• APHRODITE •

الفَصلْ السَادِسْ

ياسين:"هو إنتوا جيتوا هنا ليه"
شريف ضحك بسخرية:"انت مجنون فعلاً بقى، ناس جايين مصحة نفسية هيكونوا جايين يتفسحوا مثلاً!"
ياسين توتر و تحمحم:"لأ انا اقصد ايه حالة كل واحد فيكوا يعني، ايه السبب اللي جابكوا؟"
مالك بسرحان:"عشان مجانين"
ندىٰ بإندفاع:"لا لا احنا مش مجناين، هـ-هما شايفنا مجانين، بس احنا لأ مش مجنانين، احنا اعقل منهم، بس كل اللي فيها اننا شايفين الدنيا على حقيقتها" اتنهدت بخيبة أمل"فأفتكرونا مجانين"
آدم:"مجانين مجانين، كلنا واحد، مجنون عاقل اهو كلنا هنموت في الآخر، و بعدين احنا مجانين فعلاً"
ياسين:"طيب مش هنتعرف على بعض..أنا ماعرفتش إلا اسم عزة بس" و ابتسم لعزة..
بعد فترة من السكوت...
:آدم
:ندىٰ
:ميرال
:يوسف
:شريف
:تمارا
:چاسمين
:حسين

#ياسين
كلهم نطقوا بأسمائهم إلا الإتنين اللي قاعدين في الزوايا، ولد و بنت، من أول ما دخلوا و كل واحد قاعد بعيد و منكمشين على نفسهم، مابيتكلموش لدرجة ان نفسهم يكاد يختفي، بس لازم أعرف مين دول..

ياسين تحمحم:"هو مين الإتنين اللي هناك دول؟"
ندىٰ ببرود:"دي مايان و التاني ماعرفوش"
كلهم بصولها بإستغراب، هي عرفت منين اسمها؟
ندىٰ:"ماتسغربوش، كانت معايا في نفس المبنىٰ، كنت بشوفها أوقات الزيارات، بس ماتحاولش معاها يااا"
شاورت على ياسين و كملت:"اه صح ياسين"
ياسين تحمحم:"يعني هي كدا على طول؟"
ندىٰ:"اه هي على طول ساكتة كدا و ملامحها باردة مابتتحركش، من ساعة ما شوفتها و هي كدا، قولت انها شبهي في الأول، أصل...
ياسين بتساؤل:"أصل ايه؟"
...:"أصل احنا مفيش حد بيزورنا"

********
كَرَآامِيلَية🍭💙.