အမှောင်ထဲက [Face of the Devil]

Chapter 9.4.3

"ငါတို့ မင်းကိုသတ်ချင်နေမှန်း ဘယ်လိုလုပ်သိလဲ?? Bloodvine တွေက နေရာတကာမှာရှိနေတာ၊ အပြင်မှာစခန်းချတုန်းက ကပ်ပါလာတာလဲဖြစ်နိုင်တာပဲ။" ကော်ကျစ်ရိန်ဟာ တံခါးဝမှာရပ်နေပြီး အတော့်ကိုစိတ်မရှည်တဲ့အသံနဲ့ ပြောလိုက်တယ်။ အဲ့ဒီနောက် ပိုင်မော့ဟန်ဘေးကလူကိုကြည့်လိုက်ပြီး "မင်း ဘယ်သူလဲ?? မင်းနဲ့ သူနဲ့ ဘယ်လိုပတ်သက်နေတာလဲ?? ငါတို့အဖွဲ့ထဲကို ဘာရည်ရွယ်ချက်နဲ့ ခိုးဝင်လာတာလဲ??"

"ဒီနေရာက မင်းကိုယ်ပိုင်နေရာမှမဟုတ်တာ။ ဘယ်သူမဆို နေခွင့်ရှိတာပဲ" တပ်မှုးဟာ ကော်ကျစ်ရိန်ရဲ့မေးခွန်းတွေကို ရှောင်ဖယ်သွားလိုက်တယ်။ ပတ်ဝန်းကျင်မှာ တခြားအဖွဲ့အစည်းတွေရဲ့တပ်တွေရှိနေတဲ့အတွက် လိန်ချွမ်းနဲ့ ကော်ကျစ်ရိန်တို့ အရမ်းကြီးဆူညံအောင် လုပ်ရဲမှာမဟုတ်တာကျိန်းသေတယ်။

ကော်ကျစ်ရိန်ဟာ နှာခေါင်းရှုံ့လိုက်ပြီး ဘာမှထပ်မမေးတော့ဘူး။ ထိုလူဟာ Plant စွမ်းအားရှင်ဖြစ်ပြီး ပိုင်မော့ဟန်ခန္ဓာကိုယ်ထဲက Bloodvine တွေကို ထိုလူရဲ့အကူအညီနဲ့ ဖယ်ရှားပစ်ခဲ့တာဖြစ်မယ်။ နောက်တော့ လှုပ်ရှားနေတဲ့အသံတွေကြားလို့ ခေါင်းဆောင်က အခုလိုရောက်လာတာဖြစ်ရမယ်လို့ ကော်ကျစ်ရိန်ယူဆလိုက်တယ်။

အဆောက်အအုံထဲမှာ တခြားသာမာန်အရပ်သားတွေလဲ နေထိုင်ကြပြီး တကယ်လို့ ခေါင်းဆောင်က သူတို့မျက်စိရှေ့မှာတင် ဒီလူနှစ်ယောက်ကိုသတ်ပစ်ခဲ့ရင် လူတွေအထိတ်တလန့်ဖြစ်ကုန်မှာစိုးရိမ်တာကြောင့် ကော်ကျစ်ရိန်ဟာ လိန်ချွမ်းရဲ့အင်္ကျီလက်ကိုအသာဆွဲပြီး တိတ်တဆိတ်သတိပေးလိုက်တယ်။

လိန်ချွမ်းဟာ ကော်ကျစ်ရိန်ကိုဘေးကိုတွန်းဖယ်လိုက်ပြီး ကျိုးယွင်ရှန့်ရှေ့မှာ ဒူးတစ်ဖက်ထောက်ကာထိုင်လိုက်ရင်း "ငါမင်းကို မသတ်ပါဘူး။ မင်း ငါ့ကို ဒီလောက်ထိ သတိထားနေစရာမလိုဘူး။" ပိုင်မော့ဟန်ဟာ ကုတင်ဒေါင့်နားအထိတိုးကပ်သွားပြီး ခန္ဓာကိုယ်ကို တတ်နိုင်သမျှကျုံ့ထားကာ သူ့ရှေ့ကနေ ပုန်းကွယ်ဖို့ကြိုးစားနေတာကိုတွေ့ရတဲ့အခါ လိန်ချွမ်းရဲ့ အနီရောင်မျက်လုံးအစုံထဲမှာ အမှောင်ရိပ်တချို့ ဖြတ်ပြေးသွားတယ်။ လိန်ချွမ်းဟာ လက်တစ်ဖက်ကိုမြှောက်လိုက်ပြီး ပိုင်မော့ဟန်ရှေ့ကနေ ကာကွယ်ဖို့ကြိုးစားနေတဲ့ တပ်မှုးကို ခရမ်းရောင်မိုးကြိုးနဲ့ပစ်ခတ်လိုက်တယ်။ အဲ့ဒီနောက် ပိုင်မော့ဟန်ရဲ့လက်ကောက်ဝတ်သွယ်သွယ်ကို မြဲမြံစွာဆုပ်ကိုင်ကာ သူ့ရဲ့ Healing စွမ်းအားတွေကို လက်ကောက်ဝတ်ကနေတစ်ဆင့် ပိုင်ရဲ့ခန္ဓာကိုယ်ထဲကို စီးဆင်းစေလိုက်တယ်။