#ديمـا_نـا_ويـاك_خـاطري ❤
#الحلقـة_17
هنـاء »» كنك لكي ايام ماتدردش عليا وفايتني ؟
اسـلام »» مانفضش بگل ما اتشوفي فيا فرح وحايس
هنـاء »» من زمان كنت تفضي ف روحك ع شاني 😔
أسـلام »» نگذب ع امگ انا قلت مانفضش تبي انعود الكلام مية مره
هنـاء »» كنك رايح عصبي هگي ؟ مش متحمل مني كلمة ؟
أسـلام »» انتي ال كنك نزلتيلي فيها كنك وكنك كنك وكنك ،، فوتي امي ازفـ
هنـاء »» بـاه وطي حسك راه يسمعك حد 😒
أسـلام »» بنعلي صوتي وبنعيط انتي مدخلكش بدين حني ،
هنـاء »» أسـلام ، مليـت منگ راهـ ،،
أسـلام »» مليتي مني امشي دوري ع غيري لو حد قبل بيك
هنـاء »» في مليون واحد يتمناني 😒
أسـلام »» وينهـم المليون ؟ انا ال ازرطت فيك
هنـاء »» ازرطت فيا 😞 ؟
أسـلام »» اهـا ضحكتي عليا ولعبتي بعقلي وخليتني نعمل معگ ه العمله السوده الـ ربطتي ايديا ومنعتني من البنت ال نحبهـا 💔
هنـاء »» تكذب ع من انت ؟ انت الـ تجري وريا ؟ ولم صار ه الشئ بينا ماعارضتش بكل ؟
أسـلام »» بـاه تمام هيا انزلي ، وخليني بروحي بنتريح 👋
هنـاء »»اسـلام لو ال ف بطني مضايقك حنزله وانهي كل شئ
اسـلام »» لو سمحتي ي محترمه انزلي وخليني بروحي
«
«
«
«
أحميـده »» هـ شن الجـو
هـاجر »» تمام بس امي مسكره راسهـ 😔 ادويلهـا وراس حمادي
احميـده »» حنحاول
هـاجر »» صدقني هيا مستحيل ترفضك
احميـده »» اهم شئ انتي متسكنيش عليها خليها بجوها
هـاجر »» اكيـده ،، بعدين تو نكلمها ف المربوعة ونخليك تحكي معاها
احميـده »» تمام ،، سوما وين مانشوفش فيها
هـاجر »» قاعده مع موني جـوا ، تبيها ؟
احميـده »» لالا نسأل بس ،،
«
«
«
تغدينا ورفعنا الماعين انا والبنات وغسلت معاهن وكملنا وانا طالعه شفت هاجر وامها ماشيات للمربوعه ماقدرتش نلحقهن ونعرف شن في منبش نقعد فضوليه زياده عن اللزوم. خشيت انا وموني ووتينـا اروحنا وحطيت ميك اب خفيف ،، وهيا لبست لبسه هنديه وحطت ميك اب وطلعنا للمربوعة وسندرت ،، وكانت خايفه ومرتبكه من كثرة الصبايا ال كانن وكلهن عيونهن عليها 👂👀 وجتني امل قالتلي تعالي ساعديني في المطبخ
«
«
«
فتحيـة »» مش ماليين عينها تكلم في هذي 😒
مـرام »» اسكتي را تسمعك
فتحيـة »» بنطلع معش نقدر انتحمل 😒
مـرام »» عيـب 😨
فتحيـة »» عيب ع ال يسرق 😒 حولي
«
«
امـل »» كنها فتحية ؟
مـرام »» كنهـا ؟
امـل »» كنها طلعت ؟
مـرام »» لالا شي مريضه هيا بس
امـل »» ولله اضايقت من سومـا
انـا »» 😨
مـرام »» لالا
أنت تقرأ
دِيمّا نا ويـاك خَاطِري 🖤!
Romance- روايـــة بــاللــهجـه الليـبيـه الــشرقــاوפيــةة 💗. - احــداث ممـزوפجــةة بـ الخـيال مـع نكـهة من الـوפاقـعع الليـبي 💙✨. -الـروايـهه مـنقـول للكـاتبه المتـألقـهه كـ العـادهه" غــادهه ✨😍 -متـابـعةة طـيبيةة انـشاء الله 😌💗. -تحـياتـي: ۦٰ┋🧚🏻...
