#ديمـا_نـا_ويـاك_خـاطري ❤💋
#الحلقـة_15
ولمـا كنت حسيت بخيال ورايـا. التففتـ القيتـه اسـلام. عيونـه كانن فيـه نظره غريبـه ماعرفتش شن معناها ؟
انـا »» (شلت السماعات ) اووفـ الواحد مفش خصوصية بگل 😒
أسـلام »» انـتي ال صوتگ عالي 😒
انـا »» بـه وعليش جاي توا 😒
اسـلام »» انتي الـ عليش قاعده ف الجنان افرضي ف حد غريب خش وشافك وانتي تغني 😒 مش ناقصنا الناس يقولوا عندهم بنت مجنونه 😂
انـا »» انـت غالط ف العنوان خطيبتگ قاعدهـ جوا راهـ 😒
اسـلام »» اهـا حبيبتي مرايف عليهـا وينهـا امشي كلميها ليا
انـا »» حبگ برص ان شاءلله 😒
اسـلام »» غايـره عليـا 😍
انـا »» انغيـر عـ كلب 🐕 ولا نغار عليگ 😂👌 (وخشيـت وصكرت الباب ورايـا )
«
«
«
«
خشيت جوا وتغديـنا. وغسلت انـا وسرو الماعيين وبخرنـا الحـوش ورنـ سعد وقال وتـوا اروحگم. انـا اول وحدهـ وتيـت وقعـدت مقمعزه ف الصالة ونستنا فيه ايجي بس 😒 انخنقت معش قعد طايقه حوش جدي 😔 ولا لمتهم 😔
«
«
«
قعـدنا دقائق هگ وسعـد قاللنا هيـا ،،
،
روحنـا لحوشنـا واول شئ درتـه ادوشت وخشيت لداري وحطيت عـ قنـاة أيـات ووطيت الصوت ورقدت
،
،
،
،
امـاني »» احميده احميده احميده احميده احميده
احميـده »» عليگ سكنـان 😒✋
امـاني »» كنك ماتـرد 😒
احميـده »» هـا ،،
امـاني »» تبي كيكة. ؟وقهوة
احمـيده »» بـاه ، كنك لبسه ، وين ماشيه ؟
امـاني »» بنمشي انبارگ لسومـا 😊
احمـيده »» قـاعدين !
امـاني »» شفت سيارة سعد.قدام الحوش
احميـده »» تمـام ✋
«
«
«
«
كنـت راقدهـ ومانضت الا عـ صوت سرو. توعي فيـا وقالتلي ان اماني وامل قاعدات بـره. نضت خشيت للحمام وجليت اسناني. وحطيت ميك اب خفيف بگل وطلعت سلمت عليهـن والـ استغربتـه انـهـن بـاركلي عـ الخطوبة 😂 مسرع ماوصلت ؟ اسملاهي من قالها لهـن 😂
انـا »» الله يبارك فيگن 😂
امـل »» كنك تضحكي 😊
انـا »» شئ الضحگ حرام 😂
امـل »» لا ولله 😊
اماني »» هگي ي بارده تنخطبي من غير ماتقوليلنا 😒
انـا »» ولله شن نقولگ
امينة »» حتي نحنا الـ هلها ماقلتلنا 😒
انـا »» زمري 😂👊 ي حليمة.
امينـه »» امـل تعالي ف داري 😒 نبيگ
امـاني »» هـ احكيلي عـ حبيبك الجديد 😍
انـا »» انتي شاربه حاجة اين حبيبي الجديد 😒
امـاني »» خطيبگ ؟
انـا »» مجنونه انتـي ؟ انا بنحب حد وبنخطب ومنقولقش عليه 😒
امـاني »» وشن قصته وليش خطبگ ؟
انـا »» تعالي فـ داري هيـا 👌 ونحكيلك كل شئ
أنت تقرأ
دِيمّا نا ويـاك خَاطِري 🖤!
Romance- روايـــة بــاللــهجـه الليـبيـه الــشرقــاوפيــةة 💗. - احــداث ممـزوפجــةة بـ الخـيال مـع نكـهة من الـوפاقـعع الليـبي 💙✨. -الـروايـهه مـنقـول للكـاتبه المتـألقـهه كـ العـادهه" غــادهه ✨😍 -متـابـعةة طـيبيةة انـشاء الله 😌💗. -تحـياتـي: ۦٰ┋🧚🏻...
