#شرقية_الهوى
#طيبة الربيعي
~البارت السادس والعشرون~
هيثم: وبرأيچ هذا حق؟؟
جوري: اي حق، خلي هو يخلف من ذيچ يوالمون بعض ثنينهم خونة
هيثم: مابينة وبينهة شي، متعرفين الصار شنو لتحچين بكيفچ
جوري: ههه ها شصار هم ازوج عليهة بالسر
هيثم: لتصيرين طفلة وتحچين حچي فارغ
جوري: هيثم ماريد اسمع باسم ثامر بعد لجيب طاريه گدامي ترة تعبتوني خلوني انساه لحد يذكرني بي يكفي السواه بية
لزم ايدي: حبيبتي جوري انتي اختي واني مستحيل اضرچ، من داحچيلچ عليه مو معناتهة اريد اضوجچ بالعكس خلي ابالچ لو ماعرف ضروفة شنو وشنو الدفعة يسوي هيچ ماجي اقنعچ عالقليل يحضر ولادتچ ويشوف اطفالة، الولد يحبچ ورايدچ بس براحتچ اذا متريدين ترجعيلة لترجعين بس فكري باطفالچ، فكري بملاك الطفلة تعودت عليچ حتة لو مو بنتچ
هو يحچي واني گلبي وية كل حجاية ينعصر عصر.. بس من جاب طاريه ملاك غييييييير عبالك داس علة گلبي.. هو اني گلبي شبقة بي.. بس مستغربة هيثم الچان يگلي مستحيل ارجعچ الة هسه يمدحلي بي ويحاول يخليني اتأثر بحبة'طيبة_الربيعي'
جوري باستغراب: هيثم، شنو الخلاك تغير رأيك بي؟ مو انتة الچنت متحلفلة وتحلف متخليني ارجعلة؟؟
تنهد دنگ راسة وسكت.. بقينة ساكتين لعدة ثواني.. بعدها رجع باوعلي وگال
هيثم: لان منطينا مجال يبرر موقفة، خليچ انتي بمكانة لو اني متت
جوري: اسم الله! فال الله ولا فالك
هيثم: نفرض خليني اكمل، متت اني وعندي ولد وامة طايحة حظ ومو گد المسؤولية تعوفين ابني بيد هذا وذاك؟؟
جوري: اكيد لا واحطة بعيوني، بس يا اخوية العزيز الي موصلكياه الاستاذ انو اني گتلة اخلي بعيني جيبة يمي اني اربيه بس هو اصر امة الي لازم تربي حرام
هيثم: اكيد حرام شنو تريدي يحرمهة منة؟ تقبليهة علة نفسچ انتي؟؟؟
جوري: اني اذا محترمة نفسي وخوش انسانة ماالة حق يحرمني منة، شتترجة من وحدة تتزوج حماهة وبعدة تراب زوجهة رطب والسنة مالتة مدايرة؟؟ هسه الحق صار علية وهو ابو الحق؟؟؟
هيثم: حتة لو مو خوش انسانة الولد ابنهة ماالچ حق تحچين هيچ لتصيرين باطلة'طيبة_الربيعي'
جوري: شكراً هيثم اطبگ وياه عادي تعودت انخدع بناسي اني
واخذت الماعون وگمت هو گام وراية ومخلاني اطلع
هيثم: خلي ابالچ هواي امور متعرفين بيهة من تولدين استلمچ لتشوفيني متساهل وياچ هسه، لتصيرين باطلة وتفكرين بس بنفسچ
فتح الباب وطلع.. بقيت صافنة شبي هيثم طابگ وياه شو صار ضدي؟؟؟ شنو الحاچيلهياه ثامر ومخلي يگلب علية.. ليش ثامر كريم بس وياهم وفكر بس بيهم واني مفكر بية.. مو يسوي الغلط ويضم علية ومن اعرف يتندم ويدور سماح..
هو لو يحبني چان وصلني خبر طلاگة منهة ورة عركتنة.. بس انانيتة سيدة الموقف..
بقيت الليل كلة افكر.. كل فكرة اجت ابالي نهايتهة الطلاگ.. كافي تأذيت هواية وبما فيه الكفاية.. اني انسانة عندي مشاعر وعندي طاقة تحمل متبقة طول العمر..
أنت تقرأ
شرقيه الهوى
Romanceمنقوله للكاتبه طيبه الربيعي... شرقية الهوى أنا يا آدم.. لا تكفيني تُرهات الكلام.. ارني افعالك اريك جانبي المناسب لها.. ماذا تفعل انثى شرقية الهوى إن خانها زوجها.. حبيبها.. و أبٌ لِطفلها الذي لم يولد؟
