صرخه_انثى

13

#صرخه_انثى 13
بقلم: سكره
وقفت قدامي عربيه كروزر مظلله نزل منها راجل واضح من صوتو هيبتو قال لي يا بتي انت نضال 😕 قلت ليهو ايوه انا نضال 😊 قال لي تعالي عايز اتكلم معاك يا بتي 😊 قلت ليهو اتفضل يا عمي 😊💜 قال تعالي معاي مكتب العميد مشيت معاهو قال لي انا ابو مؤيد جيت اشكرك يا بتي ال م قدرت اعملو ف سنتين يا بتي جيتي عملتي انت ف شهرين و الله لمن بقي مؤيد يصحيني عشان نلحق صلاه الصبح ف الجامعه انا م كنت بصدق انو د مد ولدي عينت زول يتاعبو عشان يعرفو مالو لقيتك انت السبب م عارف اقول ليك شنو يا بتي 😻 بس العملتي فيني ح ادعي ليك بيو ل يوم الدين 😻 قلت ليهو يا عمو انا م عملت حاجه ولدك كان كاسي للهدايه يعني الحاجه نابعه عندو من جوه و ربنا هو الهداه و انا كنت مجرد سبب 😊 قال لي يا بتي اطلب ااي طلب و انا روحي ليك سداده 😻 قلت ليهو عندي طلبين 😊 قال جدا وانا تحت امرك 😻 قلت ليهو الاول تخلي بالك من ولدك مؤيد و م تخلي يرجع للطريق داك تاني 😊 و تاني شي تعمل عمل خيري ل والدتو الله يرحمها يعني مثلا وقف مسجد مستشفى حسب مقدرتك و البتعملو خلي مؤيد مسوؤل منو عشان يحس نفسو بنجز حاجه ل امو و م يحس نفسو عاق 😊 قال لي طلباتك مجابه يا بتي و ربنا يقدرنا ع السداد😻 قلت ليهو ان شاء الله 😊 و مشيت خليتو عايزه ااجر لي امجاد عشان ارجع البيت لاقاني مؤيذ وقفني اداني مجموعه كتب كده هديه كنت بفتش ليها و م لقيتها لمن جابها لي فرحت فرح 😻 ناقشني فيها شويه كده و مشي هويدا و وئام كان واقفين مع بعض وئام قالت ليها عايني ليها عامله لي فيها منقبه و بتتكلم مع مؤيد بس 😏 سبحان الله شايفه علاقتهم ف التلاته شهور دي قوت و قال شنو بتناقشو ف امور دينيه دايما 😏 هوايدا قالت ليها دين شنو عليك الله 🙄 تلقيها ساكنه ف عربيتو سكنه قال دين قال 😏 و انا لمن طالعه ع بره حسيت شعري ارتخي اطريت ارجع المقصف و مشيت اصلحو لقيت امنه و هاله هناك بعد صلحتو وجيت جمبهم هاله ورتني روج اشترتو و عايزه تجربو و خايفه يطلع شاذ قامت لي نضو جربي لي شلتو منها و عملتو قالت لي لوونو رهييب فيك الا اخلي ليك 😻 قلت ليها والله الا تختي عندي ساي لمن مده صلاحيتو تنتهي  لانو م بستعملو 😊 ضحكت وشالتو مني جات وئام ماره ب جمينا قالت لي منقبه و بتعملي روج 😏 قلت ليها انت مش بتعملي 😊 قالت لي انا م منقبه 😏 قلت ليها يعني ربنا حيحاسبني براي مثلا لانك انت م منقبه م ختتحاسبي 😊 احنا ف النهايه دينا واحد و عقيدتنا واحده 😊 مشت خلتني وانا كلمت طريقي ركبت لي امجاد ل بيت ناس رنيم عشان كان خلاص عدتها انتهت 😻 قالت لي يا نضوو ضعفتي كده 😕😕 قلت ليها نطيط الجامعه و همها برااااو يجب ليك النفسيات 😥😢💔 قالت كان بودي اقول ليك هانت بس انت بتقري طب 😜 قلت اسكتي 😒 قالت يا نضو و بالنسبه ل موضوع احمد؟ 🤔 قلت ليها انا وكلت ربنا ف موضوع احمد و الفيو الخير بعملو ربنا 😊 قالت لي ونعم بالله يا زوله و كويس الوكلتي امورك لله قضيت معاها يوم حلو و رجعت البيت لقيت بدو ف التجهيزات 😻 خلاص العرس بعد 5 ايام 😻 والمفاجأه الحلوه لقيت عمو متوكل جاء و معاهو بتو كمان 😻 هي اكبر من سديم ب سنه 😻 حلللاتها كده اسمها يارا 😻 مشيت طوالي جريتو اوضتي و قغدنا نتونس  يااخ عمو متوكل د اكترررر واحد بحبو ف اعمامي لانو زول م سااهل 😻 سألتو من احوالو و كده و قعدنا نتونس مسافه طويله لمن جو ساقونا من بعض 😅و مرو الايام باقي الايام دي سريع و خلاص الليله كانت اولي حنه ل صلاح 😻 كان عندو حنتين و اليوم التالت حنه صباح و بنات بس 😻 من اول يوم بقي زحمه مشيت ل رنيم ف اول اليوم عشان عندي حاجات ف بيتهم وصلني عمو متوكل و انتظرني بره دخلت ل رنيم ف غرفتها شلت منها الحاجات و سمعت صوت بقول يا رنيم وين هدومي 🤔😕 لمن سمعت الصوت د لمن الحاجات وقعت من يدي ياهو زاتو نفس الصوت كان صوت غسان 😻 بعد شويه لاحظت ل نفسي و هو بقي ساكت مسافه بعد شويه قال لي مبروك خطوبتك يا نضال و بتمني ليك التوفيق 😊 قلت ف نفسي ابارك ليو خطوبتو هو كمان وطالما جاء ف اكيد جاي عشان يتمم عرسو و يرجع سمر معاهو 😏 قلت ليهو الله يبارك فيك و مبروك ليك كمان و ربنا يتمم ليك ع خير 😊 انا مالي كمان 😅 قولت ليهو مش انت خطبت سمر 😒 ضحك ضحكه ب صوت عاالي و قال منو القال ليك انا خطبت 😂😕 قولت ليهو انت مش كنت محتار بيني و بين سمر و بين وعدك لي و بين عمتك الربتك 🙄 قال لي يا بت انت بتجيبي الكلام د من وين 😂 اصلا انا م كان عندي علاقه مع سمر لا كانت و لا حتكون عشان سنر خلاص اتزوجت 😊 قلت ليهو سمر اتزوجت 😳🙀 قالي ايوه اتزوجت و واحد غريب حتى اسمو م عارفه لانو عقد ليها عمها م نحن 😅 اللحظه ديك راسي بقي كبيييييييير و حاسه حتي الدنيا دي كلها م شايله 🤯 شلت الحاجات و قلت ليهو عن اذنك هي بقي ماشي وراي و بقول انتظري اوصلك و رنيم ماشه معاك انتظري و انا من الصدمه م سامعه شي و وصلت عمو متوكل بره جاء غسان بعد شويه سلم عليو و اتعرف عليو وانتظرنا رنيم لمن طلعت جاهزه و جابت معاها سديم انا كنت راكبه قدام و مهاي سديم و رنيم ورا سديم قال ل رنيم يا ماما خالو م جاي 😕 قالت ليها يا سديم اسي خالو بعربيتو بس يلبس و بجي 😊 و يا ماما حبوبه وين 🤔 قالت ليها ف بيت ناس ماما نضال 😊 طايب الليله ليه بابا م جاء يشوفني😕 قلت ليها يمكن مشغول و بطلي غلبه يا سدوم 😻 وخلي ماما و اساليها بعدين 😻 قالت لي ماما نضال انت بايته معانا 😕 قلت ليها بايته معاكم يا سدومتي 😻 حضاني و قعدت تغني 😂💔 شرت بطونا بالضحك 😂💔 عمو متوكل قال ليها عارفه يا سكره انا عندي بنت امووره كده زيك 😻 قالت ليهو سنه كم 😕 قال ليها انت عمرك كم سنه؟  قالت ليو انا عمري 4 جنيهات 😻 عمو متوكل د ضحك لمن دمع هي زعلت وبقت تبكي 😂 قام شالها مني قال ليها خلاااص انا اسسسف و حقك علي انت زي يارا بتي بس يارا اكبر من ب جنيه كاااامل و اسي اوديك انا ب زاتي تتعرفي عليها 😻 قالت ليهو يعني حتكون صحبتي 😻 قال ليها ايوه حتكون صحبتك و شديد 😻 قعدنا نضحك فيهم انا ورنيم لحد م وصلنا و نزلنا و سديم لسع ماسكه ف عمو متوكل جات رنيم تشيلها قال ليها خليها اساسا ونستنا م خلصت جات يارا جاريه من جوه عمو نزل سديم ف الارض و قعد تحت معاهم و مسكهم الاتنين قال ل يارا دي صديقتي الجديده واسمها سديم 😻 وقال ل سديم دي بتي و اسمها يارا 😻 و مد ليهم ايدهم و خلاهم يسلمو ع بعض 😻 و شالهم الاتنين و بقي يتونس معاهم و دخل جوه و دخلنا كمان انا و رنيم لقيت البيت ملان شديد اولا خالاتي و بنات خالاتي وخيلاني و اولادهم و اعمامي و عماتهم و بناتهم و الجيران واللمه 😻 و اصحاب صلاح و جووطه كده انا م بحب الاجواء الجايطه دي بصراحه دخلت لقيت صلاح بحننو فيهو 😻 سحر اتصلت لي قالت لي الا اصور ليها صلاح 😂💔 بعد تحانيس و عروض حتي وافقت و صورتو ليها و انا رنيم ورا بنتونس مع بعض م مركزين مع الحفله شديد كده بعد شويه اسمع بنات جيرانا يتهامسو ويتلامزو زي الجاء زول 😅  رنيم قالت شوفي البنات قامن يتخاففن كيف لمن شافن اخوي 😉 قلت الضجه دي كلها عشان سي غسان 😒🙄 قالت لي عيبي لي سي غسان د قلت ليها خشمي عندي 🤐 و كملنا ونستنا عادي لكن رنيم كل شويه تشوف سديم و تجي 😂💔 غسان لمن قعد جمب صلاح و بقو يتونسو  قال ليهو بالمناسبه مبروك ل نضال الجامعه وان شاء الله ربنا يوفقها و كويس دخلت رغبتها لانها تعبت 😅 قال ليهو اي والله تعبت و تعبتنا معاها 😂💔 قال ليهو غسان بس شغلها ف المنظمه الناس استفادت منو و لحد اسي بدعو ليها 😻 صلاح قال ليهو و علي نياتكم ترزقون و انا اختي؟ اارف نيتها و كمان عارفها تستاهل كل خير 😻 بالمناسبه يا ابو الشباب عمي متوكل الجاب نضال بيتكم 😅قال ليهو غسان مالو🤔 صلاح قال ليهو والله زول مرتب زياده عن اللزوم ف يومين العرس دي خليهو لي ف بيتكم لمن الله يحلها 😁 قال ليهو كان م شالت الارض تشيلو روسينا 😻 احمد جاء جمب صلاح و قال مبروك يا ابو النسب و عقبالنا كده 😻 صلاح قال ليهو الله يبارك في يااخ لكن عقبالكم دي لسع بدري 😂😂💔 احمد قال ليهو ادعي بس اختك دي راسها يلين حبه 😪 صلاح قال ليهو لو هي راسها لان ابوي البلين راسو شنو 😂🤭 احمد قال ليو ادعي لي بس يا ابو الشباب 😂💔 غسان قام سأل غسان قال ليهو مشكله ابوك مع خطيب اختك شنو 🤔 قال ليهو يا سيدي ابوي م شايف تناسب بينهم بالذات انو احمد زول شكاك و بتاع امور و نضال دي عشان منقبه اذا شك فيها تبقي عليها اكتر من غيرها استلمت؟  غسان قال ليو ايوه استلمت 😅 والله يكون ف العون ويصلح الحال يا رب 💜 الحفله خلاص بدت تخلص امي جاتني قالت لي امشي بيتي مع ناس رنيم لانو هنا محل تختي رجلك م حتلقي و عمك متوكل بايت معاك و من الواطه تصبح تعالي علي اصلا ماف شغل كتير لانو دي يادوب الحنه و خالتك غاده بايته هنا م مفروض تخلي رنيم براها قلتزليها طاايب حاضر مشيت ل رنيم قالت عمك بايت معانا عشان كده حيوصلنا اسي و يرجع يجيب حاجاتو و بجي مع غسان اتصلت ليهو جانا يارا كانت نايمه و لاني انا كنت شايله شنطه شالتها رنيم و سديم المجنونه كانت صاحيه بتتونس مع عمو متوكل و مبسوطه معاو شديد 😻 اما انا كنت هلكانه مشيت ركبت ورا و ختيت الشنط و رقدت رنيم ركبت قدام و شايله يارا و عمو جا وركب و شايل سديم ف رجولو و هو سايق لمن دور العربيه قال ليها سدووم انت م نعستي 🤔 رنيم قالت ليهو عذبتك معليش 😅 قال ليها لا لا عفوا انت فهتيني غلط عشان زي الوقت دي بتكون محتاجه نوم و بكره حتتعب 😅 رنيم قالت ليهو نامت نومه طووييله بالنهار قال ليها يلا كده م صح د بعمل ليها ارق قالت م دايما بتعمل كده 😊 بالمناسبه انت درست شنو 🤔 قال ليها انا طبيب جراح 😊 وانت 🤔😕 قالت ليو انا درست صيدله  جامعه الخرطوم و وقفت 😅 قال ليها لييه طاايب ؟  قالت ليو كانت رغبه الوالد اني اتزوج و اتزوجت و اسي عندي سديم 😻 قال ليها كويس حلو 😊 قالت ليو بس يارا امها وين 🤔 اذا م كنت بدخل ف خصوصياتك 😅 قال ليها ابدا انا و ساره منفصيلن و هي متزوجه و عايشه ف لبنان وانا ف لندن 😊 قالت ليهو و متفاهمين بعد الطلاق؟ قال ليها ماف تفاهم بيني و بينها بس بتتكلم مع بتها وانا بخاول احسس بتي انا م فاقده حاجه حتي  لو كانت امها 😊 بعد شويه عمو رجع يتونس مع سديم لمن وصلنا و احنا داخلين لاقانا محمد طليق رنيم واقف جمب الباب واول منزلو سديم قالت بابا وجرت حضنتو 😻 رنيم دي وشها جاب الوان لمن شافتو و زهجت زهج و هو زاتو بحمر ليها انا صحيت شلت يارا من رنيم و سقت سديم و دخلنا جوه محمد قال ليها الله الله م صدقت خلصت العده بتاعتك لمن بقيتي تتصرمحي مع الرجال كمان 😡 قالت ليهو اول حاجه احترم نفسك و بعدين براك قلتها عدتي وانتهت تاني ف شنو اتعولق ليو و بعدين انت م عندك عندي شي اعمل الداير اعملو انت مااالك 😒 قال ليها م هو صرمحتك دي بتي عايشاها معاك و لازم اخت حد للمهزله دي 😡 قالت ليهو بالله 😂😂💔 وبعدين البت ال انت بتقول عليها بتك دي ليك تلاته اسابيع م سالت منها و هي اساسا متعوده ع غيابك ف الموضوع عادي 😊 و بعدين انت نافش ريشك مالك مرتك جاتنا لحد عندنا وقالت انو انت قلت م عندك اولاد غير الهي حامل بيهم 😂👊 يعني شنو م عندك حاجه عندنا 😊 قال ليها كذابه مريم مستحيل تقول كده او تجيك زاتو قالت ليو بطريقتك تصدق او لا بس قالت الكلام بدون مراعاه لانو بتك عندها كم سنه وبتفهم الكلام و لا 😊 ف م تجي تحاسبني تمام انت عايز تشوف بتك تتصل تلفون و تجي تسوقها معاك انا مشاكل م عايزه 😊 قال ليها عارفه الحمدلله اني طلقتك قبل م اتورط معاك اكتر عشان بالجد ظهرتي ع حقيقتك 😏 ومشي خلاها واول م ما مشي هي بقت تبكي و تتحرق المسكينه عمو كان بتكلم معاها بس هي م جايبه خبر قمت جيت سقتها و دخلتها الحمام و سديم كانت لسع صاحيه عمو ناداها عشان تنوم معاو و جات رقدت ف حضنو و كانو بتونسو ونسه طويييله و رنيم لمن راقت كانت خاشه عشان تجيب سديم سمعتهم بتونسو سديم قالت ل عمو انت يا عمو ليه بابا م بحبني؟😢💔 قال ليها وانت منو القال ليك بابا م بحبك 😳😕 قالت ليهو خالتو مريم جاتنا ف البيت و قال ل ماما كده خالتو مريم دي شريره انا بحبها 😤💔 قال يا سدوووم عييب تقولي كده عن زول كبير بابا بحبك بس خالتو مريم كانت زعلانه من ماما شويه ف قامت قالت ليها الكلام د بس عي كانت م قاصده تقول كده يعني مثلا انت لمن ماما تزعل منك مش بتقول ليك كلام م حلو بس م من قلبها و بتجي تعتذر صح؟  قالت ليهو صح ايوه 😞💔 قال ليها بس نفس القصه و بطلي كلام كتير انت م نعستي قالت ليو انا ماما بتحكي لي حكايه قبل النوم بس بابا م كان بحكي كان بقول لي انا حافظ لي حكايه 😢💔 قال ليها يا سدووم انا حااافظ كتيير و اسي بحكي ليك 😍 قالت ليهو انا ليه م عندي بابا زيك 😢 قال ليها قولي لي بابا عاادي و انت زي يارا بتي 😻 قالت ليعو بالجد 😻 يعني اسي يارا م حتزعل 😕 قال ليها يارا م بتزعل من زول 😊 قالت ليو خلاص بقول ليك بابا و يلا احكي لي الحكايه 😻 رنيم كانت سامعاهم و عيونها مدمعه بالحد لانها حست لاول انها مقصره ب حق بتها و انها محتاجه اب زي م محتاجه ام 😪💔عمو بقي يحكي ل سديم الحكايه لمن نامو الاتنين والصباح عمو صحي م لقى سديم جمبو قام اتخلع وبقي يكورك يا سديم يا سديم 🤯😟😧
#نتلاقى