من بعد ساعات ديال طريق وصلات رونق لعاصم الإقتصادية الدار البيضاء ، هاد لمدينا لي غتسلب منها برائتها و طيبوبتها ، ادابها ،اخلاقها مبادئها وكل ما كنت كتحملو من صفات زونين ( لبنات ما يمشيش بالكوم لدعارة حيت رونق بنة قويا )
اول ما هيطو من تران داجو من حجم هاد لمدينا وناس غادا جايا مع كان صبح بدا يطلع وناس بداو يمشيو لخدمتهوم وقفة رونق وماماها كيضورو عنيهوم حيت ما كانوش ناويين على هاد لفخام ديال هاد لمدينا
ماما : رونق فيدينا بتفلسيف ديالك فين غنصدو دابا
انا : غناخدو طاكسي لعند شي سمسار ونشوفو شي بيت نسكنو فيه على ما تحسن اوضاعنا
ماما : كونا هانيين فضار قد لقصر غتردينا لبيت
انا : بعصبية : ماما بغيتي ترجعي ماحدنا قراب من لمحطا نقطع ليك انا ما قلتش ليك تبعيني ياك بغيت نمشي راسي انت لي لسقتي فذيا
ماما منداهشا مني حيت اول مرا رفع عليها سوتي
انا : زيدي ولا نباتو هنا
ماما حنات راسها وانا لحضا ندمت مي خاصني نتعلم نقصح قلبي
مشينا شدينا طاكسي ودانا لعند واحد سمسار لقينا وحد دار فيها جوج بيوت وطواليط و حمام و كوزينا بتمن مناسب
حطينا حوايجنا وقادينا دنيا ودوزنا ديك نهار غير فتخمال جا ليل كليت وطحت دودا
فصبح فقت وانا كل امال غنلقا خدما نصرف بيها على راسي وعلا ميمتي
نشت لبست وحد لعبيا وحد بلغا وخرجت لبلاصا لي كندخل ليها يا كيجريو عليا يا كيعايروني يا كيطلبو دبلوم يا بنت من انت لموهيم راكو عارفين حال لبلاد كيف داير
دوزت 3 ايام فتقلاب نهار 4 فقت لبست و بديت ماسيرتي فلبحت ما خليت فين قلبت صافي فقدت الأمل وعييت ما كيبالي غير لبحر مشيت ليه وبقيت كالسا حداه ونلكي نبكي على زهري على لولد لي بغيتو وتسنيتو عنري كولو وهو كايكرهني على با لي مات وخلاني صغيرا وعلى ،..... وعلىىى.... لموهيم بقيت نهرنن حتا وقف عليا وحد رجل كبير فلعمر مي شيك بزاف شاف فيا بوحد نضرا بحلي كيقولي مالك
انا بقيت كنشوف فيه و بدون صابق انضار طرت عنقتو وبديت نبكي حتى جويت قلبي وعاد حسيت علا راسي رجعت بلور ومسحت دموعي
انا : سمحلي اسيدي راه كتر عليا لهم و ما حسيتش
هو : حتا واحد ابنتي ما هاني لي ما عندو لقليل عندو لكتير
انا : ولاكن انا همي فات لجبال
هو : حكيلي ابنتي همك يمكن نقدر نعاونك انا راه شفتك من بعيد وفكرت بنتي كنت كتبغي تكلس هنا ملي كتكون معصبا
انا : صبحان الله على صودفا الله يخليها ليك
هو : الله يرحمها تغتاصبات وتقتلات حدا عيني انا ومها وخوها
انا وقفت : ولي وعلاش دارو هاكدا
هو : ما عرفناش لموهيم خلينا منهوم وعاودلي قصتك
انا تنهدت: انا قصتي قصا خاصها ليلت شتوا انا اسيدي ( بلا بلا عودت ليه كولشي )
هو : صراحا كنهنأك على شجاعتك حيت قدرتي تبعدي على هاداك خينا حيت ما يستاهلكش اما على لخدما انا عندي ليك خدما
لبنات سمحولي مي راه سطريس ديال دار هو لي ملاهيني عليكوم
أنت تقرأ
الشرطي و مفيوزية سمراء ( قصة مغربية )
Roman pour Adolescentsسلام بنات ديما كتقراو قصة مفيوزي كيتعرف علا وحدا وكيعدبها و من بعد كتبغيه ويبغيها ..... ليوم جبت ليكو شئ مختالف : البطل هيا صاحبة القلب المتجمد وهيا لمافيوزيا اما لبطال .... نخليكوم تكتاشفو مميزاتو هاد القصة مليئة بالحب الحقد معانات غدر خيان...
