رجعت للبيت طبيت اتغديت ورحت نمت كعدت خابرت اختي الجبيره من احجي وياها ارتاح احبها هواي وكلشي يصير ويايه اكوللها وتنطيني رأيها طبعآ اسمع كلامها كلش بس مو دائمآ.خابرتها حجيتلها اللي صار ويايه بالمستشفى كالتلي مابيها شي روحي اخذي العلاج احسن مظلين هيج كلتله افكر واشوف سديته من اختي.كمت غسلت الملابس ونظفت ورحت كعدت يم ماما وبابا واختي تعللنا ورحت رجعت للغرفه نمت وبدلت وطلعت رحت للدوام طبيت وكفت انتظر المصعد صعدت ورجعتلي نفس الحاله ظليت واكفه وبعدين طلعت رحت للغرفه مالتي. مرت الايام واني مشايفه الدكتور الغثيث بس زادت عليه الحاله مالتي كلت كافي اكابر خلي اروح عليه واخذ العلاج احسن.طبعآ مر على الموضوع اسبوين ونص رحت واني متردده بعدين كلت لنفسي شبيه اني هيج خايفه قابل راح ياكلني .رحت على غرفته دكيت الباب وكالي تفضلي شافني سلمت عليه وكتله اريد العلاج كال غير اول مره اعرف شنو حالتج اني عصبت 😡 كتله انت تعرفها وقبل فتره كلتلي انطيج علاج وتروح كالي اعذريني بس عندي مراجعين هوايه ومااذكر ظليت اباوع عليه هذا يسولف صدك لو يشاقه ظليت كاعده اخير شي كتله اللي بيه كال شغلتج بسيطه بس لازم اعرف معدتج تتحمل لو لا كتله معدتي بيها خربطه متتحمل علاج قوي كال اوكي طلع الورقه مكتوب بيها اسمي والعلاج وانطانياها كالي ترى اذكرج وكتبت العلاج بورقه وحطيتها بالمجر وعرفتج راح تجين بس مصورت هلكد تتأخرين واني خجلانه😳 مااعرفت شنو اجاوبه ظليت ساكته وكمت حتى اطلع كال لاتستحين ترى ماكو شي يخليج تستحين من مرضج كتله اشكرك وطلعت واني خدودي طماطايه خجلت حيل رحت اخذت العلاج .ثاني يوم شربت العلاج من صعدت حسيت نفسي مادخت وشفته كالي شلون صرتي كتله الحمد لله زينه اشكرك على المساعده كالي هذا واجبي ورحت للغرفه مالتي وظليت اشتغل.
