حسيت بسامي ضاج لان راد بس اني وياه ورحنا للمطعم وطلبنا غده وكملنا ورجعنا للدوام بس حسيت ان دكتور كرم مدري شبيه وصلنا للدوام وشكرت دكتور سامي ورحت للغرفه مالتي وكعدت وخلص الدوام ورجعت للبيت وكالعاده نظفت وغسلت ملابس وكعدت ويه اهلي ورحت حتى انام و .نمت وكعدت الصبح ورحت للدوام ورحت للغرفه مالتي واتلكتني ممرضه سلمت عليها وجان المستشفى مخبوص كلتلها شكو اليوم كالتلي دكتور كرم جابوا البارحه بالليل متخربط كلتلها ليش شبيه كالتلي عنده تسمم حاد كلش راحت ورحت للغرفه مالتي بعدين طلعت حتى اروح للكافتيريا واشوف غرفه مليان ناس طابه وناس طالعه فتت حتى اشوف شكو شفت دكتور كرم مدد على سرير وجه اصفر والدكاتره داير مدايره وظلوا يتحمدوله بالسلامه عفتهم ورحت للكافتيريا وبرجعتي كلت خلي امر عليه واكله حمد لله على السلامه واطلع لان عيب .وصلت يم غرفته فتحت الباب دخلت مجان يمه احد اتقربت شفته نايم ظليت اباوع عليه شكد حلو حتى هو ومريض حلو.كلت اجيبله غير مره ورحت حتى اطلع وجان اسمعه يكول اهلا وسهلا انسه شمس انداريت عليه كتله حمد لله على السلامه ومشوف شر كالي الله يسلمج كتله يله اسمحلي واخذ راحتك كالي قبل مترحين تعاي ساعديني اكعد رحت ساعدته حتى يكعد ورجع طلب مني مي جبتله وشرب ورحت حتى اطلع سألني سؤال كالي شنو رديتي لدكتور سامي ظليت واكفه وساكته كلشي محجيت وبعدين كتله مع السلامه وطلعت وعفته ورحت للغرفه مالتي ظليت افكر هو شنو دخله بهل الموضوع ومنين عرف كلت يمكن كاليه سامي بس ليش راد يعرف جوابي معقوله معجب بيه بس هو حتى اني وياه مو على اصلاح ظليت افكر رحت خابرت اختي وكلتلها ظلت ساكته كالت مااعرف شجاوبج وسديته وخلص الدوام ورحت للبيت ونفس الروتين وثاني داومت بس مشفت كرم وظليت تقريبآ اسبوع اني مشايفته
داوم كرم بس سامي ابد مكالي شنو ردج اني كلت خلي اردله واكوله مموافقه لان عندي طموح. رحت دكيت الباب دخلت وشفت كرم كاعد يمه سلمت عليهم وردت اطلع كتله اجيك بغير وقت كال لا عادي ماكو شي بس جنا نسولف حس كرم وطلع وقبل ميطلع باوعلي بنظره وماعرفت افسرها ورحت كعدت وكتله سامي متريد تعرف شنو جوابي كالي بلى والله ومنتظرج بس كلت خلي تفكر براحتها ماردت اضوجج كتله اني مموافقه كالي ليش شفتي عليه شي محلو او سمعتي شي كتله لا واصلا راح افوت عليه شخص مثلك بس اني حاطه اشياء بالي هوايه اسويها كالي انتظرج كتله بس مااوعدك بشي وترخصت منه وطلعت ورحت للغرفه مالتي وره شويه دخل كرم ويريد ملف بس صاير من فوق مديت ايدي علمود اجيبه مكدرت جان اسمع كرم يكولي شرديتي لسامي ظليت ساكته وكتله مااكدر اجيبه تكدر اجيبه انت واجى مد ايده واخذ الملف وطلع حتى ماوقع وكتب اسمه .وراه شويه رحت عليه للغرفه لكيته مدد على القنفه وحاط الملف فوق وجهه كتله دكتور نسيت تكتب اسمك وتوقع رفع الملف من وجهه واجى كتب اسمه وقع واخذت السجل وردت اطلع جان يكولي مجاوبتيني على سؤالي انداريت عليه وكتله مع السلامه وطلعت ورحت للغرفه مالتي يالله هذا شيريد مني خرررب ومرت الايام وجانت الاوضاع تخوف لان يوميه جايبين شهداء كومه من الموصل وبيوم اسود كاعده بالغرفه مالتي بالدوام تقريبا الساعه ١١ ونص وعلكت بالمستشفى جايبين فوق ٥٠شهيد واكثر من ١٠٠جريح من الانفجار.وناس تصايح وتتعايط واني كاعده بغرفتي ميته خوف وحايره شأسوي ظليت كاعده ومااحس اله الباب انفتحت وطلع كرم كالي على السريع جيبي جنطتج وامشي كتله ليش شكو كالي بدون كلام وعلى السريع اخذت جنطتي وانطاني روب ابيض مال دكاتره كالي البسي كتله شكو هو ميجاوب بس يكولي البسي وامشي واي واحد يسألج كوليله دكتوره.
