جعت وطلعت حتى اروح للكافتيريا وشفت مدير المستشفى سلمت عليه وحجى ويايه على مود وضع الملفات وخلصت ورحت اتجهت للكافتيريا وشفت دكتور الغثيث واكف يطلب اكل رحت شفته سلمت وطلبت اكل اخذته ورحت كعدت على الميز طبعآ كاعده وحدي مااحب اكعد ويه احد اجى دكتور سامي شاب وحلو سلم عليه طلب يكعد يمي كتله عادي كعد وظل ياكل وبعدين كام يسأل بيه وين عايشه وشكد عمرج مزوجه لو لا حسيت نفسي بتحقيق وضجت حيل منه واترخصت منه وكمت حتى اطلع ورحت للغرفه مالتي كعدت بيها وكلت بعد مااطلع ابد من الغرفه وحتى اكل مااكل بالكافتيريا مرت الايام واني بالغرفه مااطلع منها ابد واجى دكتور اوسامه ودكتور الغثيث رادو اكثر من ملف وطلعتهن الهم وظلوا يتناقشون واني كاعده اسمعلهم وبعدين دخل دكتور سامي سلم وكعد كتله وين الورقه كال لا ماممحتاج شي بس حبيت اسلم عليج لان صار فتره مااشوفج تجين للكافتيريا خمى بيج شي كتله لا سلامتك مابيه شي.ظلوا موجودين الدكاتره تلاثتهم واني كاعده جان دكتور سامي كالي عندي موضوع وياج كتله اي تفضل كال لا مو هنا بالكافتيريا ترخصت من الدكاتره وطلعت رحت وياه وكعد يسولف ويايه ان هو وحيد اهله وعمره ٣٠ سنه وعنده خوات اثنين مزوجات ومعجب بيه ويريد يتقدملي اني ظليت ساكته ردت اجاوبه وارفضه بس هو كالي فكري بالموضوع ورديلي خبر كتله ان شاء الله وطلعت رحت للغرفه مالتي ولكيت دكتور كرم هناك دخلت وكعدت وظل هو يكلب بالملفات كتله دكتور محتاج مساعده اندار عليه كالي اخاف عندج شغل اهم من شغلج ظليت ساكته هذا شبي يسولف هيج ويايه ظل يخربط بالملفات واني تعبت حتى اعدلهن وكفت كتله كول ياملف تريد وهسه اطلعه الك كالي وطلعته اله وهو جان كباله بس مشافه يمكن اخذه وطلع وشفت شلون منثر الملفات اتعوذت الشيطان وكمت رتبتهن ساعه ياله مخلصت كملت وظليت كاعده بالغرفه وافكر بعرض دكتور سامي واني ممفكره بالزواج ظليت افكر خلص الدوام وطلعت ورجعت للبيت لكيت اختي الجبيره جايه علينا كيفت حيل بيها هي عدها بس ولد واحد .ظلينا نسولف وكلتلها على دكتور سامي ظلت ساكته كالتلي صلي استخاره وشوفي ربج وين يهديج والله اقتنعت وكعدنا تعشينا وتعللنا ورحنا انام صليت استخاره ودعيت ورجع نمت كعدت الصبح بدلت وطلعت للدوام رحت للغرفه مالتي كاعده دخلت عليه ممرضه كالتلي اليوم عيد ميلاد دكتور كرم ومسويله مفاجئه بالقاعه الاجتماعات كلتلها شوكت كالت من يخلص الدوام كلتله زين شلون واني حتى هديه ممحضره كالت اطلعي هسه جيبي كلتلها اخاف ميقبل المدير .رحت للمدير حتى اخذ اجازه زمنيه انطاني المدير بس ساعه وحده وارجع رحت للمحلات بس حايره شاخذ هديه اله رحت افتريت وشفت ساعه حيل حلوه اخذتها وطلبت من ابو المحل يغلفها وانطاني كارت حتى اكتب بي كتله محاجه بدون كارت غلفها وانطانيها دفعت وطلعت للمستشفى ورجعت للغرفه مالتي كاعده وافكر اكول اخاف عيب انطي هديه بعدين كلت ليش عيب ويايه بالدوام وجبتله.خلص الدوام وطلعت من الغرفه ورحت وكفت يم المصعد حتى اصعد للغرفه مال الاجتماعات لان الحفله اصير بيها واجى يمي دكتور سامي سلم عليه بس ابد مسال وكالي شنو رأيج بالموضوع خلاني على راحتي واني خجلانه منه .
