ندي قاعدة في بلكونة الاوتيل المطلة علي احلي مناظر في المانيا.
كانت سرحانة و بتفكر.. قطع تفكرها دخول محمد
محمد:طب تمام هشوفك ان شاء الله ماشي باي
ندي بصتله:بتكلم مين؟
محمد قعد جمبها:عندي اخبار حلوة النتيجة هتطلع قريب جدا بس الدكتور مطمني و بيقول ان حالتك بقت كويسة اوي الحمدلله
ندي رجعت بصت للسما:عظيم
محمد استغرب:مالك؟
ندي:مالي؟
محمد:حاسس انك مش فرحانة
ندي:بالعكس انا اكيد فرحانة هبطل علي الاقل ادخل المستشفى كل شوية و اخد الادوية دي و الاقرف. ده كله هخلص منه
محمد:طب ليه شكلك مش فرحان زي ما كلامك بيقول؟ هو حصل حاجة معرفهاش
ندي:لا انا بس انا بس خايفة من اللي جي
محمد:بس كدة؟ خضتيني يا شيخة متخفيش اللي جي اكيد هيكون كويس
ندي:ان شاءالله
سكتوا شوية و ندي رجعت تتكلم
"هو احنا كدة خلاص؟! "قالت الجملة اللي محمد كان بيتهرب منها من اول ما جم هنا..
محمد ب استعباط:خلاص ازاي؟
ندي:يعني.. كلها كام يوم و نرجع كدة كل واحد هيرجع يعيش لوحده و هنرجع نبعد عن بعض؟
محمد:اي الهبل ده يا ندي ما انتي عارفة ان انا و سعيد ديما جمبك و انتي اختنا الصغيرة اللي ديما هنحافظ عليها و نهتم بيها صح
ندي ابتسمت بكسرة مكنش ده الرد اللي مستنياه من محمد خالص
ندي:صح.. انا بس عايزة اننا نفضل صحاب و منبعدش عن بعد وعد.. اوعدني يا محمد..
محمد ابتسم:وعد
ندي: انا.. انا هقوم الجو هنا برد هخش جوا
قامت و ادت ظهرها لمحمد و سابت دمعة تهرب من جفنها و تنزل علي خدها
مسحتها بسرعة قبل ما محمد يحس بحاجة
بس محمد مكنش غبي اوي كدة.. محمد عارف اكيد ان دموعها خانتها و نزلت....
دقيقتين و محمد دخل الاوضة وراها
ندي:هو احنا هنطلق لما نرجع صح
ندي لما لقت ان محمد مش هيرد عليها غير لما تسأل مباشر قررت تعمل كدة و تتجرأ
محمد:انتي عايزة ايه؟
ندي:انا.. معرفش انت شايف ايه
محمد:اللي انتي عايزاه هعمله..
ندي سكتت و بصت للكتاب اللي كانت مسكاه و بتقرأ قررت انها تهرب و متردش
محمد قام و قعد جمبها حط ايده علي كتفها
أنت تقرأ
NeVeR Give Up
Фанфикالحب.. في اللي بيحب و بيفضل جمب حبيبته مهما كانت الظروف... و في اللي اتجوز صالونات و حبها مع العشره.. و في اللي بيحسب نفسو بيحب بس بيطلع بيضحك عليه.... و في بقي اللي بيقولوا عليه مقطع السمكة و ديلها و ده في الغالب بيختار غلط... و في اللي مقدرش ي...