دِيمّا نا ويـاك خَاطِري 🖤!

التاسع والثلاثون

ديمـا_نـا_ويـاك_خـاطري 💛✨

#الحلقة_40

سامحوني ع التأخير 💛

خشت امي ومعاها نجاح عليا نشوف فيهن ومكنتش عارفةة اصلا من الي مشا معايا ! لأني كنت غايبة ع الوعي

امي >> ه ي دكتورة كويسة توا ؟ وكنها شن عندها
الدكتورة >> مفش داعي اتوتري .. ركبتلها تغذية ودرتلها تحاليل عشان نطمنو الباين ان عندها أنيميا
امي >> كان ع انيميا ساهلة
الدكتورة >> الليلة حتقعد هنا لعند نشوف تحاليلها ونطمن عليها بعدين نديرلها خروج ..
امي >> باهي ..
الدكتورة >> بنعرف انا ي سوما شن الي وصلك لـ ه الحالة ! وليش هاملةة صحتك .. ولكگ فترة معش جيتي للعمل ؟
انـا >> ( كنت نسمع فيها بس ماكنش عندي جهد نحكي )
امي >> مش عارفة .. الي جاها جاها
الدكتورة >> ان شاءلله لأباس عليك .
امي >> شكرا بارك الله فيك
الدكتورة >> حاولو توفرولها جو هادي.... عموما ضروري مرافقة واحدة تكون معاها . لذلك اتفقن (طلعت)
نجاح >> خلاص تو نمشي ونخليك مع بنيتكگ
انـا >> منبش نقعد هنا ..
امي >> ( امي مكنأهش تسمع فيا ) نجاح والنبي ردي بالك م البنات
نجاح >> بـاهي
امي >> عادي تروحي مع احميده !
انـا >> ( صحصت اول ماسمعت اسمه ؟ احميده شن جابه هنا )
نجاح >> لا عاادي كيف واحد من عويلتي ي بتي
امي >> ( طلعت وانا عيوني معاها قلت بلكي تو نشوفه لكن سمعت صوته لأن كـانت المستشفي هـدوء )

احميده >> ماتوصيش ع شئ نجيبه لكي معايا
امي >> اها وصيت نجاح ع كم حاجة خوذهن منها وجيبهن ليا
احميده >> تمام . نرجا فيها فـ السيارة

/

/

/

/

كانت امي مقابلتتني مقمعزة ع الكرسي وماسكة ايدي 💛✨
امي >> بعيد السوء ع بنيتي الغالية . بعيد السوء عليها . ان شاءلله ف عدوها والي يكرهها غير عوينـه ف الزول السمح غير عوينـه ي بنيتي
انـا >> امي
امي >> عيون امي .. كنك
انـا >> ( ابتسمت ليا زمان ماحصلت ه الدلع من امي ) شن جابني هنا
امي >> دختي عليا غادي شممتك عطر بصل بخيتك بمية لكن مافي فايدة . رنيت ع ه العرب كلها مفي واحد منهم رد عليا مالقيتش الا حاجة وحدة لبست عباتي ودقيت ع حوش الحاجة صالحة طلعلي احميده مسكين عين مغمضة وعين مفتوحة م النوم
انـا >> هههههه
امي >> هههه ركبت فيه الرعايش مسكين م الفجور ههههه وقتله عليك طلع معايا مسكين قبل قتله ارفعها هك بالتوته الي عليك
انـا >> ع فضايح ي امي شن درتي فيا 😳
امي >> م الفجعة تفلوجت هههه نين قالي لا ي عمتي مايصير شئ هكي جيبي عبايتها ووشاح ... وجبناك هنا
انـا >> مش عارف شن درتي فيا ي امي 😪
امي >> مشـ .. (وقطع كلام امي رنة تلفونها كان احميدة جايب الحاجات الي امي وصتـا عليهن ومشا .. )