متاهه الحب

الفصل التاسع عشر

وبعد مرور يومين علي العزومه  فارس اتصل بآسر
فارس:نموسيتك كحلي ولا أيه. شكل شوشو يا عيني مطلعه عينيك😂
آسر:أيه يا ظريف على الصبح ، أنا امبارح اتقتلت في الشغل و مش قادره قول عاوز ايه عشان ارجع اكمل نوم
فارس:اتقتلت!طب اطلب البوليس😂
آسر:هتقول عاوز ايه ولا اقفل و اكمل نوم😒
فارس:خلاص خلاص😂 ، بكلمك عشان رحلة الغردقة
آسر:غردقة ايه
فارس:لا فوقلي كده يا معلم و صحصحلي انا اللي قتيل الرحلة ديه يا معلم ، احنا مش اتكلمنا في اخر قاعده و قلنا هنطلع نغير جو في مكان فيه بحر، فهنطلع الغردقه اسبوع انا عارف اوتيل حلو هناك و اماكن تحفة و البنات موافقة أسال الشباب و رد عليا
آسر:تمام اما اصحى هكلمهم
فارس:قشطه بس متغطسش اوي يا معلم ،سلام
آسر:سلام ، و رمى الموبايل جنبه على السرير و رمى الغطا على الارض و كمل نوم
فارس في نفسه :معلش يا عم آسر اهو مقلب صغير بس مش لاقي حد غيرك اتسلى عليه الصبح😈 ، و طلب رقم شهد
شهد:فارس ، لمن ندين بالمكالمه ديه على الصبح ، اتخانقت مع ريماس ولا أيه😂
فارس:فال الله ولا فالك يا شيخة ، لا بكلمك عشان أقولك إن البنات وافقوا يطلعوا الغردقة ، ها هتطلعي انتي و جوزك
شهد قامت قاعده على الكنبه و حطت اللاب توب على جنبها :طبعا جايين
فارس:طيب اقنعي جوزك اللي نايم انا كلمته عشان يكلم باقي الشباب و هو راح يكمل نوم ، لو مش هتقنعيه هنطلع بعد بكرة لوحدنا و امرنا لله
شهد:لا طبعا طالعين معاكوا
فارس:طب روحي كلميه يلا
شهد:طيب يلا سلام
فارس:سلامات يا شوشو ، و بعد ما قفل المكالمه قال البس يا آسر😂
شهد اول ما قفلت التليفون من غير ما تفكر راحت على اوضه آسر بسرعة و خبطت الباب تلات مرات و محدش رد قامت فاتحه الباب و بصت لقته نايمه على السرير و ظهره ليها ، ف اترددت و دخلت وقفت و نادت عليه آسر يا آسر ، ف اتقلب على ضهره و بص شاف شهد و فكر نفسه بيحلم بيها فاابتسم وغمض عينه تاني راحت شهد ناحية السرير و لقته رامي الغطا شالته و حطته على السرير و خبطت على كتفه آسر يا آسر قوم بقى ، آسر فتح عينه و بصلها بستغراب و فهم انها بجد في اوضته مش بيحلم ، قام قاعد على السرير بسرعه فهي اتخضت و سحبت ايديها و رجعت خطوين لورا قالها:حصل ايه انتي كويسه
شهد:اه اسفه لو خضيتك
آسر :مسح وشه و شعره بايديه و قالها خير فيه ايه
شهد بابتسامه واسعه:عايزين نطلع الغردقة
آسر بصلها بصدمة :انتي مصحياني عشان كده؟
شهد بطفولية:ايوة يا آسر قوم بقى و بطل كسل انت نايم بقالك كتير يلا كلم ادهم و ادم و قولهم ، فارس الندل اتصل بيا و قال هيطلع لوحده لو مردناش عليه و عمل حسابنا ، و انا عاوزه اشوف البنات وحشوني
آسر:وحشوكي ايه يا حجه انتي لسه شيفاهم من يومين
شهد:برضه وحشوني و عايزه اقعد معاهم يلا يلا عشان خاطري اتصل بادهم و اساله يلا عشان خاطري عشان خاطري
آسر:حاضر يا ستي حاضر ، و مسك التليفون من جنبه و اتصل قامت شهد قاعده جنبه على السرير و لسه الابتسامه على وشها ، و آسر فضل باصصلها لحد ما سمع الرد
أدهم:صباح الفل. انا قلت مش هتصحى قبل الظهر
آسر :هعمل ايه حكم القوي على الضعيف و بص لشهد ،قامت شهد ضحكت ،فكمل هو كلام ، بقولك فارس كان بيقول على الاجازة اللي عاوزنا نخدها و بيقول نطلع بعد بكرة الغردقة و نقعد اسبوع ،كلم ادم و قولي رايكم لو موافقين ااكد على فارس يحجزلنا في الاوتيل
أدهم:انا عن نفسي موافق و مش محتاجين رأي ادم طلاما اجازة يبقى اكيد راشق معانا😂
آسر :تمام هكلم فارس ااكد عليه و اخليه يكلمك في التفاصيل يلا سلام
أدهم:سلام
و أول ما قفل آسر المكالمه نطت شهد من على السرير و هي بتضحك و فضلت تقوله ميرسي اوي يا آسر ميرسي انا هروح اكلم البنات و طلعت بسرعة ،فآسر ضحك و رمى نفسه على السرير و غمض عينيه على ضحكتها
يوم السفر اتقابلوا قدام المطعم و سلموا على بعض ،ادم كان معاه عربيته و ادهم كمان و لانا و روانا راحوا مع فارس و ريماس و شهد كانت مع آسر ، وصلوا الغردقه  و راحوا للاوتيل ، وراح فارس عند الريسبشن و سال على الحجز و جاب مفاتيح الاوض و قالهم انا حاجز ٣ اوض اوضه للبنات و اوضه لينا احنا الشباب
روانا :و التالته
فارس :لشهد و آسر عشان هما متجوزين و طبعا مش هيفضلوا معانا
آسر و شهد:نعم😕
فارس :مالكوا ؟
شهد ردت بسرعة:اصلي كنت عاوزه اقعد مع البنات عشان وحشوني اوي
فارس:ما انتي هتقعدي معاهم طول اليوم مجتش على الليل خليه لجوزك عشان متطلقيش و انتي لسه عروسه😉😂 ، خدي متاح اوضتكوا اهوه
و قبل ما تمد ايديها شد آسر المفتاح من ايده و قال لشهد يلا و شال شنطهم و راح ناحيه الاسنسير و الباقي مشيوا وراهم و ركبوا و كان اوضه البنات و الشباب في دور و اوضه اسر و شهد في دور ،فتح آسر الباب و دخل حط الشنط و بص ناحيه الباب لقاها لسه واقفه و فهم انها مش عاوزه تقعد معاه و قبل ما يتكلم
شهد:ما طلاما هما مش معانا ف نفس الدور اخد انا اوضه تانيه و محدش هيعرف
آسر مشي ناحيتها و شد ايدها و قفل الباب و فضل ماسك ايدها و هي ماشيه وراه دخل و قعد على الكنبه و قعدها جنبه و قالها ممكن تعملي كده بس الكل هيعرف انك خدتي اوضه تانيه و اكيد هيسالوا عن السبب ممكن جدا حد من البنات يطلعوا يخبطوا و ميلاقوكيش ف الاوضه بس انا ممكن اتحجج بس حتى لو لقيت حجه لما نيجي نعمل (شيك اوت)(يعني يخرجوا من الاوتيل) الكل هيعرف انه فيه اوضه زياده احنا اخدناها ف اقتراحك ده مش ممكن طبعا ، و بعدين انتي للدرجه ديه مش واثقه فيا و قلقانه على نفسك مني
شهد: مش مسالت ثقه واكيد فيه حل يا آسر غير اننا نقعد ف اوضه واحده و بصت حواليها عشان تداري ارتباكها 
آسر حاول يقنعها اكتر :يا شهد احنا قاعدين في بيت واحد مقفول علينا اعتبري البيت صغر شويه هي هي مفرقتش
شهد:طيب ماشي اعتبر كلامك صح و البيت صغر هنام ازاي و مفيش غير سرير  واحد والكنبه صغيره جدا
آسر رفع كتفه بلامبالاه :عادي جنب بعض على السرير
قامت شهد وقفت بسرعه و مشيت ناحيه الفرندا و هي بتفرك ايديها بتوتر و قالتله لا خلاص مش مشكله  انا هنام على الكنبه
آسر:هو انتي عمرك ما نمتي جنب واحده من صحباتك ؟
شهد :طبعا نمنا كتير اوي جنب بعض
آسر:خلاص اعتبريني واحده صحبتك و ننام جنب بعض عادي
شهد بسرعه و خجل:لا طبعا مينفعش
آسر و هو مستمتع بكسوفها و توترها:ليه مينفعش
شهد:ها لا خلاص ماشي موافقه انا هدخل اخد شاور و اغير هدومي و فتحت شنطتها بسرعه و خدت هدومها و مشيت ناحيه الحمام ، دخلت و قفلت الباب و حطت ايدها على قلبها و سندت على الباب و حاولت تخفف توترها مشيت ناحيه المايه و فتحتها و خدت شاور بسرعه و لبست هدومها و خرجت لقته مستنيحها تخرج و دخل هو الحمام و هي قعدت تسرح شعرها وتحط الهدوم في الدولاب  وفي اللحظه دي خرج آسر من الحمام وكان نسي ياخد هدوم معاه كان لافف الفوطه علي وسطه شهد اول ماشفته اتكسفت جدا وبصت في الارض وآسر كان مستمتع بكسوفها وحب يرخم عليها
آسر:متكسفيش برضو انا زي جوزك والله عادي
شهد:ها وراحت جريه ونايمه علي السرير وغطه وشها  اما آسر فلبس هدومه وجاتله مكلمه وبعد مخلص المكلمه راح لقي شهد نامت راح وخدها في حضنه وقعد يكلم نفسه
آسر:مش عارف  بتعملي فيا ايه ياشهد شقلبتي كياني كله بس بامان وراحه وسعاده وانتي بيت ايديا وباس دماغها وخدها في حضنه ونام 😍