ھہلآوِ ₎⇣🦋🌼۶ֆ ⁞ شلونكم متابعيني الغوالي الًيَوُمًِ راح نختم قصتنه ومشوارنه وي حمزه والق والجهال حبيناهم وستمتعنه بسوالفهم وحبهم
واطلعتو ع هواي كَلَّمَـےـاتِـ يستخدمونها اعل ولايتي الناصريه ... طبعا هاي القصه كانت من اجمل القصص الي كتبتها ومن انجح القصص واعتقد انو سبب نجاحي يكون بهاي القصه
عشت وياكم لحضات جدا جميله ومع ابطالنه الاكثر من رۈۋعـِھّ فعلا اناس قمة الطيب والاخلاق وتركو من بعدهم اثر جدا جميل
طبعا قبل لانبدي آحـبُ:* انبهكم ع شغله انو القصه حقيقيه وماضايفه اي شي مِڼـّي ولاحرف زايد والي راح اكتبه واقع حال موبيدي اغيره او لا
اتمنى انو مااحصل اي تحاوز او اي تعليق سلبي فقط انطو رئيكم بالنهايه ومشاعركم تجاه القصه بشكل صريح جدا وسويت قناة ع التلكرام اشتركو بيها حته تعرفون ٱڅڑ الاخبار مال القصص الي انزلهن وتعرفون شوكت المواعيد
معرف القناة:- Shahad_rt
نبدي ٱڅڑ احداث قصتنه عشگ الشروگ
#البارت_الخامس_والعشرون
#الكاتبه_شهد_الحجامي
#قناتي_ Shahad_rt
🌺🌺🌺🌺🌺🌺🌺🌺😘
حمزه
انهد حيلي مصيبه وكعت ع راسي ماتوقعت الي جاي يصير، من سمعت انو جراح وابوي ماتو بالانفجار ردت اموت وراهم حزام ضهري وعضيدي راحو بنفس اليوم
حسيت ضهري انكسر وروحي بادت خسرت اشخاص حياتي ناقصه بدونهم والدي الي رباني من صغري لحد ماكبرني واخوي الي عمره مافاركني
كانت ايام الفاتحه ابشع ايام مرت عليه بحياتي ارجع للبيت ب1 بليل بس ابجي بالفراش وحيلي مهدود الق عجزت ماخلت شي تحاول تخفف عني ماكو مجاي اكدر صعبه حيل صعبه
عمي خطيه حيل تخربطت صارت عنده جلطه ودخل مستشفى وحالته يوم عن يوم دتسوء اني وحسام مافارگناه ابد كلساع يمه اترك الفاتحه ع مضفر والولد وانه اروح لعمي
ثالث يوم الفاتحه كنت يم عمي بالمستشفى ف خابروني الحك امك تخربطت ركضتلها بسرعه وانه ادعي مون مابيها شي وصلت للبيت النسوان ملتمه مكلوبين كلاب اخذتها كبل للمستشفى طلع عدها سكته قلبيه
حاولو الدكاتره وماكدرو ينقذونها وتوفت امي ردت اموت وراها فرفحت روحي عليها كلشي ولاامي ياربي ليش هيج والله اختبارك صعب وانه مو كد هلاختبار وكعت بالمستشفى اغمى عليه
مرت عليه ايام حيل بشعه لدرجة حسيت نفسي انسان ميت ع قيد الحياة حته اطفالي هملتهم ومااشتهي اباوع بوجه احد حيل ادمرت نفسيتي بقينه بس انه ومنذر
من نكعد ع الغده احس الدموع تجري وحدها وين جنه وين صرنه جنه قبل كلنه ملتمين وماكو واحد بينه ماموجود هسه ضلينه بس انه ومنذر والجده
