر العنقود والبنت الوحيده حياتي عاديه مثل كل البنات بالعراق وكيفما بنيه وعله راسي 3ولد الحمدلله بينه احترام واني مبتعده عن كل الي ايمنعوني عنه تبدي قصتي بعمر 17سنه من عامر خطب بنت خالتي عايده وخالتي طلبتني لاابنهه اياد وبعتبار ان احنه اهل وافقو بس بعد تخرجي اني اياد جان ثالث سنه كليه صيدله هوه اكبر مني ب7سنين بس لان راسب وتارك لحد الان ممتخرج نور بنت خالتي اول سنه كليه واخويه عامر اخر سنه بس هم ميتزوجون اله تتخرج نور اخويه عمار مموافق عله اياد عمار تؤم روحي الاخ السبور وشقاوجي ويضحك ويه الهوه وخصوصا من انفتح الموضوع اني سادس اتعارك ويه اهلي لان فتحو الموضوع احله ثنين بحياتي وسر سعادتي همه اخويه عمار وصديقتي وحبيبت روحي واختي الي مجابتهه امي ساره
ساره من عائله متوسطه الدخل ابوهه منفصل عن امهه ومسافر محد يعرف عنه شي وامهه تزوجت بعد ابوهه عدهه 4خوات من ابوهه وامهه و3بنات من امهه جانت تجي وتبات يمنه امهه تعرفنه وتأمن بينه الحمدلله هل سنه ثنينه سادس ولازم ندخل دروس خصوصيه وزوج امهه مقابل ومتعارك وياهم جتي تبجي حبيبتي كسرت خاطري بابا كالهه سعرج بسعر جمانه ثنينج دخلن مدرس وعله حسابي طرت بهل خبر فرحت اكثر منهه ولان بيتهم هوسه ماما طلبت من امهه تبقه يمنه فتره الامتحانات تجي الصبح وتروح بليل ومرات لا تبات يمي ماعدنه احد الولد 24ساعه مكاعدين بالبيت وبابا هم مموجود
#للقدر قرار
الجزءالثاني
ل وردالعامري
اخويه عموري هوه المبتلي بينه ايودينه ويجيبنه ووياه صديقه عادل خطيه ولد دره مال الله روح عمار بيه امي من تكوله اخطبلك يكولهه ومرتي عادل شلون ايودونه ويجيبونه الحمدلله خلصت امتحاناتنه وساره اليوم راحت صارلهه 10ايام يمي تبات
عمار: ها جوجو راحت الغثيثه
جمانه; ههههه عموري شبيك ويه لبنيه فوك ضيمه اهلهه
عمار: جوجو والله مارتاحلهه من اول معرفتيهه تذكرين صف ثالث متوسط جنتي كتلج ابتعدي عنها ماارتاحلهه
جمانه :عمار لبنيه مؤدبه وخلوقه ليش هيج تحجي
عمار: ومنو كال ع اخلاقهه شي بس من اشوفهه احسها متحبج احسها مصلحجيه
جمانه: اهووو عمار هاي هم اياد الي تكوم تكعد تصيح مصلحجي
عمار: والله موبيدي ذوله الاثنين مااستنضفهم احس داخلهم شي وعله وجوهم شي ثاني
جمانه :عمار كافي عاد ولو اضوج من تحجي هيج
عمار: جوجايتي خوخايتي عنجاصتي ههههه سويتج عصير فواكهه سمعيني يااختي اني موقصدي اضوجج والله ولاحته اريد اتحكم بحياتج بس انتي نضيفه من الداخل بيضه ماكو سواد بكلبج ولهل سبب ،خايف عليج
جمانه: عمار من منو خايف من ابن خالتي وخطيبي لو من صديقتي الاكثر من اختي
عمار: جمونه صدكيني ذوله لااثنين ماارتاحلهم رغم ممسويلي شي بس احس انهم ميفكرون بنفس بياض نيتج وطيبتج واتمنه يارب اكون غلطان
