ايلول

5

حسيت اني جبل هموم وكل خطوة اخطيهة يخف الجبل لحد ما افترقنا انا واحمد ودخلت زرت وصليت وطلعنة لفندق غرفة الي والاحمد منفصلين لان ممنوع لاهو زوجي ولا اخوي ميعودلي شي دخلت للغرفة ردت بس انام حتة احلم بيهم بس ما نمت ليش ياربي اتصلت علة احمد
ايلول:احمد
احمد:يا عيون احمد امري شتردين
ايلول:جوعانة
احمد:يلة نزلي اغديج
نزلت انضرت احمد اجة ورحنة تغدينة وافترينة شوي وطلبت من نرجع بس ما قبل لا حيصير ليل بتنة بلفندق الفجر دكيت عليه
ايلول:احمد
احمد:وسم شتردين من فجر الله
ايلول:يااااء مو البارحة جنت عيونك
احمد:البارحة غير جنتي خطية اليوم لاء يلة بسعرة شتردين اريد انام نعسان
ايلول:كوم خل نرجع لبغداد
احمد:مو هسة شوفي ساعة5 صبح
ايلول:احمد حباب ولله ما نايمة اريد ارجع ما اريد ابقة
احمد:ماشي يلة نزلي خل نطلع
نزلت واحمد يدردم تريكنة حتة يصحصح وركبت سيارة بس تحركنة شوي غفيت حلمت ماما وبابا يلفون الشريط الوردي علة ايدي وفرحانين كلش وانا هم فرحانة كعدت من نوم لكيت نفسي بجربايتي بس بدون عباية وحجاب  كعدت متكسرة من البنطرون سبحت حتة ترخة اعصابي شوي بدلت ونزلت
احمد:شلون صرتي
ايلول:تمام
محمد:هو العتب عليج لو علة الي انطاج هيج عيون تخبل شلون تأذيهم ترة انا ما اقبل علة هل العيون تزعل لو تبجي فديت العيون وصاحبتهة لا تزعلين نفسج يا احلة اخت كلشي يهوون الدنيا ما تسوة تزعلين
ايلول:كلعادة ابتسمت
مرت ايام حلوة وايام عادية ماكو جديد
(ملاحظة//راح اختصر شوي)
خلال شهر
علاقتي بايناس قوت وصرنة صديقات انا واحمد ومحمد الي يشوفنة يكول اخوان من صدك ايناس طلعت انا وياها نفس الكلية خل احجيلكم شوي عن ايناس .......... ايناس بنية طويلة شعرها اسود قصير لرقبتهة عيونهة زرك معرف سمائي ما اعرف شلون البحر وجهة ابيييض طويلة وجذابة تجذب المقابل عقدتهة فارس احلامهة تدور ليل نهار عن فارس احلامهة من كد ما خالاتهة يكلولهة عنستي ما تزوجين وهي عمرهة يادوب 19 سنة بس عدهم البنت تزوج احسن بنسبة لعائلة امهة اما ابوها مسؤل بلحكومة وعدهة اخ ما شايفتة غير مرة او ثنين بس هي حبابة بشكل دائما لو تجيني لو اروحلهة لو نطلع سوة  مرة كاعدة بلصالة واجاني مسج دايركت انستكرام من ايناس
ايناس:ايلول ملل تعاي للبيت اهلي مسافرين يجددون شهر العسل تعالي خل نتونس شوي وندردش

شعجب ايناس ماكلتلي اهلها مسافرين وليش دايركت تحاجيني واتساب او تتصل زين تجي يمي ...يلة علعموم صعدت لبسا بينصل اسود وفوكة قميص احمر شد وجان الجووو شتاء برررد لبست فوكة قمصلة قصيرة لان هي بيتهم كلش كدام بيتنة نزلت وكفت اباب البيت اتصلت ما ترد شسالفة مغلق دكيت 5 مرات دكيت الباب طلع مفتوح يلة اصلا متعودة ادخل نزعت الجاكيت علكتة بلكلدور اكو تعلاكة مال قماصل مفاتيح دخلت اصيح
ايلول:ايناس.... ايناس انا اجيت ناهدة(الخدامة) صعدت للغرفة مال ايناس بس فتحت الباب بسرعة انسحبة ايدي وانشمرت علسرير وانطفة الضوة مال الغرفة انحطت ايد علة حلكي وبطريقةمقززة ووحشانية اعتدة  علي  لا كدرت اصرخ ولا شفت منووو بس دموع تنزل ضليت ابجي واحاول اصرخ بس ما اكدر احاول ادفعة امنعة ما اكدر ضخم كلش ابتعد عني راد يرجع يعتدي علي بس مديت ايدي واخذت المزهرية يم السرير علة شكل بطة وضربتة براسة ووكع بس ضل جزء من تمثال بيدي  ضل فوكي ومختنكة وجنت اشهك شهكات طويلة  لدرجت ينقطع النفس عندي دفعتي عني بلكوة ووكع علسرير يمي سمعت صوت حركة حسبالي رجع كعد ضليت اضرب بباقي التحفية علة وجهة بكل قوة  عندي فتحت الضوة وشفت المنضر صرخت وجهة متشوه كدرت اتعرف علية هذا اخو ايناس مات... قتلتة بيدي موتة قتلت بني ادم ماكو نفس ساكن ضليت واكفة ما تحركت لفترة كدرت استوعب الصار خفت بلحضتهة تخيلت تدخل الشرطة وتحط الكلبشات بيدي ويعدموني ضليت افكر  نزلت جبت اكياس كبار ولفيت الساعة والميت الكزاز ونزلت لبست كفوف مال غسل ولكيت كلنكس مرطب مال ايناس وامسح شكو شي كضيتة بأيدي من يدات الباب وحتة السرير حاولت انضفة والمحجر مال الدرج وابجي بحركة كلشي مسحتة  ضليت اباوع علجثة خاف اكو فد شي يوصل الي والكيس مال الكزاز والساعة بأيدي اتذكرت عدهم كاميرات رحت حذفت جزء الي دخلت بي للبيت وطفيتهم حتة لا تسجل خروجي طلعت ونزعت الكفوف وحطيتهم بلكيس اشوف وجهي مبين باجي وصاير شي  طلعت حطيت الكيس بصندوك السيارة دخلت البيت جانو بلمطبخ البارد يتعشون صعدت للغرفة نزعت ملابسي خليتهم بكيس ودخلت اسبح واغسل بقوة وابجي صرت مجرمة انا مجرمة قتلت انسان انا مووت شخص بأيدي طلعت من الحمام بسرعة خفيت الكيس ورحت للسرير ردت انام او اسوي نفسي نايمة غفيت وحلمت اهلي واكفين مسافة عني وزعلانين ويباوعون الايدي اباوع واشوف ايدي كلهم دم والشريط صاير احمررر
من كد الدم فزيت من نوم ما اريد انزل احس كلهم يعرفون انا شسويت تكئبت وحالتي النفسية صارت زفت وبس ابجي حارو بية عمي واماما واحمد ومحمد مايعرفون شيسوون دكتور نفسي وانواع التحاليل ما عرفوا شنو علتي اكياس اكياس ادوية مرة بليل نايمة وحلمت اكو صندوك جوة سريري بنزف دم فزيت مرعوبة  فتحت ضوة ونزلت اباوع تحت سرير شفت الكيس مال ملابسي  طلعتة شفت ساعة 3 الفجر اخذتة وخليتة بصندوك السيارة وطلعت لغير منطقة بعيدة شوي وشمرت الاكياس والطريق كلة ابجي رجعت لكيت محمد كاعد
محمد:ايلول وين رحتي
ايلول: طلعت اشم هوة
محمد:والي يشم هوة ساعة 3 الفجر
ايلول:كعدت مخنوكة طلعت شوي
اجة حضني
محمد:بس لو اعرف شبيج ادفع نص عمري حتة اخلصج من الانتي بيه جنتي حتة للهوة تبتسمين شبيج هسة احد مئذيج  ماكو اخ يتحمل يشوف اختة هيج وما بيدة شي يسوي شلون بيج ايلول شلووون
حضني وانا ابجي
ايلول:اروح انام تصبح عخير
محمد:وانتي بخير
وانا اصعد صاحني محمد
محمد:ايلول
ايلول:درت وجهي عليه وكال كلمة خلتني ارجع ابجي
محمد:اتمنة تكعدين الصبح ترجعين ايلول اختي
*****************************************
توقعاتكم؟؟
بقلمي:3rooba
لافيو☺