سامي : رونق نجيك ملخر انا بغيتك تخدمي معايا انا شفت دكائك وتصرفاتك انت مبدلا على باقي لبنات هادوك لي يفرفرو وطايشين و متهورين نو انت مرزنا وتعرفي شنو كديري انا كتعجبني عقليتك لدا بغيتك تخدمي معايا فلمافيا
انا بدهشا :شنو لمافيا
هو : وي انا خدام مع لمافيا وانا انصلان كونت غنعرض عليك لموضوع وكونت كنتسنا غير لفورصا وها هيا جات حتا بين يدي
انا : لا راه ما نقدرش انا عمري قتلت حتا داجا
هو : و اترو عليك لأفلام راه لمافيا ماشي لقتيلا وداكشي راه حنا كنزورو لوراق ونديرو نصب و غسل الأموال وتجارا فسناح ....
انا بقلت حيلا : وواش يلا خدمت معاك غتعالج ماما
هو : غتعالج فأي دولا بغيتي وغنعطيك دار واعرا
انا بدون تفكير : موافقا غير عتق ماما عافاك
هو : اكي مي راه ديري معايا هاه ولا هاه نقتل ماما وسوفيان وماماه وباباه
انا بدهشا : منين كتعرف سويان
هو : واش غنخدم معايا وحدا ما عارفش عليها والو انا راه عارف عليك شي حاجات ما عارفاهومش انت على راسك
انا :وكيف درتي حتا عرفتي هادشي
هو : لموهيم دابا هوم ماماك اما لباقي من بعد وتعرفيه اه باش ما نساش اول ما تفيق ماماك نبغيك تنفدي لعمليا
انا : اكي
اكيد كتساؤلو علاش قبلت وعلاش ما نقبلش وانا ماما مابين لحيات ولموت وما عندي لا حنين لا رحيم ، بابا مشا وخلاني ولولد لي حياتي كاملا كنتسناه غير يشوف فيا صدق كيكرهني ملله نخدم مع لمافيا على الأقل تكون عندي غير هيبا وضهر لي يحميني ولا نبقا على هاد لحال
لموميم نضة خرجت ملمكتب ديالو وانا عندي هدف واحد هوا حيا ماما تبعني هو ركبنا فطوموبيلتو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ومشينا لوحد لكنينيك
انا : راه ماشي هنا ماما
هو : نو هنا
انا : لا والله ما هنا
هو : ااااففف راها هنا انا عطيت اوامرا باش يجيبوها لهنا وراه بداولها فلعماليا
انا بفرح : بصاح
هو بنفاد صبر : اه بصاح
دخلنا لداخل اف شغانقولكوم هاد دنيا قولي شحال عندك نقولك شحال كتسوا ، اشمنك يا تعامل اشمنك يا احترام لعاصير هو تالي جابوه لينا بقينا كالسين شي ساعا وهوا يخرج طبيب
انا : انضرا دكتور
دكتور : لحمد لله لمريضا فاتت مرحلت الخطر و لعمليا كانت ناجحا حيت قدرنا نقدوها فلوقة المناسب ما هيا إلى ساعات وتفيق
انا : شكران
ضرت عند سامي نشكرو وانا لقا دموع هابطين منعينو قرب لعندي وعنقني بجهد
