شرقيه الهوى

9.10.11.12.13.14

#شرقية_الهوى
#طيبة الربيعي
~البارت التاسع~

ابتعد عني

جوري بخوف: شبيك

فرك وجهة

جوري: شبيك ثامر
ثامر: ماگدر جوري ماگدر
متت خجل وخوف: شنو'طيبة_الربيعي'
ثامر: ماگدر اتقربلچ تجي امينة بعيني، ماگدر اطلعهة من عقلي وگلبي، اعذريني

بلحظتهة تمنيت الگاع تنشگ وتبلعني.. تمنيت اختفي گد ما حسيت بأهانة وفشلة.. شنو يعني كل السويتة والداسوي علمودة هباء.. غطيت نفسي بالروب شديتة وگمت

جوري: خلاص ثامر مثل متريد
باوعليي اسف جوري مو بيدي
جوري: ماكو داعي تعتذر

چنت احچي وعيوني صارن حمر دم.. اريد ابچي بس من فشلتي ماگدر.. عفتة وطلعت فتت للحمام وگعدت ابچي.. ليش هيچ حظي اعوج لو مجاية لهل دنيا الغبرة مو احسن..

مادري شگد بقيت بالحمام اختنگت من البچي.. غسلت وجهي وطلعت چان ثامر گاعد بالصالة عالقنفة مدنگ راسة وحاطة بين ايديه.. رفع راسة من شافني گام'طيبة_الربيعي'

جوري: رجاءاً ثامر لتبرر ماكو داعي

عفتة ودخلت للغرفة طلعت ملابس ورجعت للحمام بدلت وطلعت.. هو موجود بالصالة علة نفس الگعدة.. اطمنت علة ملوكة يلة تمددت.. يمكن الليل كلة اني عيوني مبطلن بچي.. همزين بعد مدخل للغرفة.. ياريت ماشوفة ولا يشوفني بعد..

فزيت الفجر علة صوت ملاك تبچي.. رجعت نومتهة وگمت وية الأذان صليت ودعيت من ربي يسهل امري ويريح بالي.. ماريد احبة واتأذة مثل ما غسان اذاني.. الصبح صحيت علة طگطگة بالغرفة.. فكيت تك عين شفتة يطلع اهدوم من الكنتور..

سويت نفسي نايمة وعبالك جسمي نحلان صابني كسل مو طبيعي.. مو سهلة تتأمل وتتأمل تالي تنصدم بفشلة عمرك.. مادري بنفسي رجعت نمت الة لمن ملوكة گامت تبچي.. لگيتنهة غرگانة بزواعهة هاي شبية اني غير اخلي بالي يمهة..

گمت غسلتهة بس لازم اسبحهة.. خابرت امي وفتحت كامرة وياهة علمو تعلمني.. ماما تگلي الخطوات واني انفذ.. ملوكة فرحة متنوصف.. بنية اجتني بدون لا الم الحمل ولا الم الولادة الحمدالله الله عوضني بيهة..

قررت اكون باردة واحاول اتعامل ويا طبيعي.. خلي يبقة عايش علة ذكرى مرتة واني اربي هل بنية اكسب بيهة اجر واتونس عليهة..'طيبة_الربيعي'

رجع من الدوام الظهرية چنت توني غاسلة مواعين الأكل مال غدة تغديت وية اهلة.. نزار وزوجتة طلعو ورة صلاة الظهر.. دخل

ثامر: السلام اعليكم
جاوبتة بدون ماباوعلة: وعليكم السلام
ثامر: شلونكم
جوري: الحمدلله زينين
ثامر: شمسوين غدة
جوري: تمن ومرگة
ثامر: مرگتيش
جوري: سمچ

راح للهول اسمع صوتة يحچي وية اهلة.. صبيتلة بين ما بدل ونزل.. قبل ليلحگ يحچي وياية صعدت.. لگيت ملوكتي گاعدة وتبتسم.. يگولون مرات الطفل من يضحك من وحدة يعني هاي الملائكة ضحكتة.. مادري يگولون والا شلون تضحك وحدهة..