صرخه_انثى

8

#صرخه_انثى 8
بقلم:سكره
و تاني يوم من خلصت اتصلت لي رنيم قالت يا نضاال اللحقينا تعالي قوااام 😱😰😢💔 انا بقيت مخلوعه و حاولت ارجع ليها م ردت لي قلت خلاص سديم راحت فيها 😭💔 مشيت جري ع اقرب مواصلات و قلت ل امي ماشه ماس رنيم و جايه امي بقت تنادي وانا ف عاالم تااني و مشيت بقيت بدق ف باب البيت بره بطريقه جنونيه فتحت لي الشغاله و لا سلمت عليها زي عوايدي بس جريت جري ع اوضه سديم و رنيم لقيت رنيم قاعده تشرب ف العصير ب مزااااج 😒 ياااخ انا لمن شفتها خلاص حيلي برد نهااائي و قعدت ف اقرب كرسي و بقيت بستغفر بس و ماسكه راسي خالتو غاده جاتني مهجومه قالت مالك و انا جسمي برجف 😰 حتي م قادره ترد عليها 😪💔 جابت لي المويه و غلبني اشربها حتي من الرجفه خالتو غاده مخلوووعه قالت لي ماالك يا بتي 😱 رنيم د خلاص شبه ساحت لمن لقتني كده بعد شويه م حسيت ب نفسي رفعوني خالتو غاده و الشغاله ف السرير و رنيم اتصلت ع غسان و هي بتبكي غسان اتخلع قال ليها رنيم مالك امي مالها كويسه و لا سديم وديتوها المستشفى تااني ف شنو يا رنيم حكت ليهو الحصل معاي قالت بالغتي لكن يا رنيم البت عندها مبادئ ضغط اسي بتكون تعبت شديد بتلقي دواء ف شنطتها اسمو.....  خليها تبلعو رنيم لقت الدواء و ادتني ليو و انا كنت نعسانه بس كنت عايزه انوم خالتو غاده قالت ليها بالغتي لكن يا رنيم 😡 قالت ليها ليها والله يا امي م كنت عارفه حاجه زي دي والله😥😢💔 راقو شويه بعد نص ساعه انا صحيت قلت ليهم عايزه امشي البيت 😊 رنيم اتفقعت بالبكاء قالت والله ي نضال اعفي م قصدي جيت جمبها و مسحت ليها دموعها قلت ليها انا م زعلانه 😊 بس الهظار د م بنفع معاي 😅 ولازم ارجع بيتنا لانو امي حتقلق علي و بعدين انا برتاح عندها اكتر 😊 م تخاافي انا اصلا م زعلت 😊 قالت نضال بالجد انا اسفه و حياه سديم عندي انا م كنت قاصده 😢💔 بستها ف راسها و قلت ليها يا رنيم اقسم بالله انا م زعلانه 😻 افردي وشك د ياااخ اسي سدووم لو شافتك تقول شنو ماما البكايه 😂 ضحكت و مسحت دموعها و قالت لي م عرفتي انا جبتك هنا ل شنو 😅 قلت ليها عااد الخلعه الدخلتيها فيني م دخلها فيني زولك قبلك ونستني زااتو انا عايزه اسمع شنو ولا اسال عن شنو 😅😂 ضحكنا الاتنين سوا قالت لي انت ليه تلاته شهور ناايمه ف العسل 🙊 انت عارفه اني مشيت قضيت شهرين و نص مع وائل اللي هو راجل رنيم قولت ليها اي بتذكر قالت اسي خلاص سديم حيجي ليها اخ 🙈 قولت ليهااا احللللفي 😻 اللحظه ديك نسيت مرضي وتعبي واي شي فيني 😅 قالت و وائل حيحضر ولاده البيبي و حيقعد معانا هنا 😻 قلت ليها بالجد 😻 حلووو ان شاء الله يوصل بالسلامه البيبي وابوه 😻 قالت لي اميين 😻 عقبالك 😏 لوهله اتذكرت غسان م عارفه لييه بس طردت الافكار من راسي و قلت ليها امين 😊 اتونست معاهم و بعديها ودوني بيتنا و حكيت ل امي الحصل طبعن م حكيت ليها اني تعبت عشان م تعمل لي موضوع 😅 انبسطت شديد ل رنيم المساء اتكلمت معاها و سالتها هي ف الشهر الكم😻 قالت ليهو شهر ونص 😻 من اسي بقينا ننقي اسماء البيبي ل رنيم شفقانين شديد ياااخ 😅😂💔 نمت و صحيت الصباح عاادي و عملت شاي بلبن وكنت مبسووطه شديد 💜 بخبر رنيم مشيت لقيت ابوي لسع م طلع السغل وباين عليو مهموم 😟 جيتو قلت ابوي حبيب قلبي 😻 قال عايزه شنو 😒 قولت يخس عليك يا ابوي  الا اكون دايره حاجه حتي ادلع 😕😢💔 قال نضووو انا عارفك د انتي تربيتي 😏 قعدت جمبو ف السرير قولت ليهو اها احكي انا سامعاك 😊 قال لي احكي شنو 🤔🙄 قولت ليهو ليك كم حالك مشقلب و م عاجبني حالك😒 قال يا بتي ماف حااجه دي هموم الشغل 😅 قولت ليهو كذاب🤥 با ابوي يا ابن بطني 🌚 ضحك لمن دمع قال لي ابوي و ابن بطني كمان 😂😂💔 قولت بركه الاخيرا شوفت الضحكه البترد الروووح 😻 اها خلينا جادين مالك 😒 قال لي يا نضاال يا بتي بس كان نفسي يكون عندك اخوان اصغر منك بس 😅 قولت ليها يا ابوي يا سيد الكل دي ارداه ربنا اكون عندك تلاته بس وان شاء الله يا ابوي بكره نجيب ليك عيااال كتاااار 😻💜 ضحك تاني لمن دمع قال لي انت م عايزه تقري يعني 🐸 قولت يا ابوي بقرا و بعرس مالو 🌚 قال لي الله يهديك يا بتي قولت ليهو اميين 😻💜 و يوم ورا يوم والايام بتجري و اليوم كان النتيجه كنت متوتره شديد جاتني رساله من رقم عالمي كاتب لي فيها م توتري م حتذخلي نفسك ولا امك ولا ابوك اهدي و م تتوتري و البجي من ربنا كلو كوويس واحمدي ربنا عليو و اتوكلي ع ربنا لانو من يتوكل ع الله ف هو حسبه بعد قريت الرساله حسيت ب اطمئنان عجييب 😻 عرفت انها من غسان بس بالجد بسطتني شديد مع انو مفروض ازعل بس ارتحت م عارفه لييه 💜 بعد شويه المؤتمر بدأ وانتهي كمان و انا م اتزعت البيت كلو كان متوقع اني ازعل او ابكي بس انا فاجأتهم باني كويسه شديد و عااديه جدا ومنتظره نتيجتي 😻 ومطمئنه خاالص 😻 يمكن د اثر رساله غسان 😅 بعد شويه جات الرساله ل صلاح و جبت 93 😅 وامي زغرتت وب اعلي صوت و بدو يباركو لي 😻 و كنت مبسوطه و رايقه شديد بعد مسافه جات رنيم و باركت لي و زغرتت هي كمان و خالتو غاده وابوي جاب لي الخروف عشان الكرامه 😻 و كان ف جو حلو طول اليوم و كنت عاديه و مبسوطه جو خالاتي و بناتهم كمان جو معاهم اولادهم و باركو لي من بعيد قمت حسيت انو سمهدر سلمت علي سلام باايخ 😕 بس م اشتغلت بالموضوع كتير يمكن ف حاجه شاغله بالها🙄🤷‍♀ قعدنا نتونس و نهظر وانا بالي بس مع سمهدر مالها 😕 لانها م معانا خالص و حسيت زي الكانها جايه مجبروه 🤔🤨 بعد شويه قلت ليها سمهدر قالت نعم 😒 بدون نفس قلت ليها كيف مع الجامعه 😅 قالت كويسه م عليها العوجه 😏 رنيم قاعده جمبي براحه قالت لي ف اضاني عايزه لي جبنه و زيتون ااااسي دي 😣 قلت ليها حااضر 💜 وانا ماشه ع المطبخ سمعت خالتو سميره بتقول ل امي طالما انك واقفتي ع خالد ل صباح وافقي كمان ع انو احمد ياخد نضال الود روووحو و نفسو  نضااال 😻 انا اتخلعت بس عملت نفسي م سمعت اااي حااااجه دخلت المطبخ بعد م بدو ليهم موضوع تاني عشان م يشكو اني سمعتهم 😅 امي قالت ليك مالك عايزه شنو يا نضال 😕 قلت ليها يا امي تايزه جبنه و زيتون ل رنيم 😅 ادتني جبنه و زيتون ف صحن و انا طالعه احمد د جا داخل يلا احمد ود خالتي د اساسا قاري طب و اتخرج قبل كم شهر و انا من زمان من كنت شافعه بحبو شديد و بريدو شدييد بحسو اكتر واحد فاهم ف اولاد خالاتي يعني كان اعجاب و حب من طرف واحد كان اول قصه ف حياتي لكن هو سافر يلا قرا بره عشان كده افتكرت انو اعجابي بيهو انتهي بس الصراحه لمن جا المطبخ و سمعت صوتو حسيت الحاجات الزمان رجعت تااني بعد شفتو و كنت مفتكره نفسي اني نسيت 😪💔 قال لي نضال سلام عليكم 😊 قلت ايهو وعليكم السلام 😊 قال مبرووك النتيجه وانبسطت ليك بااالجد وانبسطت ب فكره النقاب العملتيها و بتمني ربنا يثبتك و بوقفك ف حياتك الجامعيه كمان 😊 قولت ليهو ان شاء الله 😊 قال لي اهااا ناويه تقري شنو 😻 قولت ليهو طب بشري ان شاء الله 💜 قاال مووفقه و انا الفتره دي قاااعد هناا وبجي كل فتره و فتره بساعدك 😊 قولت ليهو شكرا 😊 قال لي اها هتقدمي وين 😕 قولت ليهو م ح اطلع من الخرطوم ان شاء الله 😊 💜 قال لي موفقه يا رب 💜 وان شاء الله للتقديم بجي معاك عشان اشوف الجامعات الكويسه الممكن تقدمي فيها 😊💜 قولت ليهو شكرا 💜 قال لي ولو 😻 خالد اللحظه دي جا داخل المطبخ قال ل امو والله يا امي مفروض نضبح خروف 🐑 تاني لانو نضال اخييرا اتكلمت مع واحد من اولاد خالاتها بغير السلام🐸 طبعا خالد ولد خالتي واخو احمد الكبير قرا هندسه معمار و شغاال ف دبي و بحب صباح من زماان و شديد و مع انو حبو ليها كااان واااضح شديد بس هي كانت زي العمياء و هو رفض يصارحها الا لما يتمكن و يقدر يعرسها و يقولها بالحلال😻 لمن اشتغل واستقر و كون نفسو جاء اتكلم مع امي وامي شكلها وافقت موافقه مبدئيه كده نظام يعني الراي راي البت و صباح بتتغلي و قالت عايزه تفكر 😏 وانا عارفاها اصلا موافقه بس بتعزز 🙊🙈بعدين كلهم ضحكو و انا خجلت مشيت الاوضه واديت الصحن ل رنيم وانا ف عالم تااااني 😻 رنيم بعد شويه لكزتني قالت لي بالك وين 😕 قلت ليها بحكي ليك بعدين 😻 سمهدر جات قعدت جمبي وقالت لي مبروك ل صباح 😏 بدون نفس قلت ليها الله يبارك فيك و عقبالك كمان 😊 قالت. تعالي معاي الاوضه التانيه عايزاك ف كلام 😒 قلت ليها جدا و طلعت معاها قالت سمعت انو احمد ود خالتي عايزك 😏 قلت بس انا م سمعت 😊 قالت لي خلاصه القول يا نضال احمد ولا زولك و لا شبهك د زول متحرر شديد و تفكيرو متحرر و بعدين بعد العرس حيقعد يقول ليك نقاب شنو وفكي وانت عارف الزول لما يعيش وسط ناس 40 يوم ببقي منهم ف ما بالك ب زول عايش ف بلد اجنبي 8 سنين انا عايتو حبيت احذرك و اعمل العلي والباقي عليك وعلي ربنا 😊 و بعدين احمد د انا كنت بتكلم معاو و صحبي شديد و عندو صحبات كتاااار و كل شهرين بغيير حبيبتو 😏 د غير البارات و الويسكي و الحاجات القال لي عملها 😏 قلت ليها سمهدر هو قال ليك الكلام د بنفسو 😕 قالت ايوه احنا اصحاب شديد 😎 قلت ليها طاايب مفروض عشان الصحبه البينكم تحفظي اسرارو و م تحكيها ل زول و حتي ولو انا عشان دي اسرار بينكم انتو الاتنين 😊 قالت لي د جزاتي اني دايره مصلحتك 😕😒 قلت انا فاهمه انك عايزه مصلحتي بس م بتجي وتحكي لي اسرار بينك و بين احمد لانو وثق فيك و انت كده خيبتي ظنو فيك😊💜  قالت لي م تشغلي باالك بي انا عارفه بعمل ف شنو انت اعملي حسابك 😊😏 قلت ليها تمام 👌 و طلعنا انا كان رااسي جاايط ولافي شديييد و م عارفه اصدق شنو و مشيت قعدت جمب رنيم و سديم و ديل خففو علي شويه زي المساء كده خلاص حالاتي وبناتهم واولادهم رجعو كنا قاعديم انا ورنيم ف الاوضه و سديم نايمه قالت لي نضاال اهاا قري 😒 من قبيل شايفاك و حالتك م عاجباني يلا احكي حكيت ليها من اعجابي ب احمد لحد م سمعت ناس اامي و كلام سمهدر كماان حسيت ف وشها ف خيبه امل كده عرفت خيبه الامل من شنو هي كانت عايزاني ل غسان بس غسان كان محتار بيني و بين سمر وانا قللت ليهو من الحيره و طلعت من حياتو وانا عارفه كويسه جدا انو رنيم م بتحب سمر بس ح اعمل شنو دي القسمه كده بعد مساافه من السرحان رنيم قالت نضوولتي م خاب من استخار استخيري والفيو الخير ربنا يقدمو ليك 😊 وانا بقيف معااك للاخر ان شاء الله 😊 💜 اطمنت بكلامها شدييد قلت ليها ان شاء الله الفيها الخير ربنا يقدمها 😊💜 صلاح بعد شويه جاء وساق سديم و رنيم وداهم البيت و انا بقيت استخير ربنا ف موضوع احمد د كتير و كل مره كنت استخير بعد ارتاح اتذكر غسان بعد ارتاح اتذكر غسان لمن تعبت بالجد قلت طالما اني ارتحت ف دي خطوه كويسه ف حد زاتها نمت و صحيت الصباح لقيت خالتو غاده معانا و سلمت علي سلام زول متحسر كده و زعلان طواالي عرفت ليك رنيم حكيت ليها 🐸✋ اصلا البت دي الفوله ف خشمها م بتتبل 😒 قعدت اتونست معاها وطلعت خلتنا امي قالت لي يا نضال عارفه انو خالد قال داير صباح و بعد سله روح اختك وافقت و قالو عايزين يعملو الخطوبه الجمعه الجايه قلت لبها يا امي استهدي بالله الليله الاتنين ل يوم الجمعه بنلحق 😅 قالت ان شاء الله و بقينا ف جري السوق و الجوطه حقت و التظبيط و خلصنا مع الوقت الحمدلله يوم الجمعه بالعصر كده صباح قالت ماشه الكوافير انا طبعن من عندي طريقه امشي ولا كنت عايزه اعمل حاجه 😅 بعد طلعت قالت لي نضال جيبي شنتطي انا بره اسرعي مشيت الاوضه فتشتها و جبيتها ليها و مشت وداهم صلاح وانا عايزه ادخل جوه سمعت صوت احمد 😻😅😴💜
#نتلاقى