اسفه صارت خربطه بالبارت واكو اجزاء ممسوحه هسه ضفتهن لذالك اضطريت احذف البارت
اتمنى لكم متابعه ممتعه
تحياتي صديقتكم
شـ̯ـهـﯙ୭دههۂ
الصبح كعدت ب6 سبحت ونزلت تريكت وي اهلي ،،، خلصت ريوك صعدت بدلت هدومي لبست بنطرون وبدي وجراويه وسلاحي دوم وياي
طلعت سلمت ع ابوي واخوتي وامي والحجيه وطلعت لبيت عمي اخذت اوراق مـن عنده وطلعت للبصره بسيارتي
وصلت للمعمل هناك كملت الشغل جانو الوكلاء لاعبين لعب بغيابي والضاهر عمي مايعرف يتصرف وياهم
مـن شفت الميزانيه والارباح متخربطه متت بدمي انه عدل وهذولي ينهبوني وعلي اله اطيح حضهم
رحت ناديت عليهم اجوي كتلهم شنو هلخرابيط محد جاوب عرفو نفسهم غلطانين حذرتهم ونبهتهم يعيدونها افلش راسهم
رحت للشقه مالتنه ارتاح شويه ،،، كعدت العصر رحت لصديق هناك كضينه وقت سوه ضحك وسوالف وطلعت وياه للبستان مالته
خلص شغله هناك ورجعنه انه وياه للسوك نشتري شغلات اخذت ملاعيب للجهال وشغلات لخواتي وامي
واخوتي وابوي همين ولعمي وبناته تضكرت زينب اخذتلها سوار كلش نازك ضميته بجيبي الها خلصنه رجعت للشقه
لح عليه اجي وياه لَـگِنْ انه ماكدرت لن حيل تُعباُنٌ اريد انام ... ثاني يوم الصبح طلعت لبيت خالتي هناك سلمت عليهم وع الاهل استقبلوني وماخلوني اطلع منهم اله اتغده
كتلهم يابه عنـدي شغل كالو ابد ... شويه واجوي خالي والولد تسالمت وياهم صارلي هواي مشايفهم....
ع الغده صبو غده النه وحدنه بالديوانيه والنسوان وحدهن بالغرفه كتلهم خل نكعد سوه وفعلا كعدنه سوه ع نفس السفره
البنات مثل خواتي كلش احبهن ويحبني مع انو بيناتنه هواي حدود لَـگِنْ نبقى اخوان
صاحتني زهراء بنت خالي ع صفحه
زهراء. حمزاوي جراح شلونه شخباره
حمزه. الْحٍمَدٍ للـّہ بخير
زهراء. عفيه حمزه كڵـهٍ بس يجي للبصره خل يجي لبيتنه اريد احجي وياه بشغله
حمزه. خير انشاء •اللّـہ̣̥
زهراء. كل الخير ... يله اخذ راحتك خويه
رحت
نمت والعصر طلعت سلمت عليهم ورحت للمصنع الي بالدوره لكيتهم مطلعين ارباح كلش هواي مطورينه حبيت شغلهم
اتفقت وي المدير الوكيل انو تزيد راتب العمال الي بهلمصنع لن ساهمو بتطويره هم فرحو وتشكروني سلمت عليهم وطلعت
اووف صار يومين هنا تعبت مـن الفره .... خابرني عمي وحجيتله كل الاوضاع وطلب مني اكمل اوراق الحقل مال النفط كتله يجرالك الي تريده
