#للقدر قرار
الجزءواحد وعشرون
ل وردالعامري
جمانه :طبيت بشهرالثامن وكلش تعبانه ثكل الاطفال الله يحفضهم وعمتي الله يسلمهه مراحمتني مكدرت اقاوم صار عند ارتفاع بضغط وعندي ولاده بس بثامن خطره خلوني ع الفاليوم ولازم راحه مااضل واكفه
عادل: حبي ستري علينه يمعودنه عدي هل شهر لوتجيبين اول يوم بتاسع هم ميخالف
جمانه: ان شاءالله احاول مااجهد روحي بعد
عادل: حبي مال ترتاحين ابيتج مترتاحين روحي يم اهلج حبي هل كم يوم ولو غصبن عني والله البيت مينطاق بلاج بس شسويلج انتي وجهالج هههه
جمانه: ههههه جهالي هاا خوش خل نشوف منو باجر يكول جهالي باجر
عادل: مخبله اني عندي 3جهال
جمانه: 3منين هههههه زيدت واحد
عادل: جمانه تره انتي موبس مرتي انتي بنتي واختي وصديقتي فاانتي اكبر وحده بجهالي ههههههه
جمانه: لميت غراضي ووداني لهلي احس عمتي عدهه عيد يوم لي اطلع اني بس لمسكين عادل بيني وبين امه اول مطبيت بشهري رجعت للبيت خطيه يجي وجهه الصبح يتمدد يمي شويه ويروح والليل كله يحجي ويايه مره سواها واجه بات يمي لعبت بينه طوبه لان متفق ويه اخته تبات يم امه حته ايبات يمي خلتهه بنص الليل يرجع للبيت
ردت اسويله مفاجئه رحت للبيت
ام عادل: عوذه شكو جايه من الصبح
جمانه: شلونج خاله غير رجعت لبيتي
ام عادل: لاهله ولامرحبه جنه خلصانين من دوختج و ونج كل يوم مخليه الولد يركض يذب فلوسه ع دكتورات موجنه نحبل ونجيب لارحنه دكتورات ولاابد
جمانه: سمعت مقالت الصباح وصعدت لغرفتي صايره تراب وهدومه مطشره ولمغسول مشمور شمر نضفتهه ع سريع وحطيت هدومه بالغساله ونزلت نضفت البيت بسرعه بسرعه اشتغل وعيني عل ساعه شريت هدرمه وركض سبحت وعدلت كفشتي ووجهي المنفوخ عبالك حامل بوجهي مو ابطني غده حطيت دجاج 🍗 بالفرن سمعت صوت سيارتهه ركضت اتلاكاه فتت من يمهه جان تغمني
عادل: اووف والله اكول البيت منور اثاري الكمر بيه اليوم تعالي احضنج مشتاقلج والله
جمانه: بالمطبخ حضني فرحته تسوه الدنيه عدني من اشوفه متلهف عليه
ام. عادل: اي يمه نزعتو الحيه فدوره طلع البيت اضلم مو عويدل لان امك بيه بس من جتي المايعه نور امداك وامده بطني الشالتك
جمانه: ضل عادل ايرضي بيهه وهيه زعلانه وحته مريد تتغده كوه كومهه تاكل صعدت اكوي هدومه هوه جوه يشربون جاي اول مصعد لمسكين صاحته عفته كملت كوي ورتبت هدومه ونزلت هوه ايغفي وهيه ماعرف شتسولف وياه عادل عيني كوم نام
ام عادل: لج شو ماتحترمين انتي اني مو ده احجي شنو قصدج كوم نام
جمانه: لاخاله والله بس شفته ايغفي كتله كوم نام اعتذر موقصدي طلعت بسرعه من الصاله وهيه مستمره تحجي عليه ماعندج احترام تردين تكطعين بيني وبين ابني اويلي شيخلصهه لومحاجيه
كملت شهري وهمه كل يوم ايمشوني ابويه ياخذني مشي وامي تمشيني وعادل ايمشيني ويكعد عل درج يخليني اصعد وانزل وماكو خرب حضي لعد منو قبل كم يوم نازل وراح اجيب وداخلين انذار دخلت بشهري صعدو الافنديه اكلت شهري وفوكاه يومين يله جبت الحمدلله الله سهله وكومنه بسلامه اني وجهالي عادل مكيف بيهم وميعرف ايشيل طفل شايلهم وايده ترجف سماهم الله يحفضهم عمار واحمد رحت لااهلي حته ايداروني وره 4ايام يله جتي عليه فرحانه بجهال وتبوس بيهم بس اني مطايقتني ليش مادري عادل روحه بيهم صارت مكابلنه وكاعد ضل اسبوع هوه مكابلني وكاعد وخواته يم امهه اجوني خواته وهيه وياهم طبت سلم عليهه عادل دفعته اني مردت السلام الي فشل خطيه كدام. اهلي
ام عادل: همه كالوهه اليوم يركض وره صدر امه وباجر يركض وره…. مرته هاي تاليتي هيج يعادل حته متكول امي عايشه ميته
عادل: يمه شنو هل حجي صدك كذب هوه هذا مثل بربج بعدين شنو ماكول اني مو كل يوم امر واشوفج واتسوك واشوف شمحتاجين
ام عادل: ها لايمه لاتسوك ذبني بشارع حته ترضه مرتك الي مكابلهه وكاعد امك بيش كيلو
جمانه :ضل يتوسل بيهه واخذهه وراح وره يومين
