متاهه الحب

الفصل العشرون

صحي آسر قبل شهد و بعد عنها براحة عشان متصحاش. دخل الحمام و خد شاور و طلع صحى شهد و ققالها انه  هينزل. نزل لقى الشباب في المطعم قاعدين بس لسه مفطروش
آسر :صباح الخير
الشباب:صباح النور
آسر: البنات فين
أدم:لسه مصحيوش .و شهد؟
آسر :صحيتها قبل ما أنزل و قلتلها إني نازل بس وارد جدا تكمل نوم عادي😂
أدهم: أنا أول مرة أشوف بنات كده ، اللي أعرفه البنات هي اللي بتزن عشان تخرج مش يفضلوا نايمين
ادم:ما هو احنا في عجائب الدنيا التامنه بقى😂😂
فارس: انا مش عايز اتفسح عايز افطر و بعدها يكملوا نوم زي ما هما عايزينو اخرج انا براحتي😎
آسر :ما تفطر حد ماسكك يا أخي
فارس:أه افطر لوحدي عشان ريمو تصحى تكلني أنا😏
البنات:صباح الخير
فارس:و أخيراً و شوشو كمان معاكوا
شهد و هي بتقعد:أه عديت عليهم
فارس :كويس نطلب الفطار بقى
ريمو:طب رد الصباح يا أخي الاول و زقته في كتفه و قعدت جنبه
فارس:ليكوا حق ما انتوا مش صاحيين من بدري لحد ما متوا من الجوع
روانا:و أيه صحاك بدري يا سيدنا
ريمو:فارس لازم يتأقلم على المكان الأول اول يومين عشان يعرف ينام فيه
روانا:الله يسهله يا عم لاقي اللي يدافع عنك😉
فارس:متنبريش فيها و اطلعي انتي منها😒
ادم:نطلب الفطار الاول و نفطر و بعدها اللي عاوز يضرب حد يضربه
آسر :اموت فيك و انت بتهدي النفوس😂  بتاع مصلحتك😏
طلبوا الفطار و فطروا قاموا قعدوا على الشاطئ و فضلوا كده يومين بينزلوا البحر و قاعدين في الاوتيل
روانا و هما قاعدين على البحر:هو احنا مش هنتفسح يا استاذ فارس انت جايبنا تحبسنا في الاوتيل و ننزل البحر بس😠
فارس : احبسك فين يا بنتي انتي هو انا مقعدك في اوضتين و صاله ده منتجع طويل عريض و فيه كل حاجه و مولات روحي اتفسحي مكان ما انتي عاوزه
ادم:عندها حق مش هنفضل قاعدين في الاوتيل ، نخرج بره شويه و انا بفكر نعمل diving
البنات و هما مبسوطين يلا نطلع نلبس
أدهم وقفهم:أعقل يا عم أدم احنا عدينا المغرب انت عاوز تودينا فين دلوقتي مينفعش  نروح هناك يا بنات الا الصبح المكان هناك خطر بليل و ممكن حد يجراله حاجه  ، بكرة الصبح بعد الفطار نروحه باذن الله
روانا برجاء :يا ادهم مش هتفرق و هنفضل مع بعضنا و مش هنتوه
لانا:اهدي يا مجنونه انتي ادهم قال بكرة يبقى خلاص بكرة وهو اكبر منك وعارف اكتر منك .
روانا بصطلها بطرف عنيها و قامت ماشيه و هي بتتريق على كلاما بصوت واطي :اه طبعا ما هو ادهم اكبر مني  ويعرف اكتر مني ولازم كلمته تمشي سيف ، اف اف
ريماس:😂ربنا يهديها البت ديه
لانا بتحذير:ادم خلي بالك راونا مجنونة و مش ناقصه حد يجننها زياده
ادم قام و قالها بلامبالاه و هو بيرفع كتفه :و انا مالي انا اقترحت و بس و هي حره، و مشي على الشط
ادهم:سوري يا لانا متضايقش من ادم هو ميقصدش ، هو بس مهفوف كده زي اختك
لانا :لا ولا يهمك
ادهم:لا شكلك لسه زعلانه ،تعالي اصالحك. و اعزمك على عصير فرش من اللي بتحبيه يروقك كده
لانا بابتسامه :لا. بجد مش زعلانه ملوش لازمه
ادهم:ابدا و الله ما تيجي😄 قومي يلا
لانا باستسلام و ابتسامه حاضر يا سيدي. وراحوا وشربوا عصير وكان ادهم مبسوط جدا  وكانوا بيتمشوا علي البسين
لانا :عرفت ازاي اني بحب عصير الجوافه
ادهم:مصادري الخاصه
لانا :بجد اممم فارس صح
ادهم بضحك: اكيد
لانا :  اممم تعرف تمشي بضهرك
ادهم:مش عارف مجربتش
لانا : ولا انا بس عايزه اجرب  بصراحه دلوقتي
ادهم:مشخايفه تقعي او تتكعبلي
لانا: انت معايا واكيد مش هتخليني ققع او اكعبل
ادهم فرح جدا : ياعني واثقه فيا
لانا: لو مش واثقه فيك مكنتش اتعملت معاك او امنت اني امشي معاك او كنا ماشين دلوقتي وبنتكلم
وهنا لانا كانت هتقع في البسين لانها كانت ماشيه بضهرها وفي الوقت ده ادهم كان متابع وفي ثانيه كانت لانا في حضن ادهم  ومغمضه عنيها
ادهم: فتحي عنيكي
لانا  بعد مافتحت عنيها وابتسمت : طلعت قد ثقتي
ادهم بص في عنيها: انا عمري ما هسمح ان اي حاجه تئذيكي او ان اي حاجه تقرب مني او ان ايدك اللي ايدي مسكها دي تسبني وضغط علي ايدها
لانا بكسوف: ها  اه وبعد عنه شويا مش يلا عشان اتاخرنا وهنصحه بادري عشان ال diving ولا ايه
ادهم وقد تدارك نفسه : ها اه يلا .
وراحوا الفندق وطلع ادهم ولانا وكل واحد راح اوضته وقعد يفكر في التاني .
اما عند روانا فافضله تتمشي علي البحر وكان فيه عيون بترقبها لحد ما رجعت الاوتيل وطلعت اوضتها .اما عند آسر وشهد فكان آسر زي كل يوم واخد شهد في حضنه ودافن راسه في شعرها اللي بقت رحته بنسباله ادمان .