الشرطي و مفيوزية سمراء ( قصة مغربية )

النهاية

ماما : ما ديش عليها اولدي راه كيعجبها

هو : شوف انا شرطي لواحيد هو ما تلبس كحل ما تشريه ما ضور بيه نموت وما تشدش عليا لعدا بيه ما ضورش بيه ديفينيتيف .

ماما : الله يرضي عليك لما بدلي

انا بغيت نتعكس مي شفت عائيلت سامي مخنزرا وخافت يديرو مناقص وانا نحني راسي وطلعت لبست

سوفيا: اح شحال جيتي تيتيزا

ماما : كون تمرك

هو : مرتي هادي

سامي : باش مرتك

هو هز ختم من صينيا

وركبولي فصبعي : ها هيا دابا مرتي منوع شي حد يقولي اش كادير راه حلالي

الكل : ههههه

كملنا مراسم الخطبا وتفاهمو على لعرس منبعد شهر ، اف شهر لي داز غير فضوران من محال لتاني من هنا لهنا شري هادي حط هادي ولاكن تبرعنا دبصاح عاد صالونات رطب وجبد ونقي ما جا فين يوصل لعرس حتا رجعنا بلارات ، لعرس لي كان اسطوري شرف عليه لبوص شخصيان وكان هديا من عندو وصاراحا ما رفضناش حيت بغينا نحسوه انو حنا ولادو وحتا هو ما نقصش من جهدو دارنا عرس ولا في الأحلام ،كان عرس واعر ولاكن اانا وحبيبي كتر جينا بحال شي عصافير كنحمقو .

وهيا يلا جينا لحق ماشي غير حنا لي كنحمقو راه حتا حتا سامي و فردوس جاو كيهبلو ، دوزنا لعرس فلجو مليئ بنشاط وضحك وتصاور وشطيح .كان عرس زوين بزاف.غير كملناه و حنا نتاجهو الأطيل لي كان محجوز لينا شنو غنقولكوم واو كان جناح كولو ورض و فصباح غير فطرنا توادعنا مع العئيلا كل واحد شد طيارا حنا لجزر كناريا و سامي وفردوس لأسطراليا .

ما رجعو حتا جابو معاهوم ضيف صغيور اما انا وحبيبي قررنا باقي شويا حتا نرتبو شي أمور من بينها تبرعت بجميع اموالي لميتم حيت فلوس لحرام ما دايماش وانا باغا نربي والادي بلحلال و درت مشروع لي كان عبارا عن صالون تجميل ولماساج و اما حبيبي سوفيان مقابل خدمتو وعاد بكفائتو طلع فلكراض صراحا الله يخليه ليا ما مخليني محتاجا حتا حاجا وعاد حوبو ليا كيزيد يكبر نهار على نهار

.
لحمد لله تعدبت وعانيت مي ربي ما خيبنيش وفينالمون تزوجت لولد لي حلمت بيه من صغري.

بنات يا ريت تكون عجبتكوم نهايا ....😘😘