ايلول

4

ايلول
نمت وحلمت ماما وبابا فرحانين بية وانطوني بأيدي شريط وردي بس من ردت اخذة كعدت من النوم
ايلول:يربي شنو صاير وگلبي يدك بسرعة الساعة 9 صبح نزلت لكيت بس فريال كاعدة
ايلول:صبح الخير
فريال:صباح العسل يا عسل
ايلول:شنو محد كاعد
فريال: ههاي ضحكتيني كولي محد نايم الولد راحو وي عمج للشركة
ايلول
ابتسمت الهة ورحت شربت مي وطلعت للحديقة شوي رياضة  وشفت سيارتي ابتسمت لا ارادياً رجعت دخلت بدلت ونزلت لماما
ايلول:ماما خل نروح انا وياج للشركة ونكبس عليهم
فريال:يوووو ما بية
ايلول:حبابة ما اندل
فريال:خابري حمود هو يدليج
ايلول:يا حمود منهم هم ثنينهم حمود 😑
ايلول:ههه اقصد احمد
ايلول:ماشي باي
فريال:كلي للسايق يوصلج
ايلول:لا اعرف اسوق
فريال:ولج يا تعرفين هو بس مرة سقتي وبليل محد بلشارع
ايلول:بستهة وطلعت بسرعة لا تخافين مايصير شي رحت ركبت وامشي علكيفي وخابرت احمد
احمد:شعجب كاعدة من وكت ساعة 10 صبح
ايلول:دليني شركة جايتلكم
احمد:عابت علساس سعدون(السايق) مايندل
ايلول:اي سعدون يندل بس انا ما اندل يلة ترة وصلت المنطقة
احمد:نعلةعلة يومج طالعة بسيارتج الازدحامات وين انتي
ايلول:انا ب........ وين مكان الشركة
احمد:طيح الله حضج شوداج افتري وتعالي بمنطقة ........... يم............ مقابيل..........انتضرج
(ملاحظة//...........مو سب هاي اسم المكان😂مجرد توضيح))
ايلول
وصلت هناك ولكيت احمد واكف جوة بناية عالية وجبيرة الله يعني هاي مالتي
احمد:صخلة صار ساعة من دليتج وين وليتي انحمست بلحر
ايلول:عادي فدوة الي
احمد:امداج يلة فوتي بس انطي سويج لفريد خلي يصفهة الج انطيتة سويج ودخلت ديكور رائع وراقي ومكاتب محوطة بزجاج شفاف صعدنة بلمصعد
احمد:فشلتينة جاية شركت الخلفوج وما تندلينهة
ايلول:لعد لو تدري صارلي بس كم يوم يلة عرفت شركة الخلفوي😂😂
احمد:اوووف اوووف عاتب علة الوزارة شلون سوتج دكتورة
ايلول:حطيت ايدي علة راسة ولكت لان هذا جبير وعيبت علية😝😝 انفتح المصعد وشفت ناس واكفين بسرعة وخرت لان عيب مدير بلشركة وهيبة اسويلة هيج😅
رحت لمكتب عمو جبير وواسع وبي بلنص طاولة اجتماعات واكو تمثال اسد جبير ورة المكتب ولون الديكور اسود و ذهبي روعة
عمو:هلة هلة وانا اكول اليوم شركة منورة طلعتي انتي جاية
ايلول:شكرا عمو منورة باهلهة
عموو:اي غير انتي اهلهة
كلعادة جوابي هو الابتسام وبس
عمو:اي صح ذكرتيني محضرلج سفرة لاميركا وي الولد تتونسين وترجعين
ايلول:واااو شكرا عمو بس وعدتني تاخذني لقبر اهلي شكلك نسيت
عموو:اييي صح يلة احمد باجر توديهة لنجف وتبات هناك وترجعون
احمد:علة بختك حجي تريد تورطني بيهة
ايلول:اصلا بوس ايدك وجه وضهر راح اجي وياك
عموو:ولله لو ما مشغول انا اخذج وانا الممنون بس مشغول شسوي  بين حلالج وبين شركاتي
ايلول:لا عادي عمو احمد حباب هو يوديني
احمد:اي اي حباب
عمو:يلة طلعو عندي شغل
ايلول:يلة احمد خوش طردة خل نطلع
طلعنة من المكتب ورحنة مكتب احمد
أحمد:متريكة لا
ايلول:لك لا ولله ممتريكة حمووت من جوع
احمد:عابت جنج فيل مسوي رجيم امشي اريكج حتى انا ممتريك يلة امشي لا تموتين علينة شضعفج
ايلول:اولا ماكو فيل يسوي ريجيم ثانيا انا مو ضعيفة انا رشيقة وعابتلك ماشي
احمد:تولين لو ابطل
ايلول:لا لا خلص كايمة
احمد:اوديج مطعم شلون مطعم شعبي اوكلج لفا مخلمة تخبل
ايلول:يععع ولك ما اكل بيض امشي وديني مطلعم بي خيير
احمد:عابتلج امشي نزل
ايلول:اي يلة نازلة
نزلنة ورحنة مطعم حلو وناكل وهو بس يحشش علة اكلي لان نباتية
احمد:اي عيني دكتورة ايلول تدرسين هنا لو برة
ايلول:لا هنا ادرس احسن ما اريد برة
احمد:ليش برة احسن
ايلول:اريد هنا وخلص
احمد:اوي عيني عصبت خاف عندج احد وما ترديت تفاركينة😉😉
ايلول:اي توني شفت عدكم بلشركة بنكالي قصير عجبني لابس قميص برتقالي خبلني بقميصة
احمد:ها تقصدين اشرف عجبج اي حتة هو عجبة قميصج والضاهر حط عينة عليج وهو خوش رجال مابي عيب بس طولة متر الة شوي
ايلول:ه ه ه اني اتشقلب من ضحك ه ه ه 😒😒
طلعنة من المطعم ورحت اشتريت حجاب وعباية حتة باجر نروح للنجف
رجعني احمد للشركة وانا اخذت سيارتي ورجعت وصلت المنطقة مالتنة ومتعجبة بيووت عالية وجبيرة بس ماكووو اي حس ولا صوت شسالفة محد ساكن بيهة صافنة باوعت للطريق وشفت بنية شابة فجئة ضربت بريك قبل لا اوصل يمهة بشبر تقريبا
ايناس:عمية متشوفين جا موتيني وبعدني حتة ما تعرفت علة المصخم فارس احلامي
ايلول:ءءء ولله اعتذر بس انتي واكفة بلطريق بنص شارع
ايناس:هللة هللة تحاسبيني وانا واكفة اباب بيتنة
ايلول:انتبهت انو انا كبال بيتنة و كتلهة بس هذا بيتنة
ايناس:وانا هذا بيتنة وتئشر علبيت المقابيلة
ايلول:ههههههه يلة همزين طلعنة جيران خوش موقف حتة نتعرف
ايناس:شنتعرف ما دكليلي بلله داعمتني شكل للمكرود الي راح يصير زوج المستقبل ومرتة رادت تتموت
ايلول:اهووووو هسة شتردين من الاخر موتيني بزوجج
ايناس:ياااا فوك ما ردتي ادعميني تعلين صوتج علي انا ايناس بنت...... تعلين صوتج علي
ايلول: ماشي المطلوب شنووو
ايناس:ما اريد شي بس اعتذري
ايلول:خلص اسفة بس فكيني
ايناس:😒😒
رجعت ركبت وهي متبسمرة(ثابتة)بمكانهة انطيتهة هورن خلاهة تنسهة روحهة
ايناس:وووجع
عيبت عليهة😛😛 ودخلت البيت
صعدت غرفتي ونمت بملابس اعشق نووووم عشق موووت نمت وحلمت شريط طويل بالارض لون وردي ردت اخذة كل ما اخذة يبعد لحد ما شفتة بأيد اهلي ردت اخذة مدرت ايدي وفزيت من نومة أستغفر الله بسس يربي شنو هل شريط شفت فوني ساعة ستة وربع  الفجر  يبووووي شهل نوم فوك ال10 ساعات كعدت غسلت وجهي وبدلت بنطرون وقميص ولفيت حجابي ولبست العباية مال راس طلعت نازكة علي نزلت لكيت احمد يتريك
احمد:اووووو هاي شنو شطالعة حتة بلعباية تخبلين عود ردت اخلص واكعدج عبالي ما تتريكين
ايلول:لك يا ريوك انا ميتة جوووع انا ناممتغدية ولا متعشية البارحة
احمد :اييي طبعا البارحة جوري شوية وتركص يمج مثل الهنود الحمر وماكعدتي  عبالك ميتة انا اكول عيونج هيج طلعت ماخذة قالب
ايلول:ههههه
كعدت لحد ما شبعت طلعنة انا واحمد للنجف بسيارتة خلصت الطريق نوم بس كعدت علة طسة كسرت الحوض يمكن وصلنة للنجف ودخل السيارة بلكراج وتوجهنة للمقبرة اتصل علدفان واجة انطيناه الاسماء ودلانة علة القبرين جانو يم بعض وعمو بانيهم ومرتبهم انا شفتهم ما تحملت كعدت بنصهم ابجي واسولف
ايليول:أذتكم النار....انتو زعلانين علي موو...زين شلون وليش؟؟ ماما جسمج الحلو النار اكلتة وحركتة بابا طولك الحلو صار جوة التراب ما شبعت منكم اشتاقيتلكم هواااااي صرت يتيمة بعدكم ماما صرت دكتورة تمنيت انتو يمي واحضنكم واشم ريحتكم اتمنة ارجع قبل وما افارككم لو ادري نار تاخذكم مني چا ماعفتكم ولا لحضة لييش ياربي طفلة ست سنين شنو ذنبي اشوف اهلي وجثثهم سودة ليييش زين اخذوني يمكم اذا اكدر احضنكم وانام بنصكم اخذوني ولله تعبت وانا احاول اذكر شلون جانت ريحتج يا يماا ولله دنيا ما تسوة اعيش بيهة وانتو مو وياي تمنيت انتو تباركولي بنجاحي انتو چاي تحسون بية موو شوفو شلون كبرت وصرت حلوة مثل ماما
انهاريت وماكدر اعبر عن الي بداخلي شنو من گلب املك 6 سنين وجثث اهلي محروگة كدامي 6 سنين واسمع صريخ امي والنار تنهش جسمهة ابجي بشكل هستيري لحد ما اجة احمد وسندني وكفني علة رجلي قريت الفاتحة الهم وغسلت قبورهم وطلعت ورحنة لسيارة وركبني سيارة
احمد:كافي فدوة لهلعيون يا خيتي لا تبجين مو فتيتي لكلبي
درت وجهي لاحمد وعيونة حمرة مبين باجي وزدت بجي هوة باس راسي وشغل ورحنة للامام هم حط سيارة بكراج مايصير نروح بيهة تقريبا مسافة طويلة وهو ايدة بيدي وصلنة وبدت تبين القبة مالت الامام اول مرة من بعد وفاة اهلي اجي ازور وثاني مرة بحياتي كلهة
حسيت......... يتبع!
*****************************************
توقعاتكم؟؟
150 فوت واكمل!!
لافيو☺