#للقدر قرار
الجزءالرابع
ل ورد العامري
جمانه :عدت الايام وطلعت النتائج الحمدلله معدلي زين وانقبلت كليه طب اسنان بس ساره انقبلت بايلوجي عل تحاليل بس ثنينه نفس الكليه ويانه عمارثالث مرحله ونور ثاني سنه الهه واياد رسب هل سنه بعده ثالث مرحله وعامراخويه تخرج الحمدلله
بابا اطه فلوس لاامي تجهزني للكليه
ماما ممكن تشترين لساره هم خطيه والله ماعدهه شي وامهه ماعدهه رجلهه ميطيهه
ام جمانه: اي حبيبتي ليش لا هم واحد يسوي شي لااخرته خابريهه تجي ويانه
جهزنه نفسنه للكليه اول يوم بالكليه خوف وحماس
عمار: هااا ولج مخلصتي اول يوم تاخير
جمانه: خايفه
عمار: لتخافين حبيبتي ذوله اخوتج ثنيهم طالعين وابوج ميشتريلي سياره اذا مااتخرج اليوم عادل ايوصلنه بين منشوف الخطوط
جمانه: ماشي بس انمر عله ساره
عمار: اهوووو امري لاالله امشي
جمانه: طلعنه عادل ورده احسبه مثل اخويه من سادس ابتدائي اشوفه هوه وعمار سوه
رحنه لساره اخذناهه ورحنه للكليه حيات ثانيه اختلاط ومرحله تحسسك انك كبرت كملنه ورجعنه وظلينه 5ايام عادل ايوصلنه ويرجعنه
عمار: جوجو راح يصير عادل ابو الخط مالنه
جمانه: هااا بس هوه موعنده شغل
عمار: اي اي يشتغل بكراج ابوه الله يرحمه بس طلعتهه تصير ويانه ويرجع عل غده بوقت حلتنه واحسن من خطوط الكليه هوسه
جمانه: ماشي بكيفك بس يعني تطيه فلوس لو شلون
عمار: هوه ماقبل بس كتله اذا متاخذ مااصعد بسيارتك اخر شي اتفقنه تبديل الدهن كل شهر عليه وافولهه بانزين كل كم يوم هوه كال بس اذا خلاني
جمانه: حياتي ولااجمل شديت حيلي بدراستي وعمار حبيبي معافني نجحت ثاني مرحله وعمارصار رابع مرحله اخيره واياد هم نجح رابع سنه هاي بعدله سنه ويتخرج ونورثالث مرحله
عمار: جوجو اريد احجي وياج بموضوع مااغصبج عليه لان اذا غصبتج حتكرهيه واذا نكرهه الشي يسوي الواحد حته يرضي غيره عله حساب نفسه واني مااحب اختي تسوي هل شي جوجو انتي كبرتي والدين امرنه بالحجاب وانتي ده اشوفين اوضاع العراق التعبانه وصدكيني يااختي الحجاب يزيدج جمال ومثل مكتلج اني مااجبرج اني حبيت انصحج
جمانه: كلامه صحيح والاحله مابيه انهه ميغصب او يضرب يحاجيني بطريقه يخليني استحي من نفسي لان ممسويه هل شي وبرضاتي اسويه فكرت اني افاجئه بعد9ايام عيد ميلاده وافاجئه بحجابي طول هل مده هوه مافتح الموضوع ويايه ابد
عمار: جوجو افوت
جمانه: لالالتفوت بعدني ممكمله
عمار: يمعوده صدك كذب حنتاخر الولد ده ينتضرفوك مايودينه ويجيبنه انوب اناخره
جمانه: لالااطلع انتضرني يمه هسه ثواني واطلع
ايه مرت ثامر ساعدتني بالحجاب وهيه اول وحده شافتني وشعجتني عليه ماما وبابا مموجودين
ايه: يله جمانه طلع عمار طلعي خل اشوف شيسوي من يشوفج
جمانه: طلعت جان كاعد بسياره يم عادل شافني حبيبي نزل يركض
عمار: شنو هل اميره اليوم شطالعه حبيبتي تعرفين شكد فرحت انج لبستي الحجاب
جمانه: حبيت يكون مفاجئه بعيد ميلادك
عمار: ياروح اخوج انتي تعالي بسياره حبيبتي شنو هل جمال اميره والله اميره طالعه
عادل: مبروك اختي احسن قرار الحجاب عاشت ايدج
عمار: بربك موهيج احسن
عادل :اي اكيد
جمانه: رحنه لساره وكالت ملايكلي. وتعاندت هيه وعمار ومن شافني اياد كال حلو مثل اي واحد ممهتم بس من رجعنه ماما وبابا واخوان شجعوني اكثر
مرت ايامنه بحلوهه وبمرهه وبمشاكلي اني واياد الي صارت ساره هيه الوسيط بينه وهيه تصالحنه نجحت للمرحله الثالثه ونور رابع وعمار اتخرج واياد صار خامس مرحله حياتي عاديه بين دوام وصديقتي وخطيبي الي كمت اتعلق بيه بس هوه يزعل عله شغلات تافهه بالعطله عقدنه محكمه ويه عامر ونور وصار يطلب طلبات اكثر بحجه صرتي مرتي واني مستمره برفضي وهوه مستمر بزعله وساره هيه التوصل بيني وبينه وتراضينه
