وتنظف يوميه قبل متروح والبيت مابي شي وانتي ممسويه شغله من شغلها انتي تسوين شغلج وهي اسوي شغلها ظلت اصيح واتعيط طلعتلها تعاركت وياها ورجعت طبيبت للغرفه نمت من المغرب والصبح كعدت من وكت صليت ودعيت وبدلت ورحت للدوام وكفت انتظر المصعد واجى وكف بصفي دكتور الغثيث ماسلم واني هم ولادرت بال جنت ضايجه ومقهوره من مشكلة البارحه .صعدت بالمصعد وغرفة الاجتماعات صايره اخر طابق اني ثالث طابق ومااتحمل انوب اخر طابق صعدت وهو هم صعد وصعدوا ويانا دكتور وموظفتين وصلنا نزلوا واني ظليت واكفه حسيت الدنيا تفتر بيه ظليت واكفه ولازمه الحايط وخفت لا اوكع وانتبه عليه دكتور الغثيث اجى كالي شبيج اني ظليت ساكته والدنيا تفتر صاح على الممرضه اجيبلي كرسي وبعد ماادري اله اني بالسديه ومشكليلي مغذي كمت جان تجي الممرضه كالتلي شبيج كلتلها اني من شوكت هنا كالتلي صارلج ساعتين كلتلها شلون صار هيج كالتلي دختي بالمصعد واجى دكتور كرم ساعدج وبعدين وكعتي وشالج وجابج على السديه وحطلج مغذي وطلع وقبل شويه اجى شافج وطلع .كلتلها ها كالتلي شبيج كلتلها مامتريكه هو جذب بس اني استحيت اكوللها كلت هسه تضحك عليه حسيت نفسي زينه كمت حتى ارجع للشغل مالي كلت لازم اروح واشكر منه لان ساعدني رحت على الغرفه مالته مالكيته طلعت واتجهت للغرفه مالتي شفته رحت عليه واشكرته كال هذا واجبي بس اشو هذا وكف قريب عليه وكالي راح اكتبلج حبوب واخذيها فتره وبعد مترجعلج هاي الحاله اني ظليت مصدومه 😱كلت بكلبي اكيد عرف كتله مااحتاج اي علاج اني جنت مامتريكه وهبط ضغطي كالي براحتج بس حبيت اكولج واذا ردتي تتعالجين تعالي للمكتب انطيج العلاج استحيت منه وعفته ورحت للغرفه مالتي وظليت خجلانه هذا شلون عرف.خلصت دوام ورحت للبيت
