دِيمّا نا ويـاك خَاطِري 🖤!

الواحد والاربعين

#ديمـا_نـا_ويـاك_خـاطري 💗🌟

الحلقـة 42 🌈

انـا >> وانا منبش نحكي معاك اطلقني
اسلام >> ولله كف را ؟ اسسكتي ( ورفع ايده عليا )
انـا >> اصلك مش راجلللل تتمرجل ع بنت خززززي
أسلام >> تخلينيش انتعصب عليك ازززف ( ويرص ع سنونه )

« ماحسيتش الا بـ اسلام طايح ع الأرض وصوت مش غريب عليا قال >> ايدك هذي نكسرها لك لو مره اخري تقرب عليها تفهههم والا لا ؟؟؟ ورفسه بكراعه )

انـا >> ( عيوني دموع اول ماشفته قدامي ماكنت مصدقه عيوني 😭) اححميده
احميده >> ( كان يبحت لـ اسلام بعصبية والتفت عليا ) عدلي وشاحك وخشي جوا
انـا >> ( وقتها كان خاطري نحضنه بالقووة كنت مرايفة عليه وع عصبيته وشكله وكل تفاصيله خشيت نجري لعماد)
احميده >> ( نزل لـ أسلام وقاله ) انت راجل تمسك ايدها ولا تقرب منها ( وطلع وركب في سيارته )
اسلام >> ( ماكانش يبي المشكلة تكبر اكثر لأن في النهاية هو الغلطان ناض ومشا للشباب )

/

/

/

/

عماد >> ي را انزل كنك
احميده >> لا حول الله يا ربي انت من تفهم بس قولي ؟
عماد >> انزل تو نقولك من وين نفهم
احميده >> عماد الله يرحم بيك ماتنفخهنش ليا عطيني المفتاح وخليني انتوكل ع الله
عماد >> ي را عليك عناد اززح . مفش مفتاح هي روح
احميده >> اصلك ****
عماد >> ههههههه وين مشيت كم يوم لتركيا قعدت تفلم
احميده >> انقولك حاجة نقعهن واشرب ميتهن ( ولع السيارة )
عماد >> ي را اصببر كنك مسرع مايرقالك انت ؟ هاك ها ( وعطاه المفتح بعد ما حرق كبده )
احميده >> هي اوكي ( ومشا )
عماد >> مربوحه ي غالي

/

/

/

السـاعة 11:54 ليـلآ ⭐

امي كانت تحكي انهـا بتخطب لسعد وبتدوره بنـت حلال لأنه مش عاجبه حاله انـه خش عـ الثلاثين ولعند تو مازال ماتزوج فـ الكلام هذا ضايق امل وصبت من المكان واماني اول ماشفت اختها هككي تكرمت وحبت اتضايقني انا :)

اماني >> حتي نحنا بنخطبو لـ خويا احميده بنت خالي الأسبوع الجاي غير نستنو فيه يروح بس العقبالكم ..
امي >> ( عـ طول برمت وجهه شوري وانا عطيتها ابتسامة صفراء الي را مش مضايقه راه :) )
نجاح >> مبروك
امي >> وهوا موافق ؟
اماني >> اككيده بيلقا خير من هاجر جمال و اخلاق وعلم
امي >>وبااه مبروك ان شاءلله ،
اماني >> الله يبارك فيكم :)
سارة >> ( تحكي ف وذني ) اسمعي
انـا >> ردبالك تحككي حرف مش طايقة روحي راه
سارة >> تي بنسألك عـ امل بس ..
انـا >> كنها ؟
سارة >> شفتيها كيف قلبت وجهها لما ماما قالت بنخطب لسعد
انـا >> عادي كان خطيبها اكيده بتتضايق ويحبو بعضهم مش هكي وخلاص
سارة >> وراس ماما في حاجة مش هكي وبس
انـا >> انا بنرقد
سارة >> سوما حبيبتي ماتضيقيش
« الكلمة جت في وذن ماما والتفت علينا وبصوت عالي »
امي >> وين ماشية انتي ؟
انـا >> نبي نرقد
امي >> مفش مرقد تعالي هنا ( صبت امي وقالتلي الحقيني )