اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
~ ياسين
بعد صمت دام لفترة مش قصيرة، قطعت ندى الصمت بالغُنا، و تتابعنا كلنا في قطع حاجز الصمت دا معاها.
ندى:" كَان مِن زمان نفسُه يعيش وحدُه و خوفُه بيخدعُه، إن الحيَاة و النَاس بطبيعتُه لَا يُمكن تقبلُه، و لقَى أَخيرًا شخصْ يخَفّف عنه، جَسِّد فيه حُب الناس اللي إتحرَم مِنُه "
شريف:" قُولي حسيت فِي يوم إنك زيادِة حِمل، زايد تخجَل مِنه أو كِمالة ماحدِش فاهمُه و الناس بتشوفُه بتبعد، حتّى المخدة شِربت دمعُه لحد ما تقلت "
چَاسمين:" منفي عايش جوا حدود مساحتُه، أسعَد أوقَاته لما يكُون لوحدُه، إنطوَائي مُنعزِل عن الحياة، بيخَاف مِن كتَاب الدُنيا إسمه دايمًا فِي الهامِشْ مِش متشَاف "
" مُجتمَعهُم مش عايزنِي، فَأنا هعمِل واحد ليَّ، هل اللبس قانون انتهكتُه عشان تُحكمُوا عليَّ، ما أنا لازِم أكون زيكم عشان أعرَف أعِيش وسطكُم قَبل ما تحاكمُوني بكونِي نفسي حاكموا نفسكم "
حسين:" ماكنش فاهم إنْ المُجتمَع قطِيع لو فرد واحد اتخلف عنه يتوه يضيع "
آدم:" لقى إنه لازم يلاقي حد جنبه، فقام قال أنا مش هكون وسطيهم مسخ إلا الإستسلام "
ميرال:" و يشعرلك شعور كافر بكل عقيدة نسياكي، كشبه صنم بيعبد له بكل الحب يهواكي "
تمارا:" كأن العشق كان منك، و إن الحب كان ليكي، كحب المرحلة أو العمر كماسة خشب و شاريكي "
مالك:" أنا عملت بإيدي صنم و حبيته، تعرف لو كان بإيدي كنت حييته و صحيته، هو مابيتكلمش ياما بس بيسليني معاه، كنت بتحسن بقربه مني بيقويني، بقيت مابخافش من التعامل، بقيت بحكي بقيت بقول، كنا بننزل ياما مع إني مابحبش النزول "
مايان:" يااه لما بكون معاها، بكون بضحك على طول، بكون حد أحسن بكون مش مفصول "
يوسف:" بس ليه كل ما بشوفها بلاقيها بنفس الوش، و ليه لما بكلمها بتبقى ساكتة ماتتكلمش "
هاني:" جاوبيني..هو أنتي كنتي وهم، كنتي من نسج خيالي..مش حقيقة، مش شجن، أنا اللي كنت بغيَّر نفسي كل ده مش إنتي، أنا اللي وصلت لكدا بدونك هه فهمتي ! "
عزة:" أنا تمام صاغ سليم و مش مريض نفسي، أنا اللي كنت خايف أقوم بس قُمت بنفسي "
الكُل " كَان مِن زمان نفسُه يعيش وحدُه و خوفُه بيخدعُه، إن الحيَاة و النَاس بطبيعتُه لَا يُمكن تقبلُه، و لقَى أَخيرًا شخصْ يخَفّف عنه، جَسِّد فيه حُب الناس اللي إتحرَم مِنُه. "
الإبتسامات اترسمت على وشوشنا كلنا، كلنا إتجمعنا على حاجة واحدة، كلنا شاركنا في شيء واحد، حتّى لو كانت مجرد أغنية، بس أنا متأكد إن الأغنية دي ماغنوهاش من فراغ، كل واحد قال الجملة اللي شاف نفسه فيها، حتّى أنا..و دا بيثبت لي أكثر إن ولا واحد فيهم مريض، اللي برا هما اللي مجانين.
