اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ياسين في صوت جاي من الزاوية، تحديداً من ناحية مايان ،ماستغربتش من انها اتكلمت على قد ما استغربت من ذهول ندىٰ مِن الموقف!
مايان بنفس الملامح الباردة:"عشان احنا مفيش حد بيزورنا" ندىٰ بدهشة:"م-مايان!!..نطقت!..دا أنا افتكرتها خرسة!" ميرال ضربت ندىٰ في كتفها كنوع من أنواع التنبيه، بس لسة ياسين عنده فضول أكتر يعرف مين الشخص اللي في الزاوية التانية دا!
#شريف لاحظت تركيز ياسين مع الكائن اللي قاعد هناك دا، ماعرفش ليه ياسين دا محسسني ان احنا اعضاء مجلس شعب مش شوية...مجانين. شريف قرب من ياسين:"فُكك منه شكله مش بيتكلم" ياسين:"ما مايان ماكنتش بتتكلم و نفس حالته دي، بس اهي نطقت و سمعنا صوتها" ياسين قام و مشي بإتجاه الشخص دا بهدوء.. و لما بقى مافيش الا خطوات بسيطة بينهم قام الشخص دا و هجم على ياسين و مسك في رقبته كأنه بيحاول يخنقه.. :"ابعدوا عني بقى، امشوا و سيبوني زي ما كل الناس سابتني، ليه مُصّريين تضايقوني، أنا ماعملتش حاجة، ماكنش بإيدي، هما اللي عملوا كدا" كل دا كان وسط محاولات من عزة و آدم و ميرال بأنهم يبعدوا الشخص دا عن ياسين بأي طريقة، بينما الباقي كانوا قاعدين ولا كأن أي حاجة بتحصل.. و أخيراً الشخص دا ساب ياسين بعد ما كان هيموت في إيده، و دخل في حالة من العياط و الانهيار العصبي، و اتجه ناحية عزة، و دا وترها إلى حدٍ ما.. :"أنا مش مجنون، صدقيني مش مجنون" عزة:"اا أنا عارفة، مفيش حد فينا مجنون هما اللي شايفنا مجانين، مايعرفوش ان هما المجانين اللي بجد" بس لفت أنظار الكُل سرحان الشخص دا في عزة لدرجة ان اللي يشوفه هيفتكره اتجمد و اللي شد انتباههم أكتر انه اتحول في دقيقة من وحش لطفل..قدامها.
