شرقيه الهوى

6.5

#شرقية_الهوى
#طيبة الربيعي
~البارت الخامس~

جوري: علة شنو وصتك هية
ثامر بشبه عصبية: دگليلي شوصتچ
جوري: ليش معصب ثامر خير، خلاص ممجبور تنفذ الوصية مية بالمية بس لتحرمني من ملاك حرام منو الهة امينة وصتني عليهة

صوتة صار بعيد واسمعة يستغفر ويأفأف.. شنو هلگد اني مكروهة وميريد يتزوجني.. اني ماميتة عليه اصلاً شي اسمة زواج ماريدة بسبب غسان بس علمود ملاك گلبي تعلگ بيهة احسهة بنتي.. يمكن لان فقدت ابني وملحگت اشمة لو احملة بيدي..

جوري: ليش سكتت لتفكر اني مفكرة بالزواج لو مفكرة اطبق الوصية مية بالمية، كل الي اريدة ملاك، مدام ماكو احد يعتني بيهة اني اريدهة وانتة ابوهة شوكت متريد اخذهة
تنهد وگال: جوري افتهميني اني بوضع جداً حرج، ماريد احرجچ وياية واخرب علاقتي بقصي'طيبة_الربيعي'
جوري: شعليك بقصي اني ممسوية شي غلط هية طفلة، بس اني اعرف منو ديحرضة والي حساب ويا هل نذل
ثامر: معليچ بي عليچ بأخوچ، اشوف وين اوديهة اخذهة للموصل يم عمتي مادري
جوري بصدمة: شنو للموصل يمعود صدگ تحچي
ثامر: لعد شسوي جوري متگليلي شسوي
جوري: مو داگلك خليهة يمي شبيك
ثامر: ماخليهة يمچ بابا اهلچ ميقبلون وانتي مو امهة حتة تبقة يمچ
ضوجني: حرام عليك والله ملاك امانة برگبتي وامهة وصتني عليهة، بعد براحتك بس انسة عندك صديقة اسمهة جوري
ثامر: افتهميني يمعودة...

سديتة بوجهة.. هذا هم مدري شلونة صاير.. دگ مرة مجاوبتة بعدها مدگ.. ثاني يوم التهينة بحنة زمردة.. لبست ثوب ماروني طويل مخصر ومفتوح من الصدر بدون اردانات.. لبست كعب بيجي وشعري سويتة بالصالون وية زمردة..

طلعت تخبل حبيبتي الفرحة باينة بعيونهة وماما خلصتهة بچي عليهة وذيچ تضحك تگللهة لتخافين بس تطلع السبعة ارجعلچ.. وامي تگللهة تف من حلگج ليش تفاولين..'طيبة_الربيعي'

بعض من گرايبنة والبنات صديقاتنة موجودات معزمنة هواية.. وتفاجئت بجية سوسن وية خالتي وندى

اجتي سلمت علية: شلونچ جوري اخبارچ
جوري: الحمدلله

اني محبيت اطوخ وياهم فرحت للمطبخ احضر الشغلات.. طول ما الحنة قايمة خالتي وسوسن يباعن علية ويتشاورن بيناتهن.. واني بوقتهة الله ذب علية جمال مو طبيعي.. يعني الكل يمدح بجمالي بس اليوم غير..

من خلصت الحنة والاغلبية راحو بقو بس بيت خالتي وصديقة زمردة اجتني سوسن.. چنت ابدل بالغرفة

سوسن: يصير افوت
جوري: فوتي

فاتت گعدت عالسرير واني چنت داصفط بثوبي

سوسن: حليانة
جوري: تسلمين
سوسن: شنو ماكو واحد منا منا
باوعتلهة: شنو قصدچ
سوسن: يعني، خطوبة زواج ارتباط
خليت ثوبي بالكنتور: لا'طيبة_الربيعي'
سوسن: شنو السبب
جوري: شنو شنو السبب، الة ارتبط لو اتزوج يعني
سوسن: علة كيفچ اكلتيني وشربتيني
جوري: لا بالعكس غير داجاوبچ
سوسن: يعني مو حبچ الغسان السبب
عصبتني، گوة لزمت نفسي: لا عزيزتي غسان تجربة فاشلة وانشاءالله متنعاد
رفعت حاجبهة: هااا يعني اخوية مو خوش
جوري: والله شتفهميهة افهميهة
گامت: والله اخوية الف من تتمناه بس انتي الظاهر غبية وماكو براسچ عقل، خليچ عنسي احسنلچ