صرخه_انثى

6

#صرخه_انثى  6
بقلم: سكره
قولت ليهو دكتور غسان 😳😱🤯 قالي نضال 😳 قولت ليهو انت خال سديم 😳 قال لي ايوه انا و جبيبها عشان نحن مستعجلين و انا وراي طياره 😊✋ قولت ليهو ايواا اتفضل اديتها ليو لمن هو شالها صحت و فعدت تبكي قالت الاتمشي معاي 😅 هو قال ليها سدومتي حبيبه خاالو 💜 عايني لي هنا انا خالو حبيبك خلينا نمشي البيت عشان تودعيني ف المطار و لا ما ماشه😕 قالت ليو انت تاتي م بتجي قريب 😢💔 م ماشه معااك 😒 ضحك فيها و قال ليها انت اطلبيني ف ااااي وقت تلقيني وانا كان م جيت ل بتي ح اجي ل منو قالت ليو حتجي لمرت خالو 😒 يااخ احنا الاتنين ضحكنا ف كلامها بدون م نحس 😂😂 قولت ليها سدووم حبيبت خااالتو انتو ساكنين 😕 قالت لي بابا ماف قاعدين مع حبوبه😻 قولت خلاص انا بجييك طوالي ف بيت ناس حبوبه وانت تجيني ف بيتنا تمام 😕 قالت تمام 😊 قولت ليها اذن اتفقنا 🤝 جانا صوت رنيم من وره قالت مالك اتاخرت كده يا غسان 😕 قال ليها م بتك العبيطه دي اعمل ليها شنو بس الا م تحب ليها زول 😒 قالت لي يا نضال تاني يحلك الله 😅 غسان قال ليها يا رنيم دي نضال اخت دكتور صلاح 😊 رنيم قالت دي انت والله كنا جاينكم ف البيت بس ربنا م اراد 😪 قولت ليها م فات اسي تجونا وتجيبو لي معاكم سدومتي 😻 قالت لي خلاص من عيووني دييل 😻 غسان قال ليها لقيتي ليك زول وبعتيني يا سدومتي 😢💔 قالت يا خالو لمن تجي برجع صحبتك 😻 يااخ نحن ضحكنا ضحك رنيم قالت لي والله الونسه معاك سمحه لكن نحن مستعجلين قولت ليها ولا يهمك 😊 وبنتلاقي ان شاء الله و حانتظر زيارتكم 😻 مشو وانا رجعت ف العربيه شغاله ب تلفوني لمن صلاح و ابوي جو قالو صباح و امي حيرجعو ع بيت العرس عندهم اشغال يهتمو بيها و صلاح ماشي المطار ل صحبو وانا وابوي حنرجع سواقولت ليهو تمام م مشكله و رجعنا البيت رجعت نعسانه عاايزه انوم بس 😴 تلفوني جات فيهو رساله فتحتها لقيتها من غسان كاتب لي فيها عارف اني م مفروض ارسل ليك او اتكلم معااك عارف بس انا مسافر و حبيت اقول ليك يا نضال لو مافي زول ف حيااتك الله يخليك انتظريني عشان انا عايزك ع سنه الله ورسوله يا ريت تنتظريني و انا راجع بعد سنتين اذا جيت لقيتك ارتبطتي معناها بس القسمه م ادت و اذا جيت لقيتك لسع ف معناها انا حاجي اتقدم و يا ريت م ترديني انا شايف فيك كل الصفات البتمناها ف شريكه حياتي و استودعك الله الذي لا تضيع ودائعه و كاتب لي تحت غسان قريت الرساله تلاته مرات عشان استوعب 🤯 بعد شويه بقيت افكر يعني اسي اقول ل صباح شنو بعد خي بقت متعلقه بيو كده بقيت ببكي لمن نمت و الصباح صحيت لقيت ابوي وصلاح طلعو من بدري صليت و رجعت نمت بس بعد شويه جات صحتني صباح قالت عيونك مالها مورمه كده 😱 م عرفت اقول ليها شنو و بعد شويه لقيت نفسي تلقائيا بحكي ليها الحصل 😢💔 قامت قعدت تضحك ب اعلي صوت 😂😂 قالت لي ياهو د القالقك من امبارح و حاميك النوم 😂😂 يا بت انا غسان عرفتوو خاتي عينو عليك لانو نظرات العاشق بتفضحو 😉😈 ف لمن عرفت انو مااف امل نسيتو و د اصلا كان اعجاب لحظي بس د الاكتشتفتو و بكره ربنا يعوضني يا زوله انت م عندك موضوع شكلك 😂😂 قولت ليها حتي بعد قلتي كده انا م عايزاه 😒 قالت لي عويره بس زي غسان د اسي برفضو 😒 قولت ليها انا برفض و قفلي السيره دي بتجيب لو وجع بطن 🙄 قالت امرك يا ست الكل 😏 مشيت لقيت امي جات و عملنا الفطور فطرنا و بعديها صليت الضهر و كنت بقرا لي ف كتاب كده لحد م اليوم خلص م خلصتو ومرت الايام عادي من البيت للمدرسه و من المدرسه للبيت اصلا كان فاضل اسبوعين بس ع الكورس و ينتهي و انتهي و تاني يوم من الكورس انتهي كنت ماسكه تلفوني قالت لي صباح قومي جايينا ضيوف ع الغدا 😒 قولت ليها ضيوف منو 😕 قالت تبع صلاح قومي 😒 مشيت لقيتهم اصلا انتهو من الغدا عظلت ليهم التحليه و مشيت استحميت و انا ف الاوضه بسرح سمعت صوت ناس بره بسلمو لميت شعري و لبست لي توب و طلعت عليهم جاتني سديم جاريه 😻 شلتها و انا مبسوووطه شديد قلت ليها جيتي مع منو 😻قالت لي جيت مع ماما و حبوبه 😻 مشيت سلمت عليهم و سديم ابت تنزل مني نهاائي و تتونس معاي😻 صباح جات قعدت جمبنا تتونس معانا سديم قالت ليها دايره اتونس مع مره خالو بس 😒 ياخ ضحكت ضحك لمن دمعت 😂😂 رنيم قالت لي وريتك يا نضوله البت دي مفتريه و مستغنيه بس الله اعلم حبتك كيف 😅😂😂 خالتو غاده قالت لينا زي غسان زمان م بريد اي زول 😂😂 صباح قالت ليهم هي نضال اصلها عندها بال واخلاق للشفع م هي زيهم 😂😂 قولت ليها صباااح 😒 قالت هرشتني هرشتني 😅😂 قضو معانا يوم حلوو شديد و لمن جو عشان يمشو سديم قالت الا تقعد معاي 😻 قولت ليهم خلوها اصلا م شغاله حاجه تقعد معاي يومين و بجيبها ليكم 😻 رنيم قالت بتجيبك نص الليل 😅 قولت اصلا الليله صلاح بتاخر بجي الساعه1 كان م نامت بجيبها ليكم و كان نامت بنجيكم بالصباح 😻 بعد تحنيييس حتي وافقو 😻 انا و سديم اتونسنا و لعبنا و ضحكنا و جد مع البنوته م بتحسي بالوقت ولا بالتعب و لمن جينا بليل ننوم قالت الا ترقد معاي ف سريري رقدتها ف حضني و نمنا و امها كول سويه تتصل مقلقه يا حليلها 😅 بس بطمنها عليها و صحينا الصباح سديم قالت م ماشه قولت ليها تمام سديم بتشرب ف الشاي صلاح مشي جاب ليها غيارات 😻 بعد شويه طلعت فوق لقيتها بتبكي جيتها جاريه قلت ليها سديم مالك 😳🙀 قالت لي مشتاقه ل خالو عايزه اتكلم معاو 😢 قولت ليها بس كده اااسي اتصل ليو 😻 قلت ل رنيم ترسل لي رقمو قالت لي و هو مشتاق ليها رسلت لي الرقم و اتصلت ليو مكالمه واتس فيديو عنل جرسين و رد طوالي 😏 سديم قالت ليهو خاااالو 😻 قال ليها يا عيوون خاالو 😻 قال ليها كده يا سديم تمشي وتخلي ماما براها 😒 قالت ليهو م براها معاها حبوبه🤓 ياخ انا ضحكت لمن دمعت و هو كمان ضحك وهو بتونس معاها برااحه اقنعها ترجع البيت 😒 يااخ زعلت لاني اتعودت ع جوطتها معاي ف البيت من امبارح 😢💔 بس م قلت شي ف النهايه هو خالها 😒 بعد اتونست معاو و قفلت منو قالت لي نضووله انا ماشه ل ماما 😊 قولت ليها زهجتي مني يا سدوم 😢💔 قالت لي لا بس خالو قال لي ارجع 😻 بقلبي قلت يخلخل ضروسو تاني استغفرت و مشيت وديتها بيتهم و لمن دخلت سلمت عليهم و اتونست معاهم باللجد ناس طيبين مش تقول لي ولدهم 😒 بعديها جاني ابوي و رجعنا البيت سوا و طلعت غرفتي طوالي وانا لسع مغيوظه من غسان و عملتو 😒 بس ساكته قام رسل لي رساله ف الواتس قال لي عارفاك مغيوظه بس يا نضال سديم لو ابوها عرف حيزعل احنا واثقين فيك وااي حاجه بس ف النهايه كمان د ابوها م بنقدر نقول ليو لا 😊 لمن قريت رسالتو حسيت انو قرا افكاري 🤦‍♀ بس تاني فكرت ف كلانو لقيت انو هو معاو حق و عدت باقي الايام عاااديه شديد و لمن الاجازه خلصت و نزلت المدرسه اول يوم كان عادي شديد نزلت رغبتي علمي احياء و حتي استاذ هيثم م صادفتو و انا داخله المكتب سمعت قالو ابو طردو من البيت م حسيت نفسي مهتمه بالقصه كتيير 😴 و مشيت البيت اتغديت و اتونست مع ناس بيتنا شويه و مشيت نمت بدري عشان المراجعه و كانت ماشه عاادي 😴 وانا متواصله مع رنيم ف يوم جمعه م كان علي ضغطه مدرسه قلت امشي اتونس معاهم و كلمت ابوي قال كويس بعد الصلاه وداني ليهم فتحت لي الباب الشغاله بتاعتهم و سديم لمن سمعت صوتي جاات جااريه علي طوااالي 😻 و حضنتني وقالت لي خاالتو 😻 ودخلت وانا شايلاها ولقيت معاهم مره و قاعده معاها بت شكلها دي بتها سلمت ع رنيم و خالتو غاده قالو لي اتفضلي 😻 خالتو غاده قالت لي دي فاطمه عمه غسان و دي بتها سمر 😊 قلت ليهم اتشرفنا 😊 خالتو غاده قالت ليهم دي اخت صلاح صاحب غسان 😊 قالو اتشرفنا 😊💜 رنيم قامت ماشه المطبخ عايزه امشي معاها اتصلت علي رنيم بت خاله غسان قالت والله كان قايلاك بتنسينا بعد تنزلي المدرسه م كنت كونت معاك علاقه😒 قولت ليها انا ف بيت ناس خالتك 😅 قالت لي احلفي 😻 قولت ليها والله 😅 قالت 5 دقايق و بجي دخلت ل رنيم سالتها اذا محتاجه مساعده قالت اقعد ونسيني بس قعدت معاها قلت ليها رنووم عندي ليك سؤال 😕🤔 قالت لي اسالي طوالي قلت انت السماك منو 😕 قالت ليه 😅 قلت عشان انت و بنت خالتك عندكم نفس الاسم 😅 قالت انا اكبر من رنيم بت خالتي ب شهر واحد وانا اساسا م ولدوني هنا ف جدو كان عايز يسمي رنيم ف سموني انا و رنيم ب نفس الاسم و احنا م عارفين 😅 وبس قولت ليها اهااا 😅 قالت تعال نودي العصير وجبنا العصير و سديم قاعده جمبي سمر قالت يا رنيم انت بتك دي بتاعت مزاجات 😏 قالت ليها عشان بتي مزاجات بتعرف بتاعين المزاجات 😏 قامت عمتها قالت ل خالتو غاده انا الليله جيتك ف موضوع مهم شديد خالتو غاده قالت ليها جدا اتفضلي 😊 قالت ليها عارفه سمر ابوها متوفي كان م كده كان خظب ليها هو بس دي حكمه الله م ح نعترض عليها عشان كده بتي انا ح اخطب ليها و بصراحه كده م ح القي ليها احسن من ود اخوي غسان البنات كلهم بتمنو و دكتور وقدر الدنيا عشان كده م تخلي يغلط تاني و ياخد من بره هدي سمر قدامو الياخداها 😊 انا بقيت عامله كده 🐸 قالت ليها خالتو غاده و الله غسان زي م ولدي ولدك بس شوفي رايو هو لو بوافق وابو بوافق انا تاني م عندي كلمه 😊 قالت ليها غسان ولدي و م برفض لي طلب معناها اعتبر الموضوع انتهي من ناحيتك؟  خالتو غاده قالت ليها اي 😊 و بعد شويه رنيم بت خالتهم جات و سلمت عليهم و علي سديم و مشينا وقفنا مع رنيم ف المطبخ قالت ل رنيم بت خالتها م شفتي عمتي و بتها جنو و جو طلبو يد غسان من امي 😂😂 رنيم قالت واااي انت جاده 😂😂 الله يحلو عااد غسان من الورطه دي 😂😂 قلت ليهم مالها بت عمتو واولي بيهو من الغريبه 😊 قالو لي ف نفس الوقت بس هو عايز واحده تانيه 😅 قلت حتي ولو عمتو كانت بتتكلم ب ثقه ف اكييد حتقعنو 😊 رنيم اخت غسان قالت لي والله اي بتاثر عليو خاصه انو غسان بحبها و م برفض ليها طلب هي حتستغل النقطه دي ضدو الله يعينو بس ع الجاي عليو 😪💔 قلت ليهم اعمل ليكم شنو 😊 قالو لي رصي الصحانه وف الصينيه ورصيتهم و ختينا الغداء و مشينا عشان نقعد نتغدا جات سديم قالت عايزه مره خالو تأكلني 😻 سمر عايزه تشيلها قالت ليها انا قلت مره خالو انت مره خالو 😒 رنيم و رنيم ديل يقرصو ف بعض عشان م يضحكو جات قعدت فيني و قعدت اكلها و اكل و سمر تحمر لينا خالتو قعدت تضحك و عملت الموضوع هظار و سمر بس لو عليها تقوم تدقني و خلصنا الغدا و عملت ليها شاي ساد خالتو غاده قالت عليك الله وصفي ل رنيم بتعملي الشاي د كيف عشان تعملو لي لمن تكوني ماف قلت لا م بوريها عشان لمن تجي تشربي يكون عندو طعم 😻😜 سمر قالت المنقبات ديل م مضمونات يمكن عادي تكون خاته ليك فيو مخدر 😏 زعلت بالجد رنيم قالت ليها البختو المخدر ديل البتعرفيهم اما نضوله حاجه تاانيه واحنا واااثقين منها 😏 قامت خالتو غاده بهظار عشان تلتطف الجو قالت فعلا البنات بقن يتعملن النقاب حجه عشان يدارن ع اعمالهن 😅 بعد شويه ابوي جاء لمن طلعت ليهو سديم كانت بتبكي حنستها و ودعتهم و طلعت و رجعت البيت مع ابوي رقدت نمت و مرت الايام عادي بس ضغطت الدراسه زاادت شدييد و بقت متعبه شديده حتي بقي تواصلي مع ناس خالتو غاده م طوالي زي زمان يوم الاربع و انا كنت خلصت امتحانات شهريه و جيت داخله البيت لقيت ابوي بلبس و طالع سالتو طالع وين قال سديم بت اخت غسان ف المستشفى مرقده و شكلها تعبانه انا ماشي ليها اتخلعت بس اتدراكت نفسي سريع ورقلت ليهو انا ماشه معاك 😢💔 مشيت معاو والطريق كلو انا ادعي اول م وصلت المستشفى وسالت منها مشيت سريع حتي م انتظرت ابوي و مشيت لقيت رنيم عيونها مورمه من البكاء و اول م وقفت جمبها  داخت وقعت و ودوها الطوارئ 😪💔
#نتلاقى