صرخه_انثى

20

#صرخه_انثى 20
بقلم:سكره
رقدني زي الناس و ختي راسي ف رجلينو و بقي بمشي يدو ف شعري لحد م نمت 😴 💜 و صلاه الصبح صحيت لقيت نفسي رقده ف السرير و مغطيه كمان و غسان راقد ف السرير جمبي ونايم بس راقد و متكل فوق راس السرير  يعني نايم زي القاعد قمت علي حيلي و اتذكرت امبارح حصل شنو قلت معناها م نام كل الليل حارسني و انا بهضرب 😪💔 صحيت مشيت استحميت و قعدت ابكي ف الحمام لمن عيوني ورمت طلعت من الحمام و نشفت شعري و و كان خلاص الاذان التاني اذن و فضل للصلاه زي عشره دقايق صخيت غسان عشان يمشي بس قال اجهزي للصلاه عشان نصلي سوا قلت ليهو حاضر 💜 مشيت اتوضي و هو كمان اتوضي و صلاه بي ياااخ صوتو من شده ما رااحه نفسيه لمن ببكي 😻 بعد خلصنا صلاه قبل علي قال نضال جيبي يدينك استغربت منو و قلت ليهو ل شنو 😕 قال جيبيها بس 😂💔 مديتها ليو بقي يسبح عليها بعد خلص قال عشان تاخدي اجري معاك 😻 ابتسمت ليو قلت ليهو غسان امشي نوم انت امبارح م نمت كويس 😊 قال لي بس انت م نعسان 😅 قلت ليهو بطل كذب 🙄 قال لي طاايب انت حتعملي شنو 🤔 قلت ح اعمل الفطور 😊 قال فطوور من اذان الصبح 😂😂👊 و بعدين انت عروس مفروض تتدلعي 😊 ابتسمت ابتسامه باهته و قلت ليهو انت بالجد انحس واحد الله يعينك 😪 قال لي ح اقطع لسان اللي يقول لي انت منحوس حتي لو كنت انت 😒 و بعدين انت م تتخطي اي حاجه بس تقللي من قيمه نفسك م اسمح 😡 طاايب اسي بالجد ناويه تفطرينا شنو 🤔 بس يا نضالي الله يهديك بلاش المحروق بلاش المحروق 😅 قلت ليهو محروق ف عينك 😒 عايز اعمل كيكه اسي نشرب بيها الشاي و ببدا اشوف التلاجه فيها شنو للفطور 😊 قال لي يلا تعالي ح ساعدك قلت ليهو دقيقه انت بتعرف تعمل شي ف المطبخ 🤔😳 قال لي يا مفتريه سنتين غربه م كفيله تعلمني 😂💔 وقفت ف المطبخ و هو جاي معاي عمل لي عجنه الكيكه وبالجد شكلها رهيييبه 😻 و انا بتفرج فيهو قال لي انا مفروض اصنف ك اول راجل سوداني عمل الاكل اول يوم ل مرتو 😂💔  قلت ليهو ياااخي ابوي عملها قب..... و سكت هنا غسان عاين لي ب استغراب قال لي مالك يا نضو 😳  ابتسمت وقلت ليهو يا حضره الشيف نسيت م شغلت الفرن 😂👊شغلت ليهو الفرن و انتظرو يسخن و ختا الكيكه جوه و قعدنا ف المطبخ نتونس غسان قال لي نضال اذا سالتك بتجاوبيني 😕 قلت ليهو ع حسن السؤال 😂👊 قال والله طلعتي بتعرفي تهظري 🙄😒 قلت ليهو اوكي 😊 قال لي شنو الخلاك توافقي ع العقد بالجد مع انا متاكد انك رافضاني و شديد كمان م رفض ساي ف الاتغير شنو 🤔 اتنهدت مسافه طوييله و حكيت ليهو من اول م سمعت سمر بتتكلم مع ابوي وانا فاكراه غسان لخد م بدت تعاملني كويس لحد صدمتي ب عرس ابوي 😪💔 قال لي بصوت مخنوق هو اتزوج بس م خلاكم 😢💔 قلت ليهو قصدك شنو 🙄😕 قال لي ابوك اتزوج و مراعي ل مشاعركم و م بقصر معاكم ف شي اي صح العملو ف النهايه هو غلط بس م اتغير معاكم و يا ريت عمي يكون قال ل امك و ريح نفسو 😊 تاني غيرنا السيره و بقينا نتونس عاادي كده الكيكه طلعت ختيناها ف التلاجه و غسان قعد ف الهول و ناداني معاهو كان بحضر ف ناشونال جغرافي ف برنامج كده عن الحيوانات جيت قعدت جمبو حسيتو بفتح و بغمض كتير قلت ليهو غسان انت مصدع 🤔 قال لي شويه كده 😅 قلت ليهو ارقد ف رجولي 😊 قال ل شنو 😕 قلت بس اعمل القلتو ليك 😒 رقد و بقيت بعمل ليو ف مساج ل راسو لمن استرخي و استسلم للنوم 😴 ياخ بقيت اتامل فيو عجبني منظرو شديد كان زي الاطفال 😂👊 واول مره ادقق م ملامح غسان كده 😻 هو عندو سكوسكه و لونو خمري 😻 حواجبو غزيره و عيونو كحيله يعني بني وسيم بمعني الكلمه و ملامحو هادئه 😻 بعد شويه شلت الريموت من يدو غيرت القناه و بقيت بحضر و م حسيت بنفسي الا لمن نمت كمان 😴 بعد شويه صحيت لانو النومه م كانت مريحه لقيت غسان راقد لسع و خاتي يدو ف وشو بقيت براحه بلعب ليو ب شعرو بعد شويه لمن اتحرك قام صحي قال لي الساعه قلت ليهو لحظه اشوفها عاينت ليها لقيتها 10 ونص قال الزمن سرقني نفطر 🤔😅 قلت والكيكه نديها الجيران 🙄 قال طايب طايب بطلي لماضه 🤭 شربنا الشاي بالكيك حقو قلت ليهو و الله طلعت م كعب خاالص 😂😂👊 قال يا مفتريه اسي مالو عيبي لي 🤨 قلت ليها م عاب الرسول طعام قط 😂👊 قال لي بالله 😒 قولت ليهو والله 😂👊 قال لي اجهزي بعد الشتي طالعين مشوار 😊 قلت ليهو ماشين وين 😳 قال لي قلنا مشواار و يلا امشي البسي قلت ليهو مع اني م مرتاحه بس اوكي قعد يضحك قال لي اسرعي يا مجنونه و نزلنا ركبنا العربيه و وصلنا مكان كده كدي بتاع عمارات و وصلنا شقه ف الدور التالت مكتوب فيها من بره دكتور امراض نفسيه غسان دخل و قال خشي 😊 قلت ليهو جايبني هنا ل شنو 😕🤔 قال لي خشي بس خشيت معاو لقينا ف الاستقبال واحده كده سمحه قالت لي غسان اتفضل يا دكتور غسان قالتها بمياعه كده اتغظت منها بشكل 😒 غسان عاين لي لقاني بحمر ليهو 🙄 قعد يتبسم سااي قال ليها الدكتوره جات ولا لسع؟ قالت ليهو لسع م جات قال ليها خلاص بننتظرها جوه نحن😊 قالت ليهو م مشكله انتظروها هنا 😊 قلت ليها احتمال عندو كلام مع مرتو م ممكن 😊 قالت هو انت مدامتو 😕😒 قلت ليها شايفه شنو 😒😊 قالت لي ااا اسفه معليش اتفضلو 😊 دخلنا قلت ليهو غسان د شنو 😒😕 قال لي يا نضال كونك تجي ل دكتور نفسي م معناها انك مجنونه بس بكون جواك تراكمات عايزه تفضيها و احيانا بتحبي تحكي ل زول انت م بتعرفي بكون اريح ليك و بتحسي بالراحه اكتر و انا جبتك ل زول م بتعرفي و تكوني واثقه انو م حيطلع سرك من بره 😊 م اقتنعت شديد ب كلامو اداني كبايه مويه مسكني ليها ف يدي شربت منها شويه الدكتوره جات سلمت علينا و كلامها كلو عن مع غسان 😒 هي دكتوره عمرها شكلو قريب 50 سنه وملامحه ملامح زوله طيبه و هادئه و عندها تجارب ف الحياه 😪 غسان بعد شويه طلع قامت لي نضال يا نضال 😻 قلت ليها وعليكم السلام 😊 قالت لي انا اسمي دكتوره سحر محمد حسين 😊 دكتوره امراض نفسيه و عصبيه 😊 قلت ليها اتشرفنا 😊 و بدت معاي الجلسه اغلبها بتسالني عن نفسي و قريت وين و ناس بيتنا و انا لسع برد قدر السؤال بقت تحكي لي هي عن نفسها و عن حياتها و عرفت انها اختارت المجال بالذات لانو اخوها كان مريض و م عرفو ليو علاج حبسو ف اوضه لمن جن خالص و ف النهايه انتحر اتاثرت ليها شديد و بقيت اتونس معاها عادي قالت لي حيكون عندك معاي جلسات طول الاسبوع و تاني بخفف ليك شويه شويه قلت ليها تمام 😊 طلعت منها لقيت بتاعت الاستقبال بتتمايع مع غسان 😒 حمرت ليهو والدكتوره نادتو مشي ليها بتاعت الاستقبال قالت لي طبعن زووجك ظررريف حافظي عليهو لانو شكلو بحبك 😏 قلت ليها عارفه 😒 حسيتها حتطق مني 😂👊 بعد شويه غسان جاء طالع قالت ليهو بتاعت الاستقبال اشوفك بكره دكتور غسان 😻 قال ليها ان شاء الله 😊 قلت ليهو غسان اتاخرنا نحن 😒🙄 نزلنا ركبنا العربيه قلت ليهو غسان تاني حتجيبني و م حتركب معاي فوق عرفت الطريق و م ح اضيع و انت تمشي تشوف ليك شغله تقضاها لحد م الجلسه تخلص بس 😒 ضحك قال لي لشنو بس 🤔 قلت ليهو انت مالك بس م تجي معاي تاني 😡 ضحك قال لي مرتي الغيووره 😂💔 قلت دقيقه اغييير من منو 🙄 قال لي خلاص خلاص ارح ف كافي هنا ظريف ارح نفطر ونشرب لينا فيو حاجه 😊 قلت ليهو تمام مشينا عليو و قعدنا فطرنا و شربنا شاي 😻 و رجعنا البيت و قعدنا نتونس قال لي غسان انت عارفه يا نضال اني فاتح القضيه صح؟  قلت ليهو ايوه قال لي القضيه ماشه و انت حتحضري اخر جلستين بس قلت ليهو تمام بعد شويه قال لي نضال عندي ليك خبر تاني و م عارف رده فعلك شنو 😅 قلت ليهو قول عااادي اصلا انا قلبي ماات زمان 😂👊🏻 قال لي نضال بكره خطوبه احمد ود خالتك و حيخظب سمهدر بت خالتك 😊 قلت ليهو بااالجد 😻 ربنا يسعدهم و يهنيهم و يتمم ع خير 😊 قال الموضوع م اثر عليك 🤔 قلت ليهو ياثر علي ب شنو 😅 انا واحده متزوجه و هم اولاد خالاتي قبل اي شي و ربنا يسعدهم محل م يقبلو 😊 قال يعني نمشي عادي بكره 🤔 قلت ليهو اكيد اذا ما عندك مشكله 😻 قال لي ابدا م عندي مانع بس نضال بالجد انت كويسه و لا حتخشي الحمام تبكي 🤔 م تخافي ع مشاعري انا عارف اني جيتك ف اكتر وقت غلط ف حياتك + انت م كنت طايقاني  عشان كده م ح ازعل منك لو اتاثرت و بكيتي 😅 قلت ليهو اولا انت م جيت ف وقت غلط تمام انت جيت ف الوقت الصح تماما و ثانيا منو القال ليك انا م بطيقك 😅 قال لي قبل العرس تصرفاتك كانت واضحه و م اتغيرت 😅 قلت ليهم انا م كنت م طايقاك انا كنت بعاملك بالشرع بقول شنو لو ركزت انا اي زول بالنسبه م كان محرم د كان تعاملي معاهم و ثانيا انت كنت بالنسبه لي بتحبني و معلق سمر عشان كده اخر فتره تعاملي معاك اتغير 😪😅 قال عارفه يا نضال انا من شفتك واتعاملت معاك اول مره بقيت بدعي ف كل صلاه لي انك تكوني نصيبي حتي لمن اتخطبت بس بقيت بدعي ربنا يخفف علي من حبك و انساك م عشان اكمل حياتي بس عشان بقيتي حقت زول تااني و قلبي م كان فاقد الامل منك حتي لمن اتخطبتي د م خلاني ابطل تفكير فيك بالعكس كنت بسال عليك رنيم دايما و اعرف منها اخبارك و كنت برسل ليك رسائل عشان ارتاح و برضو م كنت برتاح و لمن احمد كان بضايقك رنيم كانت تحكي لي بس بطريقه غير مباشره عشان كده كنت برسل ليك رسائل و لمن كنت نازله الجامعه كمان رنيم قالت لي انك خايفه و متوتره و كمان رسلت ضحك كده و سكت قلت ليهو سكتا مالك 😰 قال عارفه سديم انا الشبكتها ف كلمه مره خالي لمن شفتك شايلاها و قلبي حساني انو دي انت ف شبكتها ف الكلمه دي و هي اصلا كانت بتحبك 😅 ف م اجتهدت معاها شديد عشان تبقي صله بينا و حتي لمن سديم كانت ف المستشفى انا كنت بدعي انو اسمع صوتك لانو ماف زول غيرك ممكن يطمن قلبي و ف كل مره وربنا يستجيب لي لمن بقيتي اسي حلالي 😅 و بالمناسبه يا اميرتي حنتغدا ب شنو 🤔 لاني جيعااااان جوع لدرجه اني ممكن اكلك 😅😻 قلت ليهو اطلب لينا ديلفري 😅 قال تمام انا دخلت الاوضه و بقيت ببكي ب حرقه ع كلام غسان لاني حسيت نفسي م بستاهلو هو بحبني شديييد و من زمان وداسما بكون واقف معاي ف اي حاجه احتجت ليها بكون معاي حسيت اني جد م بستاهلو و بقيت ببكي ب حرقه بعد شويه سمعت صوتو جاي علي مسحت دموعي و رقدت عملت روحي نايمه هو جو داخل عاين لي كده قال لي نضال قومي نتفاهم بتبكي مالك لمن قومني هنا انا يادوب بديت ابكي زي الناس قام حضني و قال لي اسي بتبكي مالك يا بكايه و انا ببكي لمن نمت صحيت لقيت نفسي نايمه من بعد صلاه العصر و المغرب قرب وانا اصلا م صليت قمت صليت العصر سمعت صوت غسان من الباب قال لي حرما 😊 قلت ليهو جمعا 😊 سكت مسافه تاني جاني قريب ف المصلايه قال لي نضال كنت بتبكي عشان الخطوبه 🤔 قلت ليهو غسان بعد الكلام القلتو لي د كلو جاي تقول الخطوبه 😒 قال لي كلام شنو 🤔 قلت ليهو م عارفه 🙄 و عايزه اقوم قام مسكني قال اهااا عشان قلت ليك بحبك 🤔 قلت ليهو بتقولها ببرود كانو قلتها لزول قبلي 😒🙄 قال اساسا انت م عارفه حاجه ساي انا معجباتي كتااااار 😌 قلت ليهو خليهم ينفعوك 😒 و عايزه اقوم امش قعدني ف السرير و قعد تحت ف الواطه و قال لي يا مجنونه انا اصلا م بقدر اشوف زول غيرك او واحده تانيه ممكن تكون ف حياتي تااني غيرك و اصلا انا بعد تعب لقيتك تاني م بقدر افرط فيك و ياريت بدون كلام كتير تجي نتغدي لاني حاليا ممكن اكلك 😻 قلت ليهو دقيقه انت م اكلت من قبيل 🙄 قال لي م بعرف اكل براي انا 🙄 مشينا اتغدينا و بعد خلصنا ف بلكونه قعدنا فيها اتونسنا لمن العشاء اذن صلينا و قعدنا و رجعنا تنونس و نذكر ناس بيتنا و نضحك و طفولتنا كمان و نعسنا و نمنا تاني يوم الصباح شربنا الشاي و مشينا للدكتوره و المره دي جلستها كانت اطول يعني حكايه بتاعت 4 ساعات و بعديها طلعت مرتاحه مشينا البيت و ارتحنا شويه و بعد العشاء كده مشينا ناس خالتي عشان الخطوبه كنت عايزه امشي من بدري بس غسان قال لي حيمسكونا ف محاضرات انتو عرسان و بتاع 😅😂💔 مشينا و اول م دخلنا لاقيت صباح و سحر ورنيم سلمت عليهم و سالتهم من امي مشيت ليها و حضتني وقعدت تبكي و بقت تسالني اذا مرتاحه او لا بقول ليها غسان د لو رجع الزمن ل ورا تاني ح ارجع اختارو تاااني لانو مااف زيو اتنين و اني مبسووووطه معاو 😻 حتي امي اطمنت مشيت منها لقيت صلاح و غسان و خالد واقفين سوا جريت حضنت صلاح قال لي يا بت انت كبرتي و بقيت مره جنك د م عايزه تخلي ضحكت معاو و سلمت ع خالد و باركت ليو ل اخوه بعد شويه غسان قالو ليو امشي غسل يدينك عشان العشاء جاء احمد و باركت ورد لي ب اخر نفس م اشتغلت بيو كتير بعد شويه صلاح قال ل خالد امشي اكل مع غسان خالد قال ليهو غسان م ضيف بياكل براو 😅 انا ورنيم ف نفس اللحظه بس غسان م بيعرف ياكل براو 😅 ضحكنا الاتنين سحر قالت ينعل ابو الحب زاتو 😂💔 قلت لي رنيم د راجلي تاني م عندك معاو شغله 😂💔 ضحكت وقالت لي لي بكره م تجي تشتكي لي اخوك عمل و اخوك سوا 😂💔 قلت ليها كان ف مشكله بنحلها سوا م تخافي 😂👊 صلاح قال لي يا نضال طاايب قومي اكلي معاو انت احنا كلنا اتعشينا 😊 مشيت اتعشيت معاو و اتونسنا مع ناس بيتنا  وخالتو غاده كمان كانت قاعده و مبسوطه لينا نحن الاتنين مشيت باركت ل ناس خالتي و ل سمهدر و خالتي سميره قالت لي والله ولدي الخسران يا بتي قلت ليها اي شي ف الدنيا قسمه ونصيب انا م زعلانه 😊 و طلعنا و م لاقيت ابوي و سالت منو صلاح قال لي ف المستشفى مشغول و انا طالعه لاقيت ابوي سلمت عليو بشويه جفاء و طلعنا و وصلنا البيت و انا هلكااانه غيرت ورقدت عايزه انوم جاني غسان قال لي يا نضال ليه اتاعملت كده مع ابوك 🙄 سكت م رديت عليو لانو اصلا م كان عندي رد قال لي حبيبتي مهما كاان د ابوك و عندو عليك حقوق قصه زواجو دي حاجه بتخصو و هو م قصر منكم لسع قاعد معاكم ف ما من حقك تقاطعي و بعدين يا نضال ابوك زول كبير و مسوؤل من نفسو و تصرفاتو ف م انت البتحاسبي و بعدين ابوك عرس بشرع الله و الشرع محلل ليو 4 ف هو م عمل شي عيب و لا حرام و بكره بعد الجلسه نمشي ليو و تطلبي منو السماح ف المستشفى و م ف البيت اتفقنا 🤔😕
#نتلاقى