ندي خفت و راحت الجزائر هي و محمد.. محمد قرر انو ميطلقهاش و يتجوزو بعد ما خد رأي ندي
اقنعو اهلهم و عملو فرح
عادل و سارة ربنا رزقهم بـ آسر.. علاقتهم بدأت تتهز و سارة بدأت تغير زيادة و فقدت الثقة في نفسها بعد الولادة و المسؤلية اللي زادت عليها فجأة
احمد و فريدة قررو يرتبطو ببعض و فريدة وفقت انها تديلو فرصة
كاظم بدأ يتخطا نور و يشوف حياتو تاني.. بس بدأ يرجع زي زمان و رجع للسهر.. اتورطت في خناقة في night club و عادل راح خرجو من القسم و كاظم قرر يرجع يكلم للشباب تاني
سعيد خطب ياسمين رسمي و بيجهزو ل شقتهم دلوقتي..
بدأت الفرقة في التمثيل..
______________________________جمال(بابا فريدة): و انت ليك شغل تاني غير الغنا يا احمد
احمد:احم.. في الحقيقة في كذا فكرة في دماغي ل مشروع يكون جمب الغنا بس لسه مبدأتش في التنفيذ يعني محتاج وقت
فريدة اضافت:و كمان يا بابا دخل هو و الفرقة في التمثيل لسه في البداية بس ان شاء هينجح
جمال:ان شاء الله
ايمان (مامت فريدة): عن اذنكم لاحظة
قامت و سحبت فريدة وراها للمطبخ
ايمان:اي ده؟
فريدة:اي يا ماما في ايه
ايمان:ده عريس ده جتك خيبة
فريدة:ماله؟ ما هو كويس اهو
ايمان:طبعاً من كتر ما بقيتي تشتغلي في الاستوديو ده بقيتي شيفاه عادي مالو ابن منال هاا شاب زي الفل و مهندس قد الدنيا و بيحبك
زفرت فريدة بنرفزة:ماما مش وقته احمد قاعد بره!!
سحبت فريدة صينية و حطت فيها كيك و طباق و خرجت برا ل باباها و احمد اللي لقيتهم منسجمين في الكلام و حست براحة لما لقت باباها بيتكلم مع احمد كويس من غير ضيق زي مامتها
.
.
.
.مشي احمد بعد قعدة التعارف علي اهل فريدة و عشان يتقدملها رسمي
فريدة:اي رأيك فيه يا بابا؟
جمال:انا شايفه شاب كويس و طموح كمان
ايمان:لا طبعاً ده مغني يعني مش مضمون
فريدة بضيق:يعني اي مش مضمون؟
ايمان:يعني حياته كلها هلس في هلس النهاردة معاكي بكرا مع غيرك.. النهاردة معاه فلوس بكرا الله هو اعلم.. النهاردة بيشتغل و الناس بتحبه.. بكرا قاعد في البيت و يقرفك
فريدة:اي الكلام ده يا ماما احمد بيحبني و كمان هو هيعمل مشروع جمب الغنا عشان يضمن ان ميحصلش حاجة زي اللي بتقوليها دي
جمال:يا ايمان احنا لسه متعرفناش علي الولد كويس اديله فرصة
ايمان :لا هو انا هستني لما يكسر قلب بنتي؟ مستحيل
أنت تقرأ
NeVeR Give Up
Fanfictionالحب.. في اللي بيحب و بيفضل جمب حبيبته مهما كانت الظروف... و في اللي اتجوز صالونات و حبها مع العشره.. و في اللي بيحسب نفسو بيحب بس بيطلع بيضحك عليه.... و في بقي اللي بيقولوا عليه مقطع السمكة و ديلها و ده في الغالب بيختار غلط... و في اللي مقدرش ي...