T-Shirt Girl (COMPLETED)

TSG 37 - Marry Me

"Together can never be close enough for me to feel like I am close enough to you. You wear white and I'll wear out the words 'I love you'." --Marry Me, Train

--

"So, ikakasal na ba talaga kayo?" tanong niya kina Rico at Gale. The two invited them to dinner. May sasabihin daw ang mga ito. Kakaupo pa lang nila nang halos sabay na sabihin ng dalawa na tuloy na ang kasal.

They have been waiting for the wedding for a long time. Magtatatlong taon na nga yata.

Nagkagusto si Gale sa kanya noong unang taon nila sa college. She was so obsessed with him. Pero hindi niya ito pinatulan because he was obsessed with someone else—Jazz. Saka ang isa pa niyang barkada na si Rico, malakas naman ang tama kay Gale. But Femi, Gale's best friend, turned out to be in love with Rico. And Jazz as well.

When college ended, things got messier. It's like the only thing gluing their friendship together is the desire to see the ones they love. And it hurt them all in the process.

But eventually, Gale learned to love Rico. Femi got over Rico. And he was able to move on from Jazz. When Rico proposed to Gale, tuwang-tuwa silang magbabarkada. Well, with the exception of Femi. Matagal nang plano ng mga ito ang magpakasal pero kabilin-bilinan ng parents ni Gale na kailangang makasal muna ang kuya nito bago sila makasal ni Rico.

Now, Gale begged Jasmine to make her brother fall in love with her. At ang best friend naman niyang gustong-gusto nang kumawala sa kanya, pumayag agad. It was when he was asked by her father to take his daughter's hand in marriage, which he would have gladly done, had it not been for Kent.

Mabuti na rin siguro iyon. Kahit masakit, at least he got over it. He was finally over everything now.

"Oo, naka-set na 'yong date," nakangiting sagot ni Gale.

"A month from now, we'll finally be married!" dagdag ni Rico.

"Huwag kang masyadong excited. Kapag 'yan hindi natuloy..." biro ni Femi.

"Matutuloy 'yan! Bago kayo, dapat kami muna!"

He saw Femi blush. Napakunot-noo siya.

"May dapat ba kaming malaman?" tanong niya kina JT at Femi.

Ngayon lamang niya napagtuunan ng pansin ang dalawa. Kanina pa nangingiti si Femi habang si JT naman ay hindi pa nagsasalita simula kanina.

"Hoy, huwag nyong sabihing ikakasal na rin kayo?!" gulat na tanong ni Jazz.

"E di hindi," kaswal na sagot ni Femi.

"Ano nga?!"

"Spill na kasi!" pangungulit ni Rico.

JT sighed. Si Femi naman ay itinaas ang kaliwang kamay na kanina pa hawak-hawak ni JT. Napamulagat siya nang makitang may engagement ring na nakalagay doon.

"Engaged na kayo? Kailan pa?!"

"Just last week," sagot ni JT. "Ayaw sana naming sabihin agad kasi nakakahiya naman kina Gale."

"Asus!" singit ni Gale. "Ano ka ba, dagdag saya nga 'yon e. At least we're all happy, right?"

"Kayo, Toby, kailan kayo ikakasal ni Jae?" tanong ni Rico sa kanya.

He glanced at Jae. Parang wala itong narinig. Nanatili itong nakatulala, nakangiti sa kawalan. Siguro ay kanina pa ito hindi nakikinig sa usapan nila. Or maybe she's just genuinely happy for all of them. Ngayong ikakasal na ang mga kaibigan niya, pumayag kaya ito kung mag-aaya na rin siya?

"Saka na siguro. Kayo muna," sagot niya.

"Baka naman hinihintay ka lang magtanong nitong si Jae?"