و بعدها حضنها جاسر و لف بيها و الكل سقفلهم
و همسلها جاسر :دوختيني يللي اختفتيتي زي السندريلا
لين:و انت خلتني اعشقك زي الامير
فارس: و بالمناسبه الجميله دي بقى يلا بقى انا مش عايز اكمل الفرح اللي بيتقطع كل شويه ده ، ده فرحي يا جماعه عيب كده و الله عيب
ريماس:مش مكتوبالك كفايه عليك كده مش انت فرحت شويه
شهد:خلاص يا فارس معلش ، ايه رأيك نطلع الاوتيل نغير هدومنا و نسهر الليل كله سوا
فارس:نعم يا اختي
اسر:عادي يا فارس فيها ايه يعني نسهر مع بعض و نكملل الفرح عادي يعني لسه بدري لسه عشرة
فارس:ماشي همشيها بس مردودالك ان شاء الله
اسر:مردودالي ف ي ايه ما خلاص انا فرحي اتعمل قبلك
فارس:في افراح عيالك يا حبيبي متقلقش في افراح عيالك
و طلعوا غيروا هدومهم و راحوا قعدوا على البحر و بعد اللعب و الهزار و الضحك
اسر: لا انا خلاص تعبت انا هاخد شهد و اروح و انت يا فارس خد ريماس يلا و امشي كفايه عليك كده
ادهم :وانا كمان لازم اروح لانا عشان الوقت اتاخر يلا روني
روني :ماشي يلا
ادم:لا يا ادهم روح انت و لانا وسيب روانا لو عايزه تسهر شويه و انا هبقى اوصلها
روانا:بس انا خلاص مش عايزه اسهر
ادم: خلاص انا هوصلك ، كنت عايز اتكلم معاكي في موضوع مهم
ادهم:موضوع ايه ده
ادم:بعدين هتعرف
ادهم :بعدين ايه ما تفهمني يا بني
ادم:بعدين يا ادهم بقى ، يلا يا روانا
روانا:ماشي يلا
بعد ما الكل مشي
فارس :خلاص يا حلوة كلهم مشيوا و متبقاش غيرنا
ريماس:يلا يا مجنون خلينا نطلع ننام عشان انا تعبانه
فارس:ننام، اه ما احنا هنام هنام جدا كمان
ريماس:فارس
فارس:نعم يا قلب فارس
ريماس:ممكن اطلب منك طلب
فارس:طلاما قلبتي عين القطه كده يبقى طلب ايه هيوديني ورا الشمس قولي يا حبيبتي قولي
ريماس:ممكن نتمشى لحد الفندق
فارس:بس كده ، يلا يا ستي
و هما ماشين فارس مسك ايدها وقالها
فارس: تعرفي اني بحبك اوي و مبسوط جدا رغم ان فرحي باظ و ليلتي باظت.و قلب رومنسيات
ريماس:اممم بتحبني اه. ما انا عرفه انك بتحبني من زمان هتعمل ايه بقى عشان تثبتلي ده
فارس:يعني اعمل ايه يعني
ريماس: بص بص اهو انت اهوه مش رومانسي مش رومانسي يا فارس
فارس:طب بصي دي
و وقف في نص الشارع و قال بصوت عالي بحبك يا ريماااااس
و فجأه جت عربيه خبطت فارس و ريماس واقفه مصدومه بعدها جريت عليه
ريماس:فارس، فارس انا عارفه انك بتحبني خلاص يا فارس انا كنت بهزر قوم عشان خطري
فارس حط ايده على وشها و قالها انا مش وعدتك ان طول ما فيا نفس عمري ما هسيبك ابدا متعيطيش
و بعدها ايده وقعت و فضلت ريماس تصرخ ان اي حد يلحقهم و الناس اتلمت و طلبوا الاسعاف و نقلوا فارس المستشفى و ريماس قاعده مستنيه بره اوضه العمليات
أنت تقرأ
متاهه الحب
Lãng mạnالحب❤انواع ●احبت من طرف واحد واتجوزت اللي بتحبه بس هل هو بيحبها ؟ هل هتقدر تخليه يحبها ؟ ●حب وسبته ؟ياتري هينساها ؟ ياتري كان بيحبها ولا متعلق بيها؟ ●انواع الحب كتير زي مافيه من طرف واحد فيه الحب اللي بيجي من غير معاد بس ياتري هيكمل ؟ ●والمتملك ال...
