#للقدر قرار
الجزءالعاشر
ل وردالعامري
السلام عليكم
وياكم عادل م ٨٣اكيد عرفتوني اني صديق عمار الله يرحمه
عندي ٤ خوات بنات وماعندي اخ اني الولد الوحيد ابويه مات واني صف ثاني متوسط الحمدلله ابويه عافلنه بيت ملك وكراج تصليح سيارات جنت اروح وياه بطفولتي بعطل المدرسه جان يريد يعلمني بس اني محاب هل شغله نهائيا جنت اخذ عمار ويايه حته نضل نلعب بس من مات ابويه وكعت مسؤليت خواتي وامي بركبتي طلعت لزمت كراج ابويه جان عنده عمال ورجال اسمه ابوقحطان هوه المسؤل جان لزمني وعلمني عل مصلحه جنت احط كل تفكيري وياه حته لايشوفني ماافهمه ويمل منو الهم خواتي تعلمت بسرعه كمت مكينه السياره ب١٠دقايق انزلهه واكملهه العالم كامت تجي عله شغلي اعتني حته بالبرغي الي اشده موشلون مجان الله فتحهه بوجهي وره سنتين من موتت ابويه سويت غسل سيارات وتبديل دهن والله وفقني بيهه علاقتي ويه عمار كل يوم تقوه اكثر اخويه صار موصديقي عمري ١٦سنه خطبو اختي الجبيره جهزتتهه وزوجتهه وره ما مات ابويه عمي اخو ابويه راد يزوج امي علمود ياخذ الكراج امي مقبلت ومن ذاك اليوم لااحد سئل علينه ولااحد يعرف بينه معشت لاطفوله ولامراهقه من مات ابويه واني حسبت روحي رجال ومسؤل جوي خطبو اختي مني ماعدنه احد
وره سنه زوجت الخ وراها الخ الحمدلله عمري ١٩سنه زوجت اخر وحده من خواتي وضليت راسي وراس امي ماعندي احد
امي تلح عليه ازوج القلب هاوي وعاشك المو اله عيوني متعلكه بحبال عاليه لااكدر الوحهه وعيب عليه احجي بيهه حبيت جمانه واني صف سادس ابتدائي حب طفولي جان ماله اهميه بس كل مااكبر احبهه اكثر احس حبهه ربه وكبر ويايه جانت شوفتهه كلش كافيه عليه بيوم السمعت نخطبت لاابن خالتهه متت بحسرتي بس مابيدي شي عيب احجي بيهه شيكول صديقي حاط عينه عل اختي جنت اعرف بنفسي احبهه بس استحي حته اعترف كدام نفسي بهل شي عيب اخون اخويه وصديقي مره رحنه اني وعمار لصيدليه اياد دنيه ضهر قافل الباب من الداخل دكيناهه طلع فتحهه بس مو عله بعضه عمار شك بيه كله شنو حتعوفنه واكفين عاد خل نكعد مو متنه حر كعدنه وهوه راح ايجيب مي طب وراه عمار اني مدخلت شعليه بس سمعت صوت هوسه وغلط طبيت ده اشوف شكو شفنه وحده استغفرالله يمه وماعليهه غير جرجف مال ميز مغطيه روحهه بيه دفعت عمار وطلعته بس كلبي محروك نار هذا يصير لجمانه اخ والله حسافه ضليت اوديهم واجيبهم اكسر عيني كسر. حته لتشوفهه بس مطاوعني مترتاح اذا ماتخذ نضره تشوف بيهه ولو طولهه كافي ساره كم مره حاولت ويه عمار وما انطاهه مجال يعرفهه طماعه وجان يكولي ذوله الاثنين وجودهم بحياه جمانه ضلم لجمانه بس مده تفتح عيونهه وتشوفهم بيوم موتت عمار الي هوه اسود يوم بحياتي حسيت ابويه مات مره ثانيه وانكسر ضهري بس هل مره كسرته اقوه اخويه وصديقي ورفيق دربي طفولتي وتعبي ومسؤليتي كلهه عشتهه بوجوده جان من يسمع وحده من خواتي راح تنخطب ويدري ماعندي احد ايروح ايجيب ابوه ويجي يدك الباب يكولي سوي درب اليوم اختي راح تنخطب مواختك اتعطل الطلاب وتروح تطلع وتتونس وهوه مكابل الدهن وهوسه لسيارات كسرتني موته جزءمن حياتي هوه اذا مكان حياتي كلهه من نزلته من السياره عرفته سلمهه ضليت مصدوم بس صوت جمانه صحاني من شفته شهك ورد غمض وانوب عاطت نفس الحاله صارت كتمت صوتهه بيدي واحس دموعي تحركني حسيت بروحه الي اتعذبت بسبب صيحت اخته الي مايحجي غير بيهه بيومهه حرت بين ضهري الانكسر وبين كلبي الي اشتعل نار واني اشوفهه ماتتحرك اوكفهه رجلهه متثبت وكعت بالكاع كعدتهه ع كرسي وكعدت كدامهه اهز بيهه اريدهه تحجي هيه بس تباوع بوجهي وفجاءه وكعت بحضني شلتهه مثل المخبل قميصي مشكوك وراسهه عله صدري كلت ماتت اخذوهه من ايدي واني ابجي مثل الطفل مدري اخويه مدري حبيبتي خابرت عله اهلهم واجوي جمانه ضلت بالمستشفى بحاله غيبوبه واخذنه عمار ندفنه مقبلت احد ايغسله اني وابوه غسلناه و٣ايام الفاتحه ماطبيت للبيت ولارحت شغل انام واكعد بجادر واهلهه بين الفاتحه والمستشفى حبست نفسي سبوع بالبيت وتالي طلعت من حاجتني امي ان واحد من نسابتي كاتل اختي يكولهه جيبي ورث ابوج رحت قيمت البيت والكراج وعندي مبلغ واداينت فوكاه وطيت كل وحده حقهه وزايد فوكاه من حلال طيب وتنازلن عن البيت والكراج الي مافات سبوع اذا مواني يمه اروحله مشتاق واكعد واسولف وياه حته الي يشتغلون بالمكبره عرفوني هلكد ميشوفوني سمعت بصار بجمانه واني مثل الي حاط جمره بكلبي تحركني حرك بس مابيدي شي وهسه هيه وين واني وين هيه دكتوره واني حياله فيتر سيارات صعدت وله نزلت حبيت حب عذابه تحرك بس بروحي اني اطلع وي وقت طلعتهه حته بس اشوفهه ومرات اضل انتضر بشارع تطلع يله احرك سيارتي
