☆الحفله
جه يوم الحفله وكان المكان جميل بتصميم شهد الهادي وبدات الحفله وجه الضيوف وكانت نظره الاعجاب في عيونهم في الوقت ده كان آسر واقف مع شهد وفارس
شهد بابتسامه:الحمد لله الواحد ارتاح
آسر:مبسوطه عشان تصميم المكان عجب الناس
شهد:متتخيلش انا ببقا علي اعصابي ازاي لحد ماالحفله دي تخلص
آسر:يااه شغلك صعب كده ده انا فكره سهل
شهد:لا طبعا شغلي مش سهل ومش صعب
فارس:عقبال لما استريح انا كمان
آسر:حتي انت يافارس
فارس:انت يابني كل الشغل عندك سهل انا اصعب منها انا متوقف علي الاكل علي سُمعتي علي حاجه ملح ناقص ملح زايد طبق شكله وحش في التقديم
شهد:بجد والله
فارس:والله
شهد:رخم 😝
آسر بضحك:خلاص ياأطفال خلاص العبوا مع بعض
شهد وفارس:اسكت انت
آسر بضحك وحط ايده علي فمه علي شكل سسته وراح قفله 🤐
فارس:هو انت واقف معانا ليه ماتروح اقف يابني مع الضيوف هي مش حفله شركتك دي باين
آسر: هنا تراوه في هواء هنا وبعدين ياعم انا مرتاح هنا
شهد:اسكتوا بقا الناس هيسيبوا الحفله ويبصوا علينا
علي الجانب الاخر كان هناك من يتابع تصرفاتهم وضحكاتهم
جاسر:ادهم
ادهم:نعم ياجاسر
جاسر:انت ملاحظ آسر بيضحك وبيهزر
ادهم:اه شايفه مع البنوته اللي جنبه
جاسر:ماتعرفش مين دي ياأدهم
أدهم:لا معرفش تعالا نروح نشوف هي مين
جاسر:ماشي تعالا بينا نعرف واما اعرف هقرر هعمل ايه
وراح جاسر وأدهم عند شهد وآسر وفارس
آسر:انتم سبتوا الحفله وجيتوا انتم كمان
فارس:والله انا خايف شويا نلاقي الضيوف قعدين معانا
شهد:كله منكم انتم الاتنين
آسر:وانا مالي انتي اللي بضحكيني
شهد:انا وهي بتشاور علي نفسها ماشي ماشي هسكت اهو ولا قاقولك هسبكم وامشي
جت تمشي راح آسر ماسك ايديها
آسر:خلاص خلاص مش انتي اقفي بقا
شهد بخجل:خلاص بس سيب ايدي
جاسر:طب عرفنا يا آسر
آسر بعد ماترك ايد شهد
آسر وهو بيشاور علي فارس :ده الشيف فارس اولا وصديقي ثانيا
ودي انسه شهد مهندسه الديكور
جاسر :اتشرفت بمعرفتكم ياجماعه وحابب اشكركم التصميم جميل والاكل تحفه
شهد /وفارس:شكرا يافندم
أدهم:بجد المكان كله روعه
فارس:من ذوقك يافندم
آسر:واد يافارس انت اول مره شوفتني فيها مقولتليش يافندم
فارس:بس يابابا
آسر:بابا ايه دلوقتي ياعني تقول لاخويا وابن عمي وانا لا مش هسيبك غير اما تقولي يافندم
فارس:مش قايل ورايح المطبخ يلا ياشهد
شهد بضحك:يلا
آسر:وراك علي المطبخ ياحبيبي ماهو هتقول ياعني هتقول
جاسر بعد مامشيوا: انا هتاكد من اللي في دماغي ياأدهم ومش هتردد لحظه اني انفذ
أدهم:خير انشاء الله وانا معاك.
أنت تقرأ
متاهه الحب
Roman d'amourالحب❤انواع ●احبت من طرف واحد واتجوزت اللي بتحبه بس هل هو بيحبها ؟ هل هتقدر تخليه يحبها ؟ ●حب وسبته ؟ياتري هينساها ؟ ياتري كان بيحبها ولا متعلق بيها؟ ●انواع الحب كتير زي مافيه من طرف واحد فيه الحب اللي بيجي من غير معاد بس ياتري هيكمل ؟ ●والمتملك ال...
