وفضيهه
جمانه: اكو شي صعب ع الرجل وصعب عله المره اكثر من تشوف دمعته تنزل عله مودها تحس شكد هيه غاليه الي خلت دموعه تنزل
عادل عمري قبل عمرك والله اعتذر احسبه تصرف طفولي والله كلبي وكف من سمعت مسوي حادث خلص والله كلشي اتحمل بس كوم انت عله حيلك وهاي الدمعه كون تغسلني بيهه
عادل: جمانه شوكت تصدكين اني احبج اعرف الي صار من زواجنه لليوم واعرف ضغطت عليج بس عبالي تفهميني اني مابيدي شي ضال بين امي وبين مرتي واصعب شي هذا ضال بين امي الي ربتني وكبرتني والله باجر يسئلني عله رضاها وبين مرتي وحبيبتي وروحي من الدنيه حاولت ارضيجن ثنينجن بس مكدرت اضطريت ارضي امي عله امل انتي اتفهميني اعرف هذا جان تقصير بحقج بس شبيدي
جمانه: خلص سد الحجي هسه ارتاح
يمكن اني انانيه فكرت بس بنفسي بس ياترى يعني موحقي اعيش ويه زوجي والبس براحه واتصرف براحه بعد ساعه كال د.زيد يكدر يطلع ماعليه لاحجز ولاشي لان ضارب الرصيف مفتره السياره من السرعه وضارب الجزره الوسطيه مال دخول حي الفرات يعني فقط غرامه اتصلت بعامر اجه وطلعناه وثامر راح عله مكان الضربه علمود لمرور دخلته للبيت اني وعامر وام عادل تلكتني شبي الولد الله لاينطيج شسويتي بيه من يوم الشفناج شفنه بس لمصايب من وراج
عادل: يمه ارتاح لو اولي اذب روحي بشط واخلص مده
تشوفيني ياامي وقت عراك هسه
ام عادل :لايمه حبيبي ان شااءالله عدوينك والي يضوجوك ومايخافون من الله يردون يكطعون الولد عن امه
جمانه: عامر روح كول لاامي تخلي الجهال يمهه هل كم يوم ودزولي هدوم
عادل: لاجمانه روحي لبيت اهلج عيني اني هم راح اطلع كم يوم من ارتاح اجي اخذج واخذ الجهال
ام عادل: صخام بوجهج يابهيجه وين تروح يمه
عادل: اهج يمه اهج بين ماارتاح واشوف حل لجهالي ومرتي
ام عادل: وشتشوف حل لهل بومه ولك فكرتك شوف شصاربيك من وراها ولك عوفهه
عادل: لاحول ولاقوه الابالله روحي جمانه ويه اخوج وحضري غراض لجهال راح اخذكم ويايه
ام عادل: وين تاخذهم يمه شبيك هيج تعوف امك من وره مره هاي تالي ترباتي
عادل: يمه يعني لاتخليني اعيش براحه ويه مرتي وجهالي واني يمج ولاتخليني اعيش واني بعيد
ام عادل: يمه واني شمسويه هيه مرتك متخاف من الله
عامر: خره بيومج دكومي عاد لزكتي
عادل: روحي جمانه واني الم غراضي وامرلكم يله روحي ويه اخوج
جمانه: طلعت ويه عامر بس متفاجئه من ردت فعل عادل
فاتت ساعتين واندكت الباب طلع ثامر واني ركضت وراه عبالي عادل طلعت ام عادل بكت طن هوه كلت راح تسحلني والله
ام عادل: كومي كومي جيبي جهالج متستحين انتي ورجلج تردون تعوفوني وحدي وتاخذون جهالكم شحدكم والله اكسر العصه عله ضهوركم
ام جمانه: هلاهلا ام عادل تفضلي خيتي ليش بالباب
ام عادل: ترضيهه ياام ثامر يردون يعوفوني وحدي ميكولون مره مريضه تموت تتخربط
ام جمانه: لا شحدهم شعدهم غيرج همه بس هم عله كيفج وياهم انتي همه هن خطيه مالهم غيرج
ام عادل :والله خيتي ممسويتلهم شي همه يتعايرون عليه
جمانه: اني فاتحه حلكي عليهه يعني مصدكه اني ممسويه شي عامر يمي شاورني لاممسويه شي بس راح شاعله ابهاتهم كرصته اششش اسكت يمعود
ام عادل: واني هم معليه بيهم بعد اريد الجهال اني. و وين ميرحون خل يرحون معليه بيهم
جمانه: خاله انتي مثل امي والله واعرف عادل هل واحد وانتي تعبتي عليه بس خاله اني هم الي حق بيه وصارو عدنه جهال وهاي المشاكل ياخاله والله متفيد يعني لاسامح الله لو رايح عادل من ايدنه شلون
ام عادل: لا يمه اسم الله عله طوله رجعي يمه وميصير اله الخير
جمانه: اخذت جهالي ورجعت هيه شايله احمد واني شايله عمار وثامر يصعد غراضنه
ثامر: نشتغل عد جهال عادل احنه كل يوم ودو غراضهم جيبو غراضهم ههههههه
ام عادل: لا لا بعد شحدهه تاخذهم وتطلع جيبهن ورانه يمه احنا نتمشه كدامك
جمانه: خرب حته وانتي جايه اتصالحين تتعاركين ادردم بكلبي دنجبي جمانه موزين جتي ترجعج اسكتي بلكن الله هداها طبينه للبيت عادل متمدد بصاله ضحك من طبينه
ام عادل: روحي جيبي فراش بين مايجيب اخوج غراض الجهال فرشيلهم هنا يمي خليهم واخذي رجلج سبحبه كله ريحه مستشفى وبانزين ودهن عطر الصاله
جمانه: كومت عادل واني احجي بكلبي بركاتج ياجزره الوسطيه من زمان خل يندعم لااوي اسم الله خطيه شذنبه طببت للحمام شديت رجله بكيس وشويه شويه اذب مي هوه بس يتمضحك
شبيك بس تتمضحك
عادل: صار شكد مزوجين جمانه
جمانه: سنه ونص ليش
عادل: اول مره تسبحيني لا وباامر من امي
جمانه: ههههههه اسكت من كالت كوميه كلت بركاتج ياجزره الوسطيه ههههه
دكوم ده اطلعك متعكز بيه طلعته للصاله
ام عادل: وين وين جايبته صعدي فوك لغرفته الجهال نايمين مناقصين دوخته
جمانه: اني هم ماكذبت خبر صعدته شويه شويه وهوه ايكركر الفطير عادل جان سويت حادث من زمان شبيك ههههه
عادل: ههههههههه لج صدك والله بس موسالفه الحادث سناءاختي قبل فتره كالتلي عله شغله بس خفت اسويهه اليوم يله سويتهه
جمانه: شنو
عادل: كالت كول لاامي اذا اضلين هيج ويه جمانه اخذهه واطلع ببيت وحدي كلتلهه يمعوده انوب تكب مسويتهه اليوم وراكم جتي عله بالي شفتهه لبست عبايتهه وطلعت جابتكم وجتي
جمانه: خرب حضي عادل كوني هسه عله رجلك هاي لمجبسه اجيب عوده ووين يوجعك هههه خل انزل اشوف الجهال
نزلت وثامر جان ده يطبب الغراض كتله صعدهن فوك ويايه فدوه
ام عادل: وين وين مصعدتهن فوك تعال يمه حطهن هنا يمي همه موعدهم جرباي فوك عوفي ذني هنا يمي بنهار يمي عوفيهم وب ليل صعديهم يمج
ثامر: جمانه قيسي حراره عمتج اخاف مصخنه المره
جمانه: يشاورني ثامر واني بالكوه كاتمه الضحكه حطينه جرابي الجهال يمهه وممه وترمز وسله وحفاضات طلع ثامر وصاحتني
ام عادل: اكولج هاي وحده حليب مسح برقمين مي مو
جمانه: اي خاله
ام عادل: خوش دصعدي خلصينه من دوختج ودوخه رجلج وخل انام عله نومه الجهال فد ساعه لاتحطيهم بجرابيهم هسه خليهم بالكاع راح اتمدد يمهم وصعدي انتي يم عادل من نكعد خابرو عله هذا ابو التوصيل ايجيبلنه غده
جمانه: لاخاله هسه اسوي اني
ام عادل: ولج صعدي يم الولد اخاف يحتاج شي صار كومه عايفته يمه ديري
