#شرقية_الهوى
#طيبة الربيعي
~البارت السابع~
بقيت صافنة عليه هذا شگعدة.. خلاه علة اذنة من سمع حچي غسان باوعلي فاك عينة.. سمع شوية تالي سدة وباوعلي
ثامر: ليش جاوبتي
جوري: مادري بي هو عبالي وحدة من صديقاتي
ثامر: واليوم عرسچ اجاوبين علة صديقاتچ؟؟؟ تريدين الناس تكشفنة؟؟!!
جوري: صوتك هاي شبيك البنية نايمة
ثامر: وليش تبچين شنو تحبي؟
من سألني هل سؤال عگد حاجبة.. وصراحةً خفت من نظرتة
جوري: مابچي عليه
ثامر: لعد عليمن
جوري: مادري ثامر مقهورة بس مدابچي عليه والله
دگ غسان مرة ثانية.. ثامر فتحة مدري شسوة بي وانطانياه'طيبة_الربيعي'
ثامر: بعد اي رقم غريب يدگ لجاوبيه، هسه انتي بذمتي ومامسموحلچ تحاچين لا غسان ولا غيرة مفهوم!
تعجبت من كلامة.. شنو ناوي يقيدني.. داگلة مادري بيه هو
جوري: اعتقد اني چبيرة بما فيه الكفاية، اعرف شلون اتصرف ثامر ماكو داعي تكلمني بهل طريقة
ثامر: شو لسان جوري خير، من اگلچ شغلة تگليلي اي لتلاسنين
جوري: ماشي اعتذر اسفين
عفتة وگمت
ثامر: ويين
جوري: للحمام
طلعت وسديت الباب.. تمددت عالقنفة وحاولت انام.. شوية وطلع من الغرفة اني نايمة مقابيلهة
ثامر: شو نايمة هنا
جوري: اخاف ازعجك گلت انام هنا احسن
ثامر: هاي شنو، دگومي بابا نامي جوة
جوري: لا والله اني هنا مرتاحة'طيبة_الربيعي'
ثامر: عود زعلتي لو شنو
جوري: علة شنو ازعل مسويتلي شي حتة ازعل
ثامر: لعد گومي
جوري: شبيك ثامر داگلك مرتاحة هنا
ثامر: براحتچ
ورجع طب.. نمت وصحيت الفجر علة صوت.. گمت لگيت علية غطة.. يمكن صلاة الفجر صارت.. رحت للغرفة لگيتة يصلي.. اني هم رحت توضيت وصليت..
كملت گلي
ثامر: تقبل الله
جوري: منا ومنكم
ثامر: جوري لتزعلين مني ماقصدت شي ترة
جوري: لا يمعود علة شنو ازعل من حقك تضوج، واني گتلك لو ادري هو ما اجاوب وبچيت لان تذكرت السواه وياية
ثامر: زين اني لحد الآن ماعرف ليش اطلگتو شنو السبب
جوري: خيانة
فك عينة: خانچ؟
جوري: وعلة فراشي، چنة ساكنين ابيت وحدنة وبيومهة كل ضني هو بعدة مجاي من السفر لان گلي بليل اوصل، فااني مگتلة راح اروح للبيت علمود اسويلة مفاجئة، ومن رحت للبيت لگيتة وية وحدة علة فراشنة
احترگ گلبي من حچيتهة.. دنگت بس مبچيت يمكن لان تعودت صارت عادي
ثامر: طيح الله حظة، هذا عار مو رجال، العندة هيچ وحدة هم يفكر يخون
ضحكت: يخون ليش لا قابل اني نبي
ثامر: هذا متبطر علة نعمة ربة، بس عيونچ الخضر مكفيات وموفيات
أنت تقرأ
شرقيه الهوى
Romanceمنقوله للكاتبه طيبه الربيعي... شرقية الهوى أنا يا آدم.. لا تكفيني تُرهات الكلام.. ارني افعالك اريك جانبي المناسب لها.. ماذا تفعل انثى شرقية الهوى إن خانها زوجها.. حبيبها.. و أبٌ لِطفلها الذي لم يولد؟
