صرخه_انثى

7

#صرخه_انثى 7
بقلم:سكره
مشيت معاو المستشفى و الطريق كلو انا ادعي اول م وصلت المستشفى وسالت منها مشيت سريع حتي م انتظرت ابوي و مشيت لقيت رنيم عيونها مورمه من البكاء و اول م وقفت جمبها داخت وقعت و ودوها الطوارئ 😪💔 صحت بس لسع بتبكي و حالتها بالجد تقطع القلب و بعد شويه تلفونها د كان غسان و فتحت الخط بس م قادره تتكلم معاو من البكاء ادتني التلفون م عارفه عملتها بس اتكلمت معاو قلت ليهو غسان 😪 قال لي نضال عليك الله سديم كويسه حاصل ليها شي احكي لي م تدسي عني هو كويسه 😳😢💔 يا حليلو واضح من صوتو انو ببكي يااخ د اول مره قلبي يوجعني كده قال سمر قالت انها تعبت جد مالها عليك الله يا نضال م تكذبي علي قلت ليهو غسااان اهدا انا لحد اسي م شفتها اديني فرصه اشوفها واجي اطمنك عليها 😊 قال لي عليك الله م تتاخري انا قلبي مقبووض عليها 😢💔 قولت ليها حااضر بس اهدا و اختك وامك محتاجين حد يسندهم اهدا شويه م كده قال طمنيني عليها انا عارفك م حتكذبي علي مشيت ع الدكتوره بتاعت الاطفال سالتها قالت هي غرقانه بس و جاها اللتهاب رئوي و مرقدنها ف العنايه عشان سلامتها بس م عندها شي لانها المويه م ضررت الرئيه شديد و خاتنها ف العنايه لانها طفله و لسع عندها 3 سنوات بس ماف شي بخوف يادوب كده انا ارتحت شويه و شلت نفسي و بعد شويه غسان اتصل صوت برجف قالي نضال مالها 😢💔 قولت ليو عندها االلتهاب رئوي و مرقدنها ف العنايه المركزه هي كويسه المويه م ضررت الرئيه بس خاتنها ف العنايه عشان سلامتها 😊 قال نضال انا بثق فيك عليك انت جاده 😕 قولت والله د الكلام د القالتو لي الدكتوره اسي اديك تتكلم معاها 😕 قال لي لا انا قلت ليك انا بثق فيك جات سمر جمبي قالت ممكن اتكلم مع خطيبي 😒 قلت هاك اتفضلي 🙄 اديتها التلفون و مشين ل رنيم لقيت مدنها مهدئ و نايمه قعدت جمبها بليل جاني ابوي قال اها نرجع قلت لا انا ح ابيت هنا مع رنيم و خالتو غاده 😊 قال لي علي راحتك و صلاح بايت كان احتجت حاجه كلمي 😊 قولت ليو حاضر 😻  ومشي لقيت رنيم قاعده جمب الغرفه بتاعت العنايه قالت لي حتبقي كويسه صح 😕😢💔 قولت ليها ايوه حتبقي احسن من اااي وقت كمان 😊😻 قولت ليها رنوم عارفه د م وقتو بس هي وصلت الحاله دي كيف 😕 قالت سمر قالت دايره تحميها ختتها ف البانيو و كانت بتتكلم التلفون و نستها اتخيلي 😡 قلت ليها طولي بالك 😊 و بعد مسافه انا نعست مشيت مكتب ابوي اصلا فيو صلاح نمت و م حسيت ع نفسي صحيت مخلوعه و ف بالي سديم مسكت تلفوني لقيت 17 مكالمه من رقم عالمي عرفت انو د غسان بس قمت سريع اتوضيت و صليت و مشيت ع ناس رنيم عشان اصبح عليهن و مشيت لقيت رنيم احسن من امبارح و خالتو غاده هي صح شكلها متجرسه بس بتحاول تكون ثابته قلت ليهم اها الخبر عن سديم شنو قالت لي رنيم بعد شويه حينقلوها غرفه عاديه و حيخلونا نشوفها بعد ساعتين 😪💔 قالت معناها اتحسنت الحمدلله 😻💜 خالتو غاده قالت والله م حارتاح كان م شفتها ب عيوني 😢😅💔 قلت ليهم والله حتشوفها و بكره تطلع من المستشفى و ترجع تمشي الروضه 😻 وامشي جهزي حق حاجات سندوتش الروضه من اسي 😌 خالتو غاده قالت التطلع اي شي دايرنو بنجيبو ليها قمت عاينت ل رنيم قلت ليها احنا انا وسديم عايزين بيبي 😎 رنيم قعدت تضحك و طلعت من الجو شويه بعد مسافه و احنا بنتونس تحت جمب واحده ست شاي نشرب من عندها شاي☕ تلفوني ضرب لقيت د غسان قمت اديت التلفون ل رنيم قلت ليها د غسان😊 شالت التلفون قاليها نضال بتصل عليك من الصباح م بتردي مالك ناس البيت مالهم و سديم مالها 😳😡 رنيم قالت هو انت لازم تهدا عشان الزول يعرف يتفاهم معاك 😅 قال ليها رنيم 🙀😅 قالت ايوه اختك النسيتها 😏😎 قاليها نسيتها شنو هي تسال روحها جادعه تلفونها وين 😏 قالت ليهو ااي والله انا تلفوني محلو م عارفاهو عااد الخلعه كعبه يا اخوي 😢😪💔 قاليها سديم كيف 😻 قالت ليو كويسه اسي نقولها غرفه عاديه و بنشوفها بعد ساعتين 😻 قال ليها بوووسيها لي 😻 والله خفت عليها خوف اكتر منك 😪💔 رنيم قالت ليهو هي م بتك 😅 ماف جوطه جمبك م مشيتك الدوام ولا شنو 🙀 قاليها لا م مشيت يومي كلو كان حيكون مدبرس عشان كده 😅✋كدي اديني امي اتكلم معاها 😻 قالت ليهو هاك ليها لمن مدت ليها التلفون انا مشيت اشوف صلاح و الدكتوره بتاعت سديم و انا ماشه لقيت سمر داخله مكتب ابوي استغربت لانو شنو البوديها مكتب ابوي ولانو كمان زي المواعيد دي ابوي بكون قاعد ف مكتبو بس قلت احتمال عندها استشاره او كده ل ابوي مشيت ل دكتوره سديم ادتني الوصفه الطبيه و كمان النظام الغذائي بتاع سديم و مشيت ل ابوي حسيتو مهموم كده بس م حبيت اسالو لانو عارفه لمن تواجهو مشكله بجي يحكي لينا ياخد راينا فيها جبت ليو الروشته و قولت ليهو عايزه الادويه دي رسل طوالي جاب الادويه و مشيت ل ناس رنيم تحت وريتهم الادويه و النظام الغذائي بتاع سديم قالو لي ليه و عملو زعلانين بس م اشتغلت بيهم لانو سلفا اشتريت الادويه 😅 طلعنا ل سديم انتظرنا شويه و دخلونا ليها 😻 لمن شفت ف يدها الفراشه و عيونها وااقعه قلبي وجعني عليها شديد 😢💔💔 بس عشان رنيم و خالتو غاده معاي حاولت اعمل اني قويه و جيت قلت ليها سدوومتي يا بتي كده معقوول تخوفيني عليك كده 😱😰 ابتسمت لي بس و ظاهر انو غالبها الكلام بعد شويه قالت لي برااحه يا ماما نضال عايزه انوم 😴 لمن قالت ماما نضال انا خلاص دموعي رقرقو بس مسكتهم بالقوه عشان م اظهر ضعفي قدامها قالت ليها خلاص نومي 😻قالت لي نومي  معاي قلت ليهاا حااضر 😻 رقدتها ف حضني و نمنا نحن الاتنين لاني كمان كنت مرهقه جات رنيم لقتنا نايمين ابتسمت و صورتنا صوره للذكري و طلعت ل خالتو غاده قالت ليها يا حليلها نامت من التعب مع سديم خالتو غاده قالت ليها يا بتي عاد البت دي كان عملنا شنو و شنو م حنقدر نجازيها ع البتعملو معانا 😪 رنيم قالت ليها و الله يا امي غسان ميييت ب دربها مووت والله لمن اقول ليهو نضال جاتنا ولا مشينا ليها لحد اخر المكالمه نضال نضال نضال والله اخطبيها ليهو و ريحي قلبو 😻 خالتو غاده قالت ليها كدي خلي يجي راجع و انا بعمل ليهم العقدد عدييييل م بس اتكلم و اخطبها ليهو رنيم قالت ليها احللفي 😻 يااخ والله احلي حاجه نضال تبقي مره اخوي 😻 خالتو غاده قالت كدي ربنا يسهل بس و هو يجي بالسلامه و بعداك الله كريم 😪💔 مر الوقت و انا م صحيت الا لمن سديم كانت عايزه تنزل من الحمام قمت ع حيلي قلت ليها مالك يا سديم قالت ماما نضال انا عايزه امشي الحمام 😢💔 قلت ليها ارح انا بوديك دخلتها الحمام رنيم جات داخله و لمن لقتنا شكلها خاافت قامت قالت بخلعه يا نضااال 😰😢 قلت يا رنيم نحن ف الحمام 😅 قالت لي خفت لمن م لقيتكم طلعنا و انا و سديم من الحمام و جات الدكتوره عشان تفحصها و معاها صلاح لانو خلاص عايزين ناخدها البيت ياادوب ف اللحظه ديك سمر جات خاشه قالت بقيتو كيف 😊 رنيم ردت ليها ب اخر نفس قبل شويه بس كنا كويسين واسي لا 😒 خالتو غاده قالت ليها سمر بتي اتفضلي 😊 وهو تشيل و تعتذر و ورنيم د خلااص حسيتها حتقوم تضربها مشيت  وقفت جمبها عشان اهديها اذا نفسنت بقينا واقفين بعد شويه الدكتوره قالت تقدرو تاخدوها البيت لانها اتحسنت الحمدلله بس تابعو ليها ف النظام الغذائي عشان تتحسن اسرع قلت ليها تمام يا دكتوره لمن جينا طالعين كان موصلنا صلاح قلت ليهو انا ح اقعد لمن يجو ناس ابعدين و برجع معاهم 😊 قال لي ع راحتك جيت داخله بعد قدمت صلاح رنيم قالت م مشيتي ليه 😳 قولت ليها يعني اتصل علي صلاح يرجع 😅 قالت د م قصدي و بعدين انت مش شغاله مدرسه الليله قلت ليها اخدت اجازه عشان خاطر سدومتي 😻💜 و لمن ناس امي يجو بعدين حتي ارجع معاهم قالت تمام مشيت ل سديم ف الاوضه لقيت معاها سمر 😒 بتحاول تاكلها و سديم م عايزه لمن دخلت قالت لي ماما نضال تعالي اكليني 😻 قلت ليها عاامله شغب عشان كده بس 😻 حاااضر من عيوني الاتنين كان م اكلتك انت ااكل منو قلت ل سمر عن اذنك 😊 قالت اتفضلي 😒 و طلعت اكلت سديم و اديتها ادويتها و نامت و طلعت ل ناس رنيم بره و لقيت رنيم بت خالتهم جات قالت وانا اقوول النوور د جا من ويين تااريك هنا ضحكت قلت يا بكااشه قالت جيت احمدل السلامه ل سدومتنا و اعزمك انت خطوبتي يوم الجمعه الجايه 😻 قلت ليها بالجد الف مبروووك وربنا يسعدك يا رب 😻 فرحت لييك ياااخ 😻 قعدنا نتونس كده مساافه جات داخله سمر قالت ليها مبروك الخطوبه يا رنيم 😏 قالت الله يبارك فيك عقبالك 😊عاينت لي مساافه و قلت امييين قربت 😏 انا استغربت من نظرتها بس م ركزت معاها كتير قلت يمكن فاكره اني بحب غسان او خاته عيني عليو 😒 م اشتغلت بيها كتير و مشيت لقيت سديم نايمه كنت راقده جمبها امي دقت لي قالت عندنا قريبنا كده من بعيد مات م حنقدر نجي قالت ابيت معاهم والصباح بجو علي قلت ليها تمام ح انتظرك 😊 نزلت تحت لقيت خالتو غاده و رنيم قلت ليهم من حظكم الحلو باايته معاكم لانو ناس امي طلع ليهم بكاء يااخ رنيم دي طاارن فيني و حضنتني قلت ليها كدي اطلع اشوف سديم و انا ماشه عليها جيت ماره ب اوضه سمر سمعتها بتقول يااخ م تكلم نضاال خليها ليها مفاجاه خليها تتفاجي ب اننا اتزوجنا بس 😻 مشيت بدون م اسمع باقي كلامها لانو م بهمني اصلا قلت يمكن عايز يكلمني لانو قبل كده قال لي انتظريني اتغظت شديد و قلت اقلل ليهو الدرب رسلت لي غسان رساله قلت ليهو عاين لا نتنظرني لا انتظرك انا بعفيك من وعدك و شوف حياتك و انا كمان  شايفه حياتي 😊 و حظرت رقمو ع كده مشيت ل سديم لقيت بتتكلم بالتلفون افتكرتها بتتكلم مع ابوها قلت سدووم شربت العصير اشرت ب راسها بمعني اي جيت قعدت جمبها شغلت الاسبيكر و مشت ع الحمام انا م انتبهت انو الاسبيكر شغال قلت امشي براحه قام بعد شويه جاني صوت غسان قال لي يا نضال حااضر ح اشوف حياتي و اخليك تشوفي حياتك بس اتاكدتي اني حبيتك بالجد و م حصل كذبت عليك قفلت الخط ف وشو قبل يكمل كلامو عشان عرفت انو واحد كذاب يعني انا من جهه و سمر من جهه سكت و خليت الموضوع عاادي و م بينت اني مضايقه من القصه جاتني سديم قالت لي ماما نضال قلت نعم قالت انا دايره اصلي العصر م صليتو قلت انا زااتي م صليت 😊 صلينا عاادي و عده باقي اليوم عادي و اصبح الجمعه م حصلت فيو حاجه بالعصر كده ناس امي جو و سلمو ع رنيم و خالتو غاده و سديم و طلعنا مشينا و انا بس شفت السرير و رقدت نمت 😴 و مرن الايام عاادي بس ضغطت المدرسه زادت ل درجه انو سديم هي البقت تجيني ف البيت انا م بمشي ليها و جات الامتحانات و التعب و جاء منها الساهل و الصعب بس ف النهايه عدت الحمدلله و تاني يوم من خلصت اتصلت لي رنيم قالت يا نضاال اللحقينا تعالي قوااام 😱😰😢💔
#نتلاقى